Band1 的詛咒 --- 黃明樂

小時了了

http://news.mingpao.com/ins/instantnews/web_tc/article/20160710/s00022/1468116775374
2016年7月10日 星期日



升中放榜，有人歡喜有人愁。記得，高中的他，這樣說過：「老師，如果當年我進不了Band1學校，你說多好！」

反高潮吧。背後的情緒過山車，卻不足為外人道。那年，獲派Band1中學，開心過中六合彩，還得神落。故事的開始，總是美好。可惜，剎那光輝，總叫人頭痕。強中自有強中手，未幾，由小學第一變中學第尾……

寧為雞口，莫為牛後。作為Band1學校的籮底橙，什麼都輪不到你。比賽、交流、表演，統統無你份，連功課貼堂都不用妄想。等着你的，是補底班、輔導班，甚至——留班。技不如人，加上自卑，惡性循環，升中那刻雄心壯志，數年後變了泄氣皮球。

有沒有出路？其實，是有的。在哪裡跌倒，在別處爬起。十來歲的小大人，自己很清楚，學術不是他的世界。但世界很大，除了中英數理化文史地，還有運動、音樂、舞蹈、攝影、烹飪……

條條大路通羅馬。不過，Band1仔通常無路可選。他，喜歡電子結他。我說，那就去彈啊。他說，老竇知道了，一定打死我。幾多人想入Band1中學也入不到，你入了，怎可能不考大學？其實，我真的不想入大學。「早知，我考得爛一點，入Band3，就做咩都得。」

一次僥倖（還是不幸），成了六年中學生涯的包袱。要說服Band3中學的家長，讓孩子追夢，不難。他們最大的願望，是孩子不要學壞。但要令Band1家長明白，孩子自有孩子的路，很難。

搞藝術的友儕間，常有個笑話。有人不忿社會總把藝術家看扁，標籤作「讀書唔成」的一群。有人卻笑說，「幸好我讀書唔成，不然，去搞藝術，家變都有份。」

而我，比較相信，某年某良師的一句贈言：「走到哪裡，都不打緊。重要的是，了解自己是怎樣的人。」與所有放榜同學共勉。

（原文載於2016年7月10日《明報》副刊。文章為作者觀點，不代表《明報》立場）

talknwrite

無論怎樣, 都必定有人是牛後, 做牛後沒問題, 最緊要懂得做個自強不息, 圓滑的牛後. 怕做牛後而走去做雞口, 我只能說不太欣賞.

silvia_ng

我為仔仔揀左間適合的中學，做了一個快樂的雞頭😂 好多野學校都揀佢/派佢做代表，越讀越有自信，係唔同範疇的智識都有所增長，呢啲並唔係成績單上可反映到出黎的。好感恩天主比到佢去呢度！希望出年呀女都有呢個福氣，band幾學校唔係我地concern, 而係搵一間可以令佢發展所長。

ckh311

原帖由 eggmay 於 16-07-14 發表
我弟弟當年就是要做大戲！我媽媽都不太願意，但他很清楚自己想做什麼、想要什麼，如今，他活得很開心，收入 ...

贊成，就算唔係讀書材料，都要做人有主見，有方向，知道自己想點

eggmay

我弟弟當年就是要做大戲！我媽媽都不太願意，但他很清楚自己想做什麼、想要什麼，如今，他活得很開心，收入亦足夠養活爸媽（不是大富大貴啦），我很欣賞他有主見，能創造自己的道路，不會隨波逐流，有時我想，若仔仔不是讀書材料沒有問題，但他要知道自己條路怎樣走，怎樣養活自己，找到自己的路就可以了。

思思baby

越講越離題
樓主, 點解你心儀外區直資既? 本區BAND 1 津中不考慮放入自行?

catiou627

原帖由 IloveJJ 於 16-07-12 發表
佢如果嫁唔出，就同你住啦！駛鬼瞓街咩？如果佢嫁得出，就有老公一齊儲首期，駛鬼你出咩？所以，你呢份保險 ...

