2016 年 62 區及鄰區叩門心得- 給下年家長

glocatcat

經過今年的叩門 (需然仍在叩門中), 因叩既學校都比較多, 所以想留一些資料給下年度的家長參考, 暫時仍未能UPDATE 太多, 但想提醒下一年的家長, 因現在有很多學校都開始要報簡介會, 所以如果有時間, 請盡量去晒你心儀學校, 或自已所在區域的小學及隔離校網有機會考慮的學校, 因為去叩門時, 好多學校都有問 "你有冇參加過我地學校OPEN DAY?", 咁如果冇的話, 己經好明顯你係真的心儀這間學校, 定係諗住揾水泡
再者, 事前了解多D 唔同學校, 到叩門時亦比較好去安排, 到底要叩邊間? 同埋如果撞時間時, 到底要去邊間?

其次, 差的學校 (寶校類) 亦好建議去參加佢地的開放日或簡介會, 因為了解多D, 你可以幫小朋友在填選校表時, SET 一個好的安全線, 如果不幸派到一間差學校, 亦希望係差之中最好的, 咁會比較穩陣

glocatcat

順便分享下，關於浸聯，經過2nd in後，對於此校選生我有D體會。佢地似乎會簡一D能自發性讀書強的小朋友。其實同學校既模式亦很相配。因為佢地少考試測驗，如要追上進度都要靠小朋友平時能夠主動學習。如果係個種唔迫唔溫書的小朋友及家長 （即係我地自己情況），我覺得反而不太適合此校。


以上純粹個人經過interview 後感覺

glocatcat

hilouisll 發表於 17-3-17 17:38
樓主可否分享下st rose in咩？

面試個日因阿女病左，最後冇去面試，唔好意思分享唔到。

hilouisll

glocatcat 發表於 16-7-4 13:28
叩門己算是完成了, 這過程後我有一個很強烈的感覺, 人家說的1,1,1 係有D 作用 (同時也看PORTFOLIO 及小朋友 ...

樓主可否分享下st rose in咩？

阿里媽媽

subb 發表於 16-7-6 13:32
算好彩　！　
心儀小學只收111叩門, 自行時已經問過得2XX人申請
扣除全校學位, 感覺叩門重容易過派位,

請問你嗰間係咪馬基？

supar08

worry123 發表於 17-2-10 01:23
睇住呢個post 同身邊既朋友今年既分享 ... 真係好頭痕。 出年到我喇，龍B～ 應該好慘烈。 仲有個細既後年跟 ...

睇真d或問下，主愛好似升返荃灣中學

yip144

Cmjelly 發表於 17-3-3 10:22
65網全完二大家覺得如何？有20分自行試入，家住荃灣。另外62網荃灣乙一放何傳耀會穩陣嗎？呢兩間學校升ban ...

全完我唔知. 乙一何傳耀上年應該穩陣, 不過你應該係龍B下年入小一? 等埋今年兔B 派位結果咪仲清楚
仲有, 何小網站上個升中表個link 死左(可能特登收埋), 不過比我搵番出黎, 估計係前年的成績卦, 你自己參考吓

Cmjelly

glocatcat 發表於 16-7-4 13:28
叩門己算是完成了, 這過程後我有一個很強烈的感覺, 人家說的1,1,1 係有D 作用 (同時也看PORTFOLIO 及小朋友 ...

65網全完二大家覺得如何？有20分自行試入，家住荃灣。另外62網荃灣乙一放何傳耀會穩陣嗎？呢兩間學校升band one中有幾多%？唔該晒！

小淘愛

想問吓大家，係66網有20宗教分，諗緊主恩，青澤，享澤呢3間。其實最想入主恩 但好驚太多人選擇入唔到，又怕浪費左20分，唔知你地會點選擇呢？

tsewong

worry123 發表於 17-2-10 11:28
多謝你意見.. 你入到沙呂小？ 好野來架，沙田個中學網又靚！恭喜晒！ 交通問題再慢慢度， 或者考慮下搬沙 ...

