之前幫阿女係英XXXXX 英XXXXX咗個課程, 9堂, 總共$4600. 有一天打風, 取消咗一堂. 過咗一個禮拜, 突然派咗張通告, 話唔會補堂, 都唔會退錢. 有關課堂的學費餘額可用作報其他課程用.(保留一年)
一睇之下, 覺得有冇搞錯.
第一, 完全冇同家長商量過, 就咁派張通告就算. 第二, 成年流流長, 佢開咁多班, 都揾唔到一堂補返堂? 第三, 點解要用番啲餘額就要報多個course, 咁咪又要多比幾千蚊, 感覺比人老屈咁. 第四, 作為消費者, 點解我地完全冇得揀, 佢話點就點.
於是打電話去理論, 要求安排阿女去任何一班補番一堂.
1. 聽電話個 Ms. A 話3個工作天內會比我哋答覆, 點知等咗成個星期, 影都無隻. 2. 再打電話去追, 又話比咗個case —> Ms B 負責, 3. 好唔容易揾到 Ms B, 又話過幾日會有答覆. 但係等到星期六先復, 態度強硬兼唔合理,絶不補堂, 絶不退錢. 4. Ms B 親口承認,下兩個學期都會開班,但堅拒在這兩班給我們補回一堂.
估唔到英XXXXX如此漠視, 敷衍, 老屈啲顧客. 之前揀佢, 都係因為覺得佢係大機構, 信譽好. 點知原來係"店大好欺客". 第一次報, 就有如此遭遇, 真係心淡. | 
發表於 16-6-4 08:47