我都係咁諗。

little_yolky

原帖由 IloveJJ 於 16-07-12 發表
佢如果嫁唔出，就同你住啦！駛鬼瞓街咩？如果佢嫁得出，就有老公一齊儲首期，駛鬼你出咩？所以，你呢份保險 ...

小朋友長大咗，就唔會想同爸媽住了

JadeW

我報直資小學一開始已係諗中學選科既選擇，以及成績中間就得。吾好太差又吾使好好，都未清楚阿仔係乜料乜心態下，只好選擇了中間路線，求保險！我只覺得小學係建立語文基礎、培訓學習態度的重要階段，呢個時期建立左呢兩樣野，成績就自然會接軌。要補習先去b1a中學的話，咁父母未要幫佢補到中學/大學畢業？合適就好啦！見到好多牛後，體會自信真係影響好深遠！

我宜家反而諗緊係我一直想佢中學選理科，因為好似大機會升大學d, 但吾知會吾會天意弄人，佢自己反而想選文科！吾知我會吾會頂吾住佢既選擇！

呢度成日有人問邊間好邊間吾好，大家標準/目標/資源都吾一樣，比較黎做乜？人講岩你就岩，人講吾岩你就吾岩？提供客觀的資料俾大家自己分析自己諗結論，同一樣野資料可以因各自不同的條件而有不一樣的結論！使吾使講呢間好果間吾好，一陣又話打手又話要圍堵，都吾知為乜？

marble2004

回覆 little_yolky 的帖子

有d 錢 好 過 一d錢 都 無,  我 都 幫 阿 買 了 一 份

MASAYA

little_yolky 發表於 16-7-12 19:46
死咯, 我仲驚阿女嫁唔出, 一出世就同佢買咗份基金, 諗住到佢三十歲有幾十萬做首期, 唔駛瞓街。 ...

我覺得條數就係咁計，佢到三十歲妳覺得幾十萬仲做唔做到首期？

little_yolky

IloveJJ 發表於 16-7-12 13:53
我唔諗住為自己養老儲備架! 我同啲仔講明，將來要佢哋養我! 所以，唔可以做宅男，亦唔會做藝術工作，因為搵 ...

死咯, 我仲驚阿女嫁唔出, 一出世就同佢買咗份基金, 諗住到佢三十歲有幾十萬做首期, 唔駛瞓街。

little_yolky

bobbob 發表於 16-7-12 13:42
有無睇清楚張保單內容，啲回報未必係guaranteed，有啲未到期攞唔返錢，又或者要比一堆surcharge。我唔同意 ...

我係for退休, 唔會提早攞, 我供咗1X年, 依家個回報都仲係理想。因為我份投資保係人壽投資保嚟, 當年啱啱出嚟做嘢, 無錢, 份人壽保好平, 所以一年後經濟穩定就cut咗。我個保險agent好好架, 係師姐嚟, 同我分析晒我既財政狀況可以點買保險, 依家佢上咗岸了, 唔駛同人sale保險, 主要做投資。

mch411

YanKanMom 發表於 16-7-12 14:02
阿囝這些體己話，聽到是開心的。不過聽吓好啦，唔好完全當真呀。聽唔少阿媽話，阿囝一有女朋友/老婆就會將 ...

俗語說, "生仔好聽,生女好命"

YanKanMom

IloveJJ 發表於 16-7-12 13:53
我唔諗住為自己養老儲備架! 我同啲仔講明，將來要佢哋養我! 所以，唔可以做宅男，亦唔會做藝術工作，因為搵 ...

阿囝這些體己話，聽到是開心的。不過聽吓好啦，唔好完全當真呀。聽唔少阿媽話，阿囝一有女朋友/老婆就會將應承阿媽的說話忘得一乾二淨的了。反而阿囡會好啲，孝敬父母的機會大啲喎。