11網及軒小叩門分享

Hayden0805

我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但抱歉我唔係問得好足，所以只作大概介紹，等其他家長再補充！

除了英一（呢間好用力叩，因為真心鍾意！），所有叩門我都冇寫叩門信，portfolio內含幼稚園校長推薦信，牧師推薦信，課外活動証書，畫畫獎項及得獎畫作，沒有呈交學術方面的證書，因不怎樣突出，也沒有家庭及小朋友生活照！讀學卷幼稚園，校內成績全優！Portfolio只用釘書機簡單訂好！叩門時，我冇任何back up,因直私只考了五間，得兩間有waiting,抽了乙三潮商，擺潮商咁前，係因我真心欣賞校長及老師的專業，英小加粵教中，升中成績呢幾年保持三成以上band 1,非常不俗呀！（雖然大家未必咁睇！）
扣門情況：
聖提001，知道唔係提幼學生機會不大，所以冇叩到！

英二：學校叩門表講明要自行或甲或乙㨂過佢先有得叩，我以為自己冇㨂過佢，竟然冇去交表，擺左烏龍！所以冇叩到！

叩左冇得in:0.0.11薄尼，0.2.4基恩，0.0.7般小，0.0.0銅軒
有得in冇offer:0.0.10中尼

有offer:0.0.8呂小，0.0.13李陞，1.1.2英一，0.0.0軒小

講下扣門面試先，
呂小扣門，in一次，不需見家長，有俾一張紙有圓圈的，要小朋友發揮創意，加野上去！
冇in家長，阿女008都有offer,但不是第一輪call!

中尼，in一次，有問中英數問題，又設迪士尼樂園場景，考驗小朋友的反應。朋友111扣入！

英一扣門收表是有限時的，所以星期六一知大抽獎結果落空，就要即交表，其他學校反而可以有多一兩天緩衝期，未必咁快收！
要面試家長，都係問點解㨂呢間學校！點解喜歡又不擺學校做111！
校長著重家長的職業，有否明白學校理念，及自行抽獎時的排位！
小朋友問生活情境題，中文認字五個，要寫自己名及一兩個詞語，如：老師！英文又問五個生字，不需串字！

李陞
第二次面試校長直接問家長，但校長九月離開啦！所以下年未必相同，內容都係點解選叩學校，小朋友優點缺點，叫小朋友說說一本喜歡的圖書！

軒小
英文對答，國語對答（問最喜歡香港那一處地方），派填色紙填色，講故事答問題（阿女話好多小朋友冇舉手答問題，得佢舉手答！）

總結：
1.對心儀既學校，必須要先去了解學校既理念，九月會有大量開放日及簡介會，要聽校長既簡介，因為每間學校必定問點解㨂佢，一定要與自己既家庭教養方式配合，環環緊扣去答，唔好只答學校點好點好,再進取d答埋小朋友既強弱項，叩住學校既特色去答，屋企可開口練習，我講家長自己呀，唔好唸住到時自由發揮，係好緊張架，你隨時緊張過小朋友！
呢方面絕對有得做功課架！
2.唔好只了解第一線既學校，我係用左好多時間去了解二三線既學校，對中西區既天潮新，我仲熟過一線學校，因為當中抽唔到一線時，你要有心理準備去一間唔太抗拒既去入讀，否則，你叩門時會好大压力，小朋友係會感受到架，我仍相信只要學生學習態度好，係那一間學校都一樣有好既發揮！（可能大家覺得我太天真！）
3.唔好為左小一升學，去考大量既証書，反而係閱讀閱讀再閱讀，培養小朋友閱讀的樂趣先係對小朋友最佳既禮物，要訓練就找些你小朋友真心喜歡的去學，令佢對學習有自信心！真心喜歡學習！
歡迎各家長再補充資料，呢度只係好個人既分享，啱聽就記住，唔啱聽就忘記佢啦！

Hayden0805

DianaRose 發表於 17-4-27 01:31
想問叩門時如何整portfolio 可爭取到面試機會？是否一定要有cert?