今年兔B同出年龍B係超級大鑊, 要諗清楚, 我覺得最緊要穩陣, 唔好太搏, 除非你有私校backup... 但荃灣區附近係冇乜私校嘅

公屋住戶證唔知得唔得, 但水電媒單就一定可以

worry123

tsewong 發表於 17-2-10 11:22
同樣都係20分, 我會揀間易入嘅, 攞咗offer先再諗

我係今年呀, 就係自行入咗沙田母校, 雖然仲未攪掂交通問 ...

多謝你意見.. 你入到沙呂小？ 好野來架，沙田個中學網又靚！恭喜晒！ 交通問題再慢慢度， 或者考慮下搬沙田/大圍一帶。

住址證明要水電煤？咁我而家改番名先... 因而家同6299 同住荃灣，全部都吾係我2公婆名...  葵涌個地址都冇我名，淨有公屋住戶證有我名

tsewong

worry123 發表於 17-2-10 01:23
睇住呢個post 同身邊既朋友今年既分享 ... 真係好頭痕。 出年到我喇，龍B～ 應該好慘烈。 仲有個細既後年跟 ...

同樣都係20分, 我會揀間易入嘅, 攞咗offer先再諗

我係今年呀, 就係自行入咗沙田母校, 雖然仲未攪掂交通問題, 但個心定好多, 會再去荃灣同葵涌心儀學校再叩門睇有冇機會

你外家雖然喺葵涌, 但小朋友唔係同婆婆住就最好唔好報64網, 會俾人查架...除非小朋友真係住婆婆度, 而且你外家屋契/租約/水電媒單有一樣要係你或你老公個名

晴晴小B

worry123 發表於 17-2-10 01:23
睇住呢個post 同身邊既朋友今年既分享 ... 真係好頭痕。 出年到我喇，龍B～ 應該好慘烈。 仲有個細既後年跟 ...

64網小學其實比62網差，兩間主愛可能有三至四成英中，其他得1X~2X%升到英中。

worry123

睇住呢個post 同身邊既朋友今年既分享 ... 真係好頭痕。 出年到我喇，龍B～ 應該好慘烈。 仲有個細既後年跟尾... 真係好驚一屍2命。

我家住荃灣，如果揀荃灣網既伍小 有20分，極近屋企。同時，64網既主愛都有20分。（2間都係父母舊生）

好多朋友都話有得揀，緊係揀主愛，中學校網都靚好多。但咁就要2兄弟搭校車。最大問題係... 我知主愛20分自行都入吾到，其實要靠大抽奬。

揀伍小就相對地20分易入少少... 又好近屋企。但係6年後揀中學又係要再煩過...

有冇人可以比意見？ 另外，想問下，家住荃灣，但外家係64網葵涌，請問是否大抽奬都可報64網？ 要比咩地址證明 ？ 謝謝指教

eeyorepigpig

睇完你地分享, 我真係想喊~~~~下年到我個龍仔喇
本來港島區有間有20分一線,想搏吓, 但C6唔想而家最壞打算都係返黎荃灣大抽奬

subb

25分入沙呂好大機會呢　！　

tsewong

pinga_pinga 發表於 16-9-29 17:14
沙田圍呂明才真係搬過去都值得讀呀

我報咗啦, 如入到先再諗交通/搬屋問題

另外會喺荃灣叩門, 但應該會好難叩到... 我心儀浸聯, 啱啱今年好似有成400幾人叩門, 得1X個位咋

其他好多要111

cattz288

eeyorepigpig 發表於 16-9-29 22:22
想問下借校網，有邊幾間揀？齋青衣區？

未有借位INFO住

eeyorepigpig

想問下借校網，有邊幾間揀？齋青衣區？

pinga_pinga

tsewong 發表於 16-7-5 14:22
我嗰間係沙田圍呂明才小學，係一線小學＋有間band 1聯繫中學，所以我係好想入... 係唯一交通問題要諗，每 ...

沙田圍呂明才真係搬過去都值得讀呀