太子明慧 VS 培道 (內有兩間幼稚園小小介紹,有興趣可以一看)

^0^_V

明慧讀緊國際班 全英粵教緊(有得上普通話同日文堂)...N班學緊既英文 , 有D我自己都唔多識,已經可以用英文短句答我問題.. (真心覺得教得幾好, )
小朋友見住都叫跟得上...
普誦話, 就識講XX老師早晨 ,再見咁...
但學費貴, 半日48XX, 全日87XX(or 88XX?)
仲有其他乜費乜費,總之妳諗到既都會收錢(咩活動相片,每張收你5蚊大元, 唔知做乜唔可以俾人上網DL,).
校服質地好一般,但收你高級價錢..(冷衫洗兩三個月已經毛粒),
總之感覺就係學校佢地為左搵錢係:    不遺餘力!!!
校長係揸跑車 ,攞Hermes 返學
老師(只限我小朋友班主任啦, 其他唔知)有愛心,耐性, 學校環境好 ,新, 乾淨



培道...雖然無N班, 但已經有朋友讀緊, 大約知道情況
一個字"平"...有學劵, 幾百蚊搞掂
老師有愛心, 學既野簡單D, 全中文.
happy school, 多其他野玩,~~
校舍舊,厠所聽聞好麻麻, 因同小學share用....咁間校舍舊,都無辦法既...
想小朋友英文好,我諗只可以出去補習解決...
最緊要係有小學100%直升嘛!!!
雖然聽聞中學唔多得......



大家會點擇?? 咩原因呢?
其實培幼係咪一定升培小?大唔大機會升其他?
明慧又升咩小學多? 請其他家長報報料......
係咪大機會D in 其他直小??

bape0060

太子明慧課程偏深, 重英文, PN已學梗人地K1-K2既英文!

zazadodo

回覆 1162694sd 的帖子

K2已經閲讀一年級程度普通話文章，需要額外加料增進普通話能力。日文只是普通對話，好淺！

1162694sd

zazadodo 發表於 18-1-18 13:50
九龍塘所謂名校一間， 太古熱門一間。 東區名校兩間。 最後讀明慧。 小朋友好開心。  ...

請問太古熱門係邊間? 東區名校是 “字母”同“碧咸嫂”幼稚園?

1162694sd

JN1999 發表於 18-1-26 18:50
我也是明慧用家
Comment 大致同你差不多

幫朋友問，如細b插北角明慧k2，日常家中英語溝通，普通話只是卷校程度，會不會因普通話差，日語不懂，好難跟得上?

JN1999

kokovic 發表於 16-7-21 13:40
其實我覺得明慧真係好架，之前成日聽其他人講咩商業化唔好，但佢地又講唔出唔好地方，我係用家，可以講到真 ...

我也是明慧用家
Comment 大致同你差不多

貴或商業化呢樣，我又覚得各人家境不同，明慧講平又唔算最平私校，貴又唔係最貴嗰堆，其實上面有人話買相$5張或其他呃＄地方，我又覚得稱不上呃，好多比＄項目其實自由參與,講真有時買獎券等活動我自己認為唔想買咪不參與，學校又冇強迫一定要買

So far 我女讀得好開心，見佢隔幾日又爆句英文丶國語丶日文等，都覚得值得入讀

So far

zazadodo

我講的是明慧國際幼稚園（ 北角分校）

zazadodo

九龍塘所謂名校一間， 太古熱門一間。 東區名校兩間。 最後讀明慧。 小朋友好開心。

bape0060

zazadodo 發表於 17-9-18 23:14
明慧真正用家。 其實明慧學費合理。 K 1 外籍老師加普通話老師雙班主任 。 教學內容才是重點。課程內容有英 ...

