[討論]傳統學制的好與壞

hkpapa852

香港的傳統學制, 給人最多的感覺, 似乎都是負面的, 如「填鴨式教育」,催谷催谷再催谷,求學只是求分數等......

因為以上種種負面因素,令到不才家長希望另找出路,逃離傳統學制的「負面方式教育」,於是不少新派直資學校,廉價國際學校就成為他們的避風塘。

但香港的傳統學制,除了上述的問題外外,真得一無是處嗎?

至少我個人認為不是,試問現在香港多少官商名人,或所謂的社會精英,有多少不是在傳統學制下長的的呢?

以下是個人認為傳統學制的一些好處:

1.香港人,甚至大多數華人,從小至大都身習慣以測/考/評估的方式來衡量自己和別人的能力,其實這一點,是傳統學制的優勢.
事實上,這個概念,可能已深植不少家長心中。過去亦不少家長,口裡說不想小朋友辛苦讓他們入讀國際學校,或一些沒有測考的學校,但父母後續郤要求學校提供一些類似傳統學制的測/考評估給他們,實屬可笑之舉。

2.傳統學制抄寫練習的確沉悶,但事實上,過少的抄寫練習,只會令大部份小朋友更加容易忘記如何寫那些字。可能大家今時今日覺得寫字不重要了,但練字,其實可當一種EQ的訓練,也可當作藝術的培養。學會面對沉悶,將來便不怕應付工作上永無終結既無聊鎖碎事。

3.有測考就一定有壓力,適量/適當的測考,除了帶來壓力之餘,亦可成為對自我要求的推動力。當大家關關難過亦能關關過的時候，亦可以得到一定的成就感。而且，早點學會如何正向面對壓力，不幸事件亦會減少。

4.刻板的教育方式和內容：其實讀書一定係刻板，無論甚麼學制，只要你對某科無興趣，你都一定會覺得佢刻板。但事實上教育方法是可以改變很多事情。以前有幸遇到幾位非一般的老師教導，重搭個別原本沒有興趣的科目的興趣。
較近年的，有幸聽過陳葒校長一次關於如何作好中文的講座，講座只能以"精彩絕倫"來形容。如老師們都能以陳葒校長的方式去教導學生，學習一定不會刻板，更加唔需要怕甚麼沒有額外課程去訓練孩子的思維。
而且，刻板和沉悶一樣，可以鍛練心志。


其餘還未想好...... 稍後再寫下去

個人最後的見解:
傳統學制是好是壞,在乎家長和學校的要求有幾多,以及要求是否合理。

歡迎大家討論，發表意見！

retriever

MASAYA 發表於 16-6-27 09:52
咁既心態，讀乜都死啦...

對.
但確係有不少家長為免功課而希望想選活動..

國際學校有讀得好叻的學生, 也有極HEA 學生. 方式上係易D 過骨

MASAYA

retriever 發表於 16-6-27 08:30
做project可以hea過，傳統抄寫，標準答案難hea過。

所以某程度亦可以話活動(project based)  workload少d ...

咁既心態，讀乜都死啦...

retriever

做project可以hea過，傳統抄寫，標準答案難hea過。

所以某程度亦可以話活動(project based)  workload少d如果要求唔高。。。

JadeW

冇錯！有些家長以為活動教學就是小功課，但不知道做project 比做功課所需要的時間、精力，父母要作引導的心力比教做功課要投入更多的資源，即時間及腦力。仲要不是功課輔導班可以協助解決的！

Project要做得好不是易事，要hea過其實係學吾到野的！更不應美其名為放手俾佢做，而吾理佢在做乜！

ANChan59

原帖由 methy 於 16-06-25 發表
唔係組組都有得滙報，我係小朋友，慢慢學識使咩傾，發下夢唔好，傾完都無份參與架喇。觀課都咁，平時活動教 ...

