學生發明隨身冷氣機 科學賽奪亞

elbar

九龍華仁書院學生梁迪軒有份研發「迷你智能冷氣機」，佢話冷氣機用致冷晶片，唔使用雪種，叉電後可以用4個鐘，適合戶外活動時使用。


【明報專訊】科學研究唔係科學家嘅專利，唔少學生憑住創意研發出實用產品，仲喺國際比賽中突圍而出。教育局早前同香港青年協會等機構合辦學生科學比賽，有參賽隊伍研發出迷你冷氣機同埋智能車，創意十足。


叉滿電涼足4個鐘


好似九龍華仁書院學生就憑「迷你智能冷氣機」喺比賽高中組發明品類別中勇奪亞軍，隊員、中四生梁迪軒話冷氣機用致冷晶片製造，唔使用雪種，叉電後可以用4個鐘頭。冷氣機仲可以外接電源，只要帶埋叉電器，就可隨時隨地使用。Emily成日要周圍去採訪，呢部冷氣機啱晒。


智能車代表香港揚威美國


另一參賽隊伍基督教宣道會宣基中學研發載貨用嘅智能車，就喺比賽中拿到優異獎，並且獲評審團推薦，代表香港去美國參加「國際可持續發展項目奧林匹克競賽」，喺工程類別入面攞到銅獎。智能車負重可達60公斤，只要戴上控制手環，配合4種簡單手勢包括打開手、握緊拳頭，又或手掌向左右撥，就可以遙距指揮車嘅移動，唔使推車，從而減少肌肉勞損。

elbar

我們的小發明家
            ＊＊＊＊＊＊＊

　　年輕人創意澎湃，嘗試運用科學知識研發日常生活產品，「搞搞新意思」，成績令人眼前一亮。教育局、香港青年協會（青協）和香港科學館等機構合辦學生科學比賽，推動科研風氣。本年參賽作品圍繞生活所需，設計實用而活潑。九龍華仁書院學生研製「迷你智能冷氣機」，既輕巧又省電；基督教宣道會宣基中學隊伍研發可負重60公斤的智能車，減省勞力，操作尤其便捷。

　　兩位學生和青協代表接受《政府新聞網》訪問，介紹作品特色，分享比賽心得和成果。訪問今日（五月十五日）以文字和影片方式上載。

                    完

                    ２０１６年５月１５日（星期日）
香港時間９時４６分