有關幼兒認字

ching0303

1）應該幾歲開始認中英文字呢？
2）pn定k班開始認中英文字？
3）有乜好方法教小朋友認字？

pizzafat

原帖由 SarahGil 於 16-07-26 發表
回覆 pizzafat 的帖子

老實講,我並不認識早過兩歲就認得晒ABC既小朋友,或者有我唔知(我唔會逐個家長去問). ...

多謝你分享呀，或者作為新手媽媽樣樣都緊張，我都知學習漫漫長路，我會放鬆d架啦

SarahGil

回覆 pizzafat 的帖子

老實講,我並不認識早過兩歲就認得晒ABC既小朋友,或者有我唔知(我唔會逐個家長去問). 我只可以話,

我女一切發展正常,甚至於某方面有超前現象,例如語言,表達能力及認知能力. 但如同隔離比我女細三個月的男孩比,我女明顯對數字無咁敏感,人家好細個已主動學認得晒兩位數字,我女到而家都只認1-10 (我地都無專登教佢其它數字). 但咁又如何,學樓上JM話,每人長處各不同, 我建議你放開d啦媽媽,人比人比死人, 除非小朋友發展有明顯delay (唔係幾個月delay果種,見過小朋友就升小都未認倒ABC,依d我就覺得程度真係爭少少),如果唔係都不用擔心. 講真,就算小學名列前茅,都不代表能維持到中學. 小學最好成績到中學變羅底橙的,身邊例子都唔少.

pizzafat

原帖由 wing214 於 16-07-26 發表
阿仔5歲喇，share吓我教認字嘅方法先，由佢出世開始，我就成日用揹帶近距離同佢講嘢，成日行吉之島，超市， ...

多謝你咁詳盡既分享，你咁有心機教小朋友一定會考到好小一

想請教你覺得小朋友幼兒時既學野能力睇唔睇到佢既資質？

wing214

阿仔5歲喇，share吓我教認字嘅方法先，由佢出世開始，我就成日用揹帶近距離同佢講嘢，成日行吉之島，超市，街市，同埋爸爸行山，見到咩都講吓咁，佢好快講簡單句子，記得佢考幼稚園18個月已經講緊“我唔知咩嚟?"，“呢個咩嘢嚟嫁?"，考幼稚園老師問問題，佢唔知就咁答，幾成功嫁。。。當時教認字母係用發泡膠字母，沖涼時可用水貼階磚嗰種，佢摸吓摸吓沖涼時教吓佢就認得晒。歲幾主要玩圖卡學詞語，我淘寶買咗your baby can read, dvd極少睇因為悶，主要玩佢嘅可以拉動嘅字卡，另外書展買咗幾盒圖畫字卡，meet meet吓d卡就認到喇，有時教佢未必回應我，不過原來佢係識嘅。。。之後N班至K1主要買咗淘寶號oxford reading tree點讀版, 淘寶嘅廖彩杏系列，Robin嘅書，有支筆點吓點吓有時跟住讀，N班開始讀ABC pathways cambridge course, 學校又學phonics, 要同菲律賓姐姐英文對答等，英文發音就比較標準，N班中文當時都係認自己個名，K1開始睇漢字基礎500，我自己會讀等等書，開始認中文字。。。K2就主力串英文字備考cambridge starters, 串到有印仔獎禮物，中文方面開始請個北京老師上門用普通話傾偈玩玩具，學好對答下學期就考埋gapsk水平試，各大公開朗誦比賽。學埋eye level數學，見佢有興趣就考埋公開數學比賽咁。。。另外又淘了磁性軟白板一大幅貼牆，俾佢盡情塗鴉，每晚認吓新字，或等佢瞓了我畫d愛佢嘅字，等佢瞓醒見到超開心，我返咗工佢又畫d family心心畫送俾我睇。。。而家升K3, 暑假主要做社會服務，玩吓朗誦，上吓平平地嘅青年空間d興趣lego班，黏土班，游水，到香港旅遊景點，博物館遊吓。。。當然學嘢小朋友要有興趣先得，冇得迫嘅，阿仔好受儲印仔換妖怪徽章嘅offer, 主動去計數。。。最緊要有閱讀興趣及習慣。。。但係音樂方面佢係唔鍾意嘅，所以冇學喇，小一再算，仲有寫字佢唔喜歡炒寫，學新字佢寫3次可以嘅，唔可以多，我覺得認到就算喇。。。本身研究考小一，路過幼稚園分享吓。。。

貝珠

原帖由 pizzafat 於 16-07-25 發表
其實自己都好驚會變怪獸....想問下你女2歲後先識abc，而家大個左覺得佢同身邊好細個已經識abc既小朋友學習 ...