你試過邊幾間幼稚園？

zazadodo

明慧真正用家。 其實明慧學費合理。 K 1 外籍老師加普通話老師雙班主任 。 教學內容才是重點。課程內容有英文數學， 中文數學， 科學實驗， 日常生活， 奧福音樂， 日文。 普通話教中文故事及各類興趣班。 收費跟外面一樣或者便宜小小。 同學其實好少外面私補。 因為課程已經很充實。  每日3.5 小時上學。 假期少。 學費物超所值。 試過很多間幼稚園。 我覺得明慧不錯。

chelaulau

zazadodo 發表於 17-7-12 04:41
用家，學術好，老師比學券學校盡責(讀過學券名校2間及名校一間)，有愛心。開心學校。同學超級友善及聪明。 ...

你指太子明慧??

zazadodo

用家，學術好，老師比學券學校盡責(讀過學券名校2間及名校一間)，有愛心。開心學校。同學超級友善及聪明。學費及教材是超越同類學校(自己曾做過中小及高等教育)。派位差D，學校其實都算低調。物超所值不讀是浪費了機會！

boyboobee

原帖由 Auction 於 16-08-01 發表
我覺得英文係要有好語境先可以學得好，可能私幼英文語境好，所以小朋友比較多機會接觸英文。不過，有得一定 ...

完全認同，所以真係睇家長想要以何種方法教育，及重視D乜先去選校

Auction

我覺得英文係要有好語境先可以學得好，可能私幼英文語境好，所以小朋友比較多機會接觸英文。不過，有得一定有失，師資可能較遜。在我而言，老師有愛心比語境更重要，起碼小朋友開心，最緊要老師花心思教小朋友德育培養，作為用家，我認為培道絕對做到。至於培道英文可能係教得比私學淺，但以學券學校來說已經算合適。而且，我覺得有時屋企都可以比多d機會佢接觸英文，我囡K1都可以用全句英文表達，eg my favourite colour is pink。

Forgetmenot999

明慧

boyboobee

如果單睇雜費，明慧係超貴，不過計数要計總數，明慧學費比同類學校算平，總數大约6000多啲一個月，交11個月。同類學校好多只係學費已經6000啦。

kokovic

其實我覺得明慧真係好架，之前成日聽其他人講咩商業化唔好，但佢地又講唔出唔好地方，我係用家，可以講到真實情況，佢比到我地家長想要既嘢，好似樓上話齋，對比同類學校, 明慧已經叫唔貴，間學校老師好有愛心，我女不嬲怕羞，頭一個月返學狂喊，老師無嫌佢煩，日日比鼓勵佢，又安排佢坐老師隔離，仲會抱下佢，令佢覺得有安全感，每日又會打比我，話我知佢點，非常有溝通，而家好中意返學，好融入學校生活，日日係屋企唱歌，咩書包，又講下學校既嘢，叫同學老師名咁，睇到佢好想返學
另外，語鏡好，佢而家識用全句英文問我嘢，答問題，我覺得學校好有功勞，屋企無可能學到咁多，佢仲有日文學下（pn當然玩下咁），仲有自理好好，衫褲識著，鞋襪都係，又會執野，我無教佢，都識晒，定期學校又會派學校生活照，見佢好開心，又有review report, 其實仲有其他都收左我女，但我reject 晒

boyboobee

其實真係睇家長想要用邊套去教, 明慧係貴, 不過對比同類學校, 明慧已經叫唔貴, Victoria, Tutor Time,...更加貴。我大女今年響明慧畢業, 同班同學升小無論直私, 或扣門, 都算好理想。PN班係粵英, K1開始係英普, 一班2位老師同時上課, 語境一流, 好多時同學仔放學, 都會三文兩語一齊用去交談。至於考上乜小學, 學校年年都會公佈響學校門外的, 升小成績, 明慧算好好的了。至於另一間, 要其他用家提供意見了

CxN_2013

原帖由 ^0^_V 於 16-07-05 發表
回覆 anpanman_baby 的帖子

唔係話比賽,咁誇張既~~

似乎明慧較適合你

anpanman_baby

^0^_V 發表於 16-7-5 11:10
回覆 anpanman_baby 的帖子

唔係話比賽,咁誇張既~~

Deleted