小學初中教育有感 - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 小學初中教育有感

查看: 1610\|回覆: 12	go 小學初中教育有感 [複製鏈接]

dativebond

別墅

Rank: 4


	639

1^#

發表於 16-7-15 14:20 |只看該作者 |正序瀏覽 |打印

看過高中版和初中版，忽然有感而發。利申：紙上談兵，不喜勿插。
看過初中版，我終於能理解點解有家長見我個仔咁細就指指點點，一看我post野就討厭，因為有些初中生的表現真的很「誇張」。不過唔好插我，我又要指指點點，因為我打出黎唔單止比有心人看，更重要其實係寫作令我思考更完整，於己有益。
看過那些家長處理小朋友的「誇張」行徑，我第一個聯想到就係見樹不見林。小朋友沉迷打機（樹），影響學業，就限制他玩打機，兩人不斷為此爭拗，大傷感情，破壞親子關係，撕裂互信，大家都不服氣，認為道理在我。
我先唔講係咪呢個社會大部份小朋友打機你就要比佢打，（利申：我屋企根本連遊戲機、電視都無，我番到屋企根本唔會玩電腦玩手機，我通常開收音機。）重點係好明顯打機打到唔讀書，個癥結係無學習動機（林），當然打機習慣係不利條件。
小學初中階段其實分數唔係一分一分咁睇，唔係今次低過上次兩分就叫退步，因為份份卷唔同。你應該每天觀察係行為，著重佢動機，成績表只係KPI，以確認和你的觀察有否有落差，若有，思考點解會咁和解決方法（例如係咪唔知點樣考、溫書的方法。。。等等）。越早能夠令佢覺得讀書考試係一場佢表演既平台，令佢有成功感好緊要，呢個係動機。但點樣做？你要觀察邊一科最叻，由果一科開始，每一次見到佢有正面行為都要由心出發讚賞，唔好take it for granted。對於差的科目，你要以佢叻的科目做例子，相信佢抱住同樣既心態都會有進步。培養佢的學習動機（想比人讚）和正面行為，自然普遍科目都會獲益。
去到高中版，我見到個例子仲「誇張」。中四日日打幾粒機，一年欠交功課三十幾次，科科滿江紅，要留級。我想分享三點：（1）做家長要不斷反省，教育問題最主要責任係你，唔係小朋友。小朋友本來係白紙，佢而家變成乜人，唔係因為你咁係邊個責任？小朋友天生架？過去兩年，個爸爸只係以限制打機時間作方法。一個方法用左咁多年都唔work就一定唔work，你唔可能期望用同一個方法會得出不同結果。要反省，反思邊度出問題。自己唔識，就問專業人士，嘗試實踐和堅持，好多時好方法唔會一時三刻發生。人地專業人士都認人為問題關鍵係親子關係，佢話人紙上談兵，唔肯反省，不斷緣木求魚。（2）不要負面標籤和隨便批評。你話佢係懶，小朋友就一定懶比你睇，尤其青春期，佢實同你玩野，大家都經歷過實明。不要隨便批評，唔係話完全唔比，不過盡量可免則免，我明，有時自己都好難控制情緒。根據「人性的弱點」呢本書，人的觀念很難改善，批評更會加強他的觀念，更頑固更難改變。（3）無任何野，包括考試成績，重要得過你小朋友的感受和親子關係。無論你小朋友負面行為的原因多麽不合邏輯，多麼不應該。你首先都需要理解佢感受，唔係叫你認同，因為如果你連理解都唔做，佢一定會認為你不解佢，破壞他對你的信任。親子關係在乎信任，信任一破壞很難修補。親子關係一差，任何方法都事倍功半。
當然，以上全部係一部份人認為係所謂「紙上談兵」，我定義佢地為原則。理解呢D原則不難，如何將呢D原則落地先難，因為做事永遠不是非黑即白，中間落墨永遠係藝術。你無可能每次都做得好，原諒自己，反省再做好。