我會咁睇，小組討論是同步舉行，滙報是一組組，課時有限制，可能一節課不能容納每一組都有機會滙報。

但老師在下一堂會安排，上一堂沒有機會的小組滙報，都是合理的安排！我知亦有家長投訴為何他的孩子沒有多些機會滙報，如要做到就要小班了！

重點是整個學習過程是互動，參與性，吸纳不同意見，歸納，表達等等方向，滙報只是一個部份，不是全部。

學生沒有參與是問題，但原因有好多，例如不舒服，帶病，不喜歡個別組員等等，老師有責任瞭解及改善他的參與度！

methy

原帖由 MrBeast 於 16-06-25 發表
本帖最後由 MrBeast 於 16-6-25 06:15 編輯

咁我個大仔語言表達唔太得，唔多口又唔主動講野，但好聽老師話，又自動波完成功課，傳統教學應該會適合佢多d

相反細女多口，轉數快，舉一反你四五六，不停口，周身郁，駁老師嘴，老師講錯野都立即更正老師，唔怕羞，好彩又識冧返老師。

現在既幼稚園都好活動教學，有個月既主題係白菜，先一齊搵白菜既野回校分享，個女醒起樓下有間賣花既店舖有白菜，就同佢去睇，決定買包白菜種子回校，有日安排去某小學參觀人地個天台種植場，參觀&採摘白菜，回家興奮比我睇&話我知做左d咩，再用摘回家既白菜一齊煮一道餸菜，影相紀錄過程，再貼落工作紙回校分享，最後活動係家長同小朋友係學校包白菜餃子，老師將整個主題教學滙報比家長睇，我女自此愛上食白菜，而我有一個月日日都煮白菜呢。


小學要咪要係直資先有呢d時間&經驗去教活動式教學呢？傳統小學有無邊間既活動教學都有質素？想聽下經驗家長分享。

methy

原帖由 AgapePa 於 16-06-25 發表
阿女間直資係用活動教學, 我又舉例小二中文堂(都係普通話), 有一課是關於西遊記, 老師先教課文, 然後分組比 ...

果然係有質素既活動教學

多謝你既分享。

MrBeast

methy 發表於 16-6-24 23:46
我好受傳統教學，老師教，我就聽&吸收，我喜歡有規矩，又唔怕悶，覺得好好呀。
到大學有機會去外國交流，T ...

另外以前的HK學生都不會主動發問，我相信都是和傳統上課模式有關，到到出來做事開會的確會sid底，所以我之前都好響往活動，亦選擇了活動的kg，不過有次觀課，發現上課得益的學生，其實都係本身vocal、outgoing type，我個怕羞、說話差的，進步並不大，到到考小學，當然亦考不到標榜活動的小學，最後被派到傳統小學，因為孩子文靜，反而適應得不錯。
moral of the story：找學校要match 小朋友本身的性格，而不是父母想要的性格。


ps，kung fu panda 3 中有句好正的金句：im going to change u into u.

AgapePa

methy 發表於 16-6-24 23:46
我好受傳統教學，老師教，我就聽&吸收，我喜歡有規矩，又唔怕悶，覺得好好呀。
到大學有機會去外國交流，T ...

阿女間直資係用活動教學, 我又舉例小二中文堂(都係普通話), 有一課是關於西遊記, 老師先教課文, 然後分組比賽, 比賽是扮演西遊記的三打白骨精, 課文只得幾句有關劇情, 同學要自己搵料寫劇本和對白, 又要做簡單道具分配角色和夾戲, 然後分組表演. 勝出小組再加人和加長劇情, 早會時再在全校前表演, 一課書玩足成個星期.
之後, 阿女對 西遊記興趣大增, 自己睇晒成本西遊記.

conniewktang

原帖由 hkpapa852 於 16-06-24 發表
其實10個有9個家長根本都唔清楚咩叫活動教學, 一味以為叫得"活動教學"係會"開心D/壓力細", 就一窩蜂話想搵" ...

Totally agree!

methy

原帖由 littlefaith 於 16-06-25 發表
本帖最後由 littlefaith 於 16-6-25 00:13 編輯

唔係組組都有得滙報，我係小朋友，慢慢學識使咩傾，發下夢唔好，傾完都無份參與架喇。觀課都咁，平時活動教學既質素...，的而且確有為做而做既感覺。

littlefaith

methy 發表於 16-6-24 23:46
我好受傳統教學，老師教，我就聽&吸收，我喜歡有規矩，又唔怕悶，覺得好好呀。
到大學有機會去外國交流，T ...