我女下個月三歲，未識ABC , even 學校有教，但都未識。但認知和說話都好。只可以話，每人長處也不同。

nic_bb

唔使擔心，我個仔三歲兩個月，都係勉強識晒26個英文字母大楷，一樣入到心儀幼稚園

pizzafat

原帖由 SarahGil 於 16-07-25 發表
回覆 pizzafat 的帖子

依個係咪就係怪獸家長製做成的恐慌呢? 其實你一d都不用擔心,我個女都係兩歲先開始認 ...

其實自己都好驚會變怪獸....想問下你女2歲後先識abc，而家大個左覺得佢同身邊好細個已經識abc既小朋友學習能力有無分別呀？

SarahGil

回覆 pizzafat 的帖子

依個係咪就係怪獸家長製做成的恐慌呢? 其實你一d都不用擔心,我個女都係兩歲先開始認ABC, 何況考N或K都不會考認ABC, that means 老師都唔expect d 學生識,反正返學會教的.

pizzafat

原帖由 SarahGil 於 16-07-25 發表
回覆 pizzafat 的帖子

20個月太细了吧! 一般兩歲起才開始認ABC, 三歲幾先真正開始認字. ...

見呢度好多BB歲半已經話識晒26個英文字....所以好擔心

SarahGil

回覆 pizzafat 的帖子

20個月太细了吧! 一般兩歲起才開始認ABC, 三歲幾先真正開始認字.

pizzafat

原帖由 cindynys 於 16-07-25 發表
想請教各位媽媽，我仔下個月兩歲，平日學我哋講嘢(中文),好鍾意講嘢，聽歌中英文歌詞都好容易記得跟住唱。 ...

我個囝仲慢，20個月無興趣認字，睇書就越大越唔鍾意睇，見其他BB都已經認得好多字，都有d擔心.....

cindynys

想請教各位媽媽，我仔下個月兩歲，平日學我哋講嘢(中文),好鍾意講嘢，聽歌中英文歌詞都好容易記得跟住唱。。可自己用中文數1-10, a to g (唱abc song 80% alphabet 跟到唱)，見到數字會自己講但吾認得數字母，吾鐘意玩字咭，字型板，睇書都吾係日日有興趣聽故事 (就算已講番他的 favourite story, 或叫自己揀書，書己經係好多圖，無字，個人覺得好靚)好多時我自己睇書，他就要睇，但講幾句就走左去玩其他嘢。。。我日日都加插故事時間但未必成功，想培養他坐定定看書聽故事習慣，聽人講番左學大啲好啲，真的嗎？

408littlepig

回覆 s.andp 的帖子

星加坡K1英作
可以比詳情我嗎？書名是什麼?謝謝

Kathy_bo

幼兒園？

boyboobee

其實每個小朋友唔同，我大女兒16個月大已可認出超過100個英文字，但细女17個月大連一個字母都唔識，方法一樣，亦有不同進度的。反正我地都係貼一大張字母圖，得閒就指住讀，當遊戲，到佢鍾意就會睇住你讀，然後會跟住你讀。每晚讀故事書，邊讀邊用手指跟住去指住個字，慢慢佢會記得。

LeungPHVV

原帖由 ching0303 於 16-05-31 發表
Math facts 教加減數丫？ sign words 123個仔ok, phonics 未撐握好。math facts 未比佢睇。

你通常點教佢 ...

係，math facts 學加減數。

LeungPHVV

原帖由 ching0303 於 16-05-31 發表
Math facts 教加減數丫？ sign words 123個仔ok, phonics 未撐握好。math facts 未比佢睇。

你通常點教佢 ...

我呢排都教緊佢講嘢, 我仔仔係到d中文字, 但發音唔准, 宜家努力糾正緊佢發音。我會同佢睇完青田D書每個詞語要佢讀返出黎, 另外都有擺中文字卡套喺屋企, 但教完佢好快忘記.. 兩星期前我帶佢上試堂認字班, 一共三堂, 每次學4-6個字, 呢幾曰問佢佢都全部講得番出來... 所以7月開始會上, 因為老師教係吾同D, 同可以糾正埋發音

ching0303

原帖由 LeungPHVV 於 16-05-31 發表
K1 呀, 但今年都會重再考K睇下有冇D心儀。宜家買左套prepschool prep Math Facts, 可能同phonics咁深, 都未 ...

Math facts 教加減數丫？ sign words 123個仔ok, phonics 未撐握好。math facts 未比佢睇。

你通常點教佢認中文字？我呢排抽多左時間同佢傾計，教佢講野