坑真vs民生

kk1025

女仔,住新界,返2間搭校車差唔多時間,如果着重校風和成績,中學女校或男女校我覺得無所謂,坑真vs民生邊間較佳?

dw241404

回覆 cpychung 的帖子

始終我覺得小朋友仲咁細個，真係唔想要佢過海返學，而且我都幾肯定未來十年我地都唔會搬去港島，何必難為個囡呢﹗我都覺得坑真係一間好學校，都好唔捨得，但始終要取捨，揀民生亦有一啲私人感情喺裡面，所以選擇未必係最理性。

由你地咁擁護坑真，就可知道坑真一定係一間好學校，先會有咁多用家撐佢。其實之前放每一個offer都好唔捨得，但都好快決定到。今次坑真vs民生係我hold得最耐既，但終於我上星期都放左坑真啦，相信個offer會落到一個比我個囡更想讀坑真既小朋友手上。

多謝你地一路提供咁多坑真既資訊，祝你地既小朋友都能夠開開心心升真小﹗

勤力鬆熊

女生一定揀坑真。

sakbbjaijai

原帖由 cpychung 於 16-06-20 發表
如果你真係擔心坑真唔夠深既話，確實未必適合坑真，我亦明白你點解揀民生，事實上，幼稚園得三個鐘，你重 ...

同意, 由真幼上真小的學生,很多成績反而比外來生還好呢, 相信真幼學生在幼稚園的三年並不是只學懂書本上的知識,他們是領會到學習的樂趣, 及學會掌握如何去學習及思考, 分辨對錯, 培養出正面的人生觀

cpychung

dw241404 發表於 16-6-19 21:16
回覆 cpychung 的帖子

係覺得st cat同lh貴左少少，但未至於應付唔到既。

如果你真係擔心坑真唔夠深既話，確實未必適合坑真，我亦明白你點解揀民生，事實上，幼稚園得三個鐘，你重視一方面，另一方面係一定有取捨，坑真既k1課程係主題式既，重視觀察，啟發同自理，你提到英文，我今日先發現我甚至連阿女英文響學校學到乜都冇問過佢，但我知道佢每日上堂都係好充實，而且好多野都係自己黎，阿女亦好鍾意返學，坑真學既係學做人學態度多於硬知識...至於民小始終唔係用家我就唔去評論

某程度上如果唔係target 坑真小，其實讀坑真真係會比人感覺唔太secure，但咁講番，你既然俾到錢讀冇學券既幼稚園，真係比唔起坑真小？只係幼稚園慳左既到小學還吧....再者坑真小既學生大部份係來自唔谷既坑真幼同堅真幼...始乎唔谷既幼稚園並唔會影響小學既成績...

dw241404

回覆 cpychung 的帖子

係覺得st cat同lh貴左少少，但未至於應付唔到既。
我係住將軍澳，搭校車坑真車程比民生遠十五分鐘，頭站尾站既分別。其實係擔心坑真真係太淺，追post話k1都係學到g，我個囡pn都已學晒26個英文字母，我諗我未必接受到太淺......而且新制收生數據亦未有。我唔知個囡其實谷唔谷得，覺得比佢喺民生試三年都係好事，如果試左三年佢真係唔谷得，小學起碼知應該揀咩類型。

cpychung

dw241404 發表於 16-6-14 22:41
係女仔，其實係好難揀，但我覺得個囡比較鍾意英語環境，所以民生每日三小時都有NET可能比較適合。加上我覺 ...

如果st cat 同學之園你會覺得貴既， 咁其實坑幼有學券做backup 點都好過民幼做backup，當然如果你唔係住將軍澳既話，新界區揀坑真幼同玩你個女冇分別...

dw241404

kk1025 發表於 16-6-10 02:36
雖然新制,但我估坑幼升坑小都會有優勢。你選民生嗎？小朋友是男或女?



  ...