我寫呢個post,其實就係想分享自己既portfolio係好弱架，咩都冇，咩奧數，英文，樂器，國語學習cert都冇架，連扣門信都冇，只簡單用釘書釘釘好，俾左最簡單既幾頁資料咁，所以都唔好太大壓力，其實最重要都係小朋友臨場表現，同埋，如果間學校係非常心儀，務必了解透徹，一定要具体講到鍾意d咩，扣住你自己既教養特色及小朋友既強弱點咁去答，先有意思，否則，答埋d好行貨既答案，其實係浪費左面試既機會！
如好多家長會答學校口碑好，認識好多小朋友係度讀書，佢地都好乖！校長即問，係邊個？有冇名，讀邊班架？你如果只係隨口up,咁就答唔落去啦！

DianaRose

想問叩門時如何整portfolio 可爭取到面試機會？是否一定要有cert?

Toeyyipbb

回覆 Hayden0805 的帖子

多謝你分享,我諗緊係咪培小...........哈哈因為校長真係好有愛心架,依間係好有愛既學校

Toeyyipbb

回覆 Hayden0805 的帖子

babykiddy

回覆 Hayden0805 的帖子

多謝你分享, 雖然英二擺左烏龍, 但你點睇英二, 英一真係好好多??  分別在那裡??

chuheadlacool

Hayden0805 發表於 17-3-30 08:24
同意樓上所說，今年11網已加入不太吸引的跨區小學，吸引度大減，不值得為網而搬了！
...

雖然話要借網，請問有冇邊個網比11網更好？大女細仔

Hayden0805

我要自由 發表於 17-3-25 10:30
都想問下英一算5算活動教學？多5多功課？

女兒讀了英一幾個月，學校課程適中，沒盲目谷深，教得好細仔，測考範圍易跟，抄寫功課不多，女兒在學校的導修堂完成了大部分功課，每天回家一小時以內已經做清其餘部分！就算大假期前都不太多！

Hayden0805

chuheadlacool 發表於 17-3-19 16:10
請問如果好似你咁，大女細仔，你覺得11網是好選擇嗎？因本人有考慮過搬往11網，大女今年k1
...

同意樓上所說，今年11網已加入不太吸引的跨區小學，吸引度大減，不值得為網而搬了！

我要自由

Hayden0805 發表於 16-7-7 10:29
我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但 ...

都想問下英一算5算活動教學？多5多功課？

methy

原帖由 chuheadlacool 於 17-03-19 發表
請問如果好似你咁，大女細仔，你覺得11網是好選擇嗎？因本人有考慮過搬往11網，大女今年k1
...

11網今年大抽獎要借隔離網（12&18），唔計要跨區返學校，所抽既學校仲要係不太吸引。

17-3-19 22:13 上傳

下載附件 (138.53 KB)

chuheadlacool

Hayden0805 發表於 16-10-30 13:12
你問禮賢會幼稚園？禮老師校長非常好，如學生抽獎結果前沒有任何offer,校長一定幫手寫信！
因有細佬跟尾， ...

請問如果好似你咁，大女細仔，你覺得11網是好選擇嗎？因本人有考慮過搬往11網，大女今年k1

Hayden0805

penguin8 發表於 16-10-30 12:54
想問你對禮xx有咩意見？點解冇叩聖x, 聖加x?

你問禮賢會幼稚園？禮老師校長非常好，如學生抽獎結果前沒有任何offer,校長一定幫手寫信！
因有細佬跟尾，所以偏向㨂男女校

fatangel1108

原帖由 Hayden0805 於 16-07-07 發表
我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但 ...

今年呂小叩門補充少少，除左一張紙9個圈俾你畫野，之後老師會俾中文同英文生字叫小朋友讀，中文約2張A3紙咁大，英文就約F4 size ，我仔話中文就叫佢全部遂個讀出黎，而英文就抽黎問; 而英一今年設有2nd in, 但2nd in問咩我冇詳細問，只知2nd in 完即收，我地冇叩英一，係隔離班小朋友

meowymeowy

原帖由 Hayden0805 於 16-07-07 發表
我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但 ...

謝謝你無私的分享。英一校長真的很好，再次恭喜你。

Hayden0805

原帖由 jimmyveron 於 16-07-07 發表
想問新會感覺如何？

新會校長老師團隊都十分好，好有心做好間學校，如對這學校心儀，可以去她的體驗課，去年，她甚至會和上体驗課的學生做評估，讓他們知道如入學校就讀，按著學生的程度，會安排那樣的課程給他們，我曾去過英文程度較佳的那組觀課，教學水平相當高！
此校也用了很多資源鼓勵閲讀，值得入内了解！

sandychan0707

多謝！非常好的分享！