我小朋友學校係活動教學為主，學生已經習慣分討論同大組匯報，加上老師設計課堂有心思，有討論工作紙引導學生討論，並且能做到所有組別都會有時間匯報，故此每次觀課都會見到整班同學都會投入參與，唔係為做而做。
至於上到高年班，尤其高中，正如ANChan59所謂，就算我小朋友間學校，都會多返好多「傳統」形式教學，因為學生已經大個，好多時chalk and talk反而更佳。

methy

原帖由 retriever 於 16-06-24 發表
你意思，似乎係津官既所謂活動教學方式只有形式同軀殼？

以我所參觀既幾間都係咁，我覺得係。

我只想搵間傳統教學但又唔谷既小學，比學習有點慢既大仔，估不到間間都話活動教學，但到觀課時又發覺都唔係果回事，我仔咁樣上堂，佢發夢遊去左（個腦）都似。

retriever

原帖由 methy 於 16-06-24 發表
本帖最後由 methy 於 16-6-24 23:47 編輯

你意思，似乎係津官既所謂活動教學方式只有形式同軀殼？

methy

原帖由 MrBeast 於 16-06-24 發表
都唔可以怪家長，我自己曾幾可時都係一樣，不過幸好醒得早。我覺得我們家長細個受過傳統教育的折磨，當然唔 ...

我好受傳統教學，老師教，我就聽&吸收，我喜歡有規矩，又唔怕悶，覺得好好呀。
到大學有機會去外國交流，Tutor話我唔主動，只坐係到聽，唔主動參與討論&發問或批判其他人講既野，係學唔到野，我開頭超唔慣，慢慢放膽講，原來無對錯，不過唔知係咪太習慣傳統教學，我個腦轉又轉得唔夠快，上課日度日如年。

參觀小學時，都係官津為主，有次觀課，係小二中文堂（普通話）。老師話係以活動教學模式上堂，主題係春天，老師先教與春天有關既詩詞，詩詞內容都係與春天有關，之後全班齊齊跟老師讀一次，讀完老師再講解下內容，認識詩入面既詞彙，之後學生四人一組，老師每組派一個信封，入面有一張卡紙，紙上有一堆詞語，老師叫每組同學諗下邊d詞語同春天有關，有d組好積極傾，有d組組員玩手指，或用眼色「聊」觀緊課既家長，最後可能趕落堂，老師叫其中一組同學出黎滙報一下,老師話正確，全班拍手，就落堂喇。

再參觀其他學校觀課，都有類似活動教學模式，但老師無能力或熱誠或經驗去帶領學校參與討論&回饋，小學生咁樣上堂又學到幾多呢？

直資既活動教學聽說很有質素，但未有機會見識。

simonwan

講來講去，其實同傳統活動無關。教得好唔好，主要兩點：教師有無料到？
教學方法好唔好？

YanKanMom

講講吓，或且也並不是分什麼傳統和活動教學。學校裡教授知識理想應包括傳遞知識及與學生互動交流，否則不如個人在書本或網上學習好了。所以最後真的幾睇老師個人的能力及發揮，正如樓上Littlefaith所說，傳統教法也可活潑有趣，安排活動一輪後也可不知所學。

ANChan59

littlefaith 發表於 16-6-23 18:46
對。
不過傳統當中又分有趣和沒趣：

The last paragraph is the highlight !!!  

MrBeast

hkpapa852 發表於 16-6-24 09:28
其實10個有9個家長根本都唔清楚咩叫活動教學, 一味以為叫得"活動教學"係會"開心D/壓力細", 就一窩蜂話想搵" ...

都唔可以怪家長，我自己曾幾可時都係一樣，不過幸好醒得早。我覺得我們家長細個受過傳統教育的折磨，當然唔想比同一experience小朋友，完全可理解。