係女仔，其實係好難揀，但我覺得個囡比較鍾意英語環境，所以民生每日三小時都有NET可能比較適合。加上我覺得我應該唔會搬去港島，所以雖然坑真既升小比例，升中派位甚或DSE成績都較好，我都決定揀民生。

其實民小同真小應該都未必係我想個囡小學讀既，小學應該都會出去考。但因學之園同St Cat對我黎講都太貴啦，而KV又冇乜英文語境，所以揀間叫做冇咁淺而又有NET既半龍，希望到時真係能夠進可攻退可守吧﹗

uranusur

我囡讀緊K3. 坑真中文水平一點也不差。係冇默書嘅環境下，都學識不少中文詞語。

kk1025

原帖由 tam_bb 於 16-06-12 發表
小女現正就讀坑真K2。校長、老師們很有愛心。小朋友很喜歡返學，連放假或打風停課時，也說很掛住老師、想返 ...

謝謝回覆,聽完更加覺得坑真不錯

tam_bb

小女現正就讀坑真K2。校長、老師們很有愛心。小朋友很喜歡返學，連放假或打風停課時，也說很掛住老師、想返學。坑真不是主打「谷學術」，是著重德育、希望小朋友喜歡上學、愛學習。K1＆K2英文一星期一堂NET，K1下學期開始教少少phonics ，現在我囡囡k2下學期，已經喺學校學咗9成letter sounds。K1＆K2普通話一星期一堂，最近K2下學期，見我囡囡講俾我聽「a」嘅四聲，應該係開始教普通話拼音。功課方面，K2上學期開始有少少功課，K2下學期就差不多日日有功課，但功課量合理，通常每日1－2樣。或者會有家長覺得坑真教得慢，其他私幼已經一早教哂，但我就覺得ok，學校係因應小朋友年紀施教，教嘅嘢係佢哋嘅能力範圍之內，令佢哋有自信。

ME1227

坑真

picture

坑真

kk1025

原帖由 dw241404 於 16-06-09 發表
本帖最後由 dw241404 於 16-6-9 22:35 編輯

你信新制下坑真幼會升幾多上真小呢？我反而怕升得少，我應該 ...

雖然新制,但我估坑幼升坑小都會有優勢。你選民生嗎？小朋友是男或女?

kk1025

原帖由 sakbbjaijai 於 16-06-10 發表
我係坑真用家, 唔覺得新制下會影响真幼升小人數, 而且坑真重視德育及全人發展, 如果你的focus只在語境,坑真 ...

很感激有坑真用家回覆,我選坑真就是看中學校有愛心,加上之前民幼多功課的新聞都有少少嚇怕了我

cclemon2009

坑真

sakbbjaijai

我係坑真用家, 唔覺得新制下會影响真幼升小人數, 而且坑真重視德育及全人發展, 如果你的focus只在語境,坑真確實不是你杯茶, 但我不覺得女兒的英普比別人差, 我們完全沒有幫她溫書進補,但她卻學懂了phonics, 而且亦學識了不少新的vocab, 我認為在我們什麼也沒有幫助之下有這個效果, 學校的語文課程也不見得太離地 , 最重要的是, 坑真是一間非常開心的學校, 我們認識的老師,全都非常用心教導及愛護我們的孩子, 我相信所有坑真用家也很感謝老師們的真心付出

dw241404

你信新制下坑真幼會升幾多上真小呢？我反而怕升得少，我應該會揀民生。

我見你話著重語文能力，咁唔係應該揀民生嗎？

kk1025

原帖由 dw241404 於 16-06-08 發表
請問你最後決定揀邊間？因為我都係已去坑真註冊，而家煩緊去唔去民生註冊.... ...

我最後決定坑真,都好難選擇

kk1025

原帖由 pluto_yuen 於 16-06-07 發表
邊間民生？北角民生同九龍嗰間民生小學無聯繫喎。我會揀真光。

九龍民生