我的孩子在倒退⋯

lavender_baby

我真係覺得好內疚好心痛，我個小朋友而家2歲半，其實自佢歲幾以來，我已經發覺佢同一般小朋友唔同，但當時我係唔肯定佢係發展遲緩定係自閉，一直無帶佢去做私人評估係因為見佢都肯同人玩又鐘意追小朋友，一心以為唔會嘅⋯加上我係自己湊，每日不論晴雨都帶佢去街去公園playroom，以為就夠⋯

結果到上個月尾見咗CAC評估後，醫生話佢真係属於自閉譜系，接受唔到是一定的，但都仍會安慰自己話就算係都應該只係輕度架啫，做下訓練就得

但唔知係咪天意弄人，做完評估後嘅呢半個月黎，我睇住個仔真係覺得佢一日比一日倒退緊，例如而家帶佢去playroom玩佢都完全唔會追其他小朋友，就算有小朋友追住佢玩，佢都好似完全睇唔到咁直行直過，以前見到朋友個女，佢會鐘意攬埋去，我仲成日笑佢輕薄人哋，但而家都無啦完全唔同果個女仔玩⋯情緒方面都好大轉變，一遇到唔順佢意嘅佢就趴喺地下，唔理佢佢會一直趴喺度⋯出街完全唔肯行，一係坐BB車一係要抱，以前佢點唔肯行都好，一同佢講去行樓梯佢都會肯落地，但而家連行樓梯都唔肯行啦⋯之前明明講嘢好咗，指住d圖畫佢會講係咩（雖然仲係單字）、幫佢刷完牙佢會講“唔該曬”，但而家又係變到唔肯講

其實評估完之後我有即刻帶佢去做感統訓練，果度嘅導師有講自閉症有一類係會咁，以前識嘅會慢慢倒退變返唔識，我睇住個仔咁真係覺得好難過，點解會咁突然，我好自責，如果佢歲幾果陣我唔係估估下，而係直接帶佢去搵方法治療，佢而家就唔會變成咁

Yeahly_ly

上星期六去左太子一間叫朗研社...感覺導師都好專業...我個囝歲半都等緊評估...但導師同佢玩話都ok...可以join住普通playgroup...如果情況差左先轉過去專業訓練果邊~你都可以上去了解下有冇課程啱呀....

Fanleebbee

感同身受，我小朋友依家4歲都係有自閉症譜系，三歲就開始做training，某方面見到明顯有進步，但有啲方面幾乎係慢，有時真係好stressful+upset

lawwct

不要被〝自閉譜系〞影響你對小朋友的眼光，CAC評估前的囝囝同被評估後的囝囝都是同一個人。你應該多留意他進步的地方，不要常常凝住他的病徵。

你也不用自責，歲半做評估是不太準確的。記住7歲前也是黃金治療期，仲有時間。

你的囝囝現在兩歲半，應該是年紀太細，因為尚未入學，所以醫生安排排S位，佢知道你個囝9月讀k1 嗎?

小朋友學野好快，只要是智力正常，是可以彌補其他不足的，雖然要等到5歲左右精神科醫生才會做智能測試，但是你可以從日常生活中觀察到你的兒子是否有智力障礙。

個人認為語言治療也很重要，你有排嗎?

密集的話應該從個人開始，學會了坐定定聽指道、同人交流，才上小組。

我囝囝也準備上個人密集 (我個小朋友3歲3個月才被CAC評估為自閉譜系)

lavender_baby

原帖由 peonybibi 於 16-05-16 發表
呢方面我都無咩經驗，你問下其他jm la,幼稚園有到校應該都適合佢讀嘅，如果返學前有得上下小組式密集，到時 ...

係阿，啱啱問咗step，黎緊暑期都會有個為期個半月嘅密集式小組，希望對佢有幫助啦

peonybibi

原帖由 lavender_baby 於 16-05-16 發表
無讀N班，所以我都有啲擔心，佢間學有到校服務，我係咪一入學就同校方申請？



  ...

呢方面我都無咩經驗，你問下其他jm la,幼稚園有到校應該都適合佢讀嘅，如果返學前有得上下小組式密集，到時返學就易適應啲

DollyCC

係

lavender_baby

原帖由 peonybibi 於 16-05-16 發表
佢而家有無讀pn?遲啲k1間幼稚園有無到校服務俾到訓練佢？

無讀N班，所以我都有啲擔心，佢間學有到校服務，我係咪一入學就同校方申請？

lavender_baby

原帖由 DollyCC 於 16-05-16 發表
自閉譜系好大既，遲緩又好自閉又好，每個小朋友唔同，你覺得佢倒退，可能係亦可能因為佢大左，有自己喜好。 ...

係，我仔又係，對聲音敏感，但係前庭又反應不足

peonybibi

原帖由 DollyCC 於 16-05-16 發表
自閉譜系好大既，遲緩又好自閉又好，每個小朋友唔同，你覺得佢倒退，可能係亦可能因為佢大左，有自己喜好。 ...

請問感覺遲鈍係點ga?我知啲唔識痛，撞牆撞玻璃都唔痛啲算係，但如果唔咪去到唔識痛呢啲，會係點呢？如果出街好cool,好冷靜，算唔算遲鈍呢？

peonybibi

原帖由 lavender_baby 於 16-05-16 發表
係排緊S位不過我而家做緊訓練嘅中心負責人話，政府排S位通常係兩個原因，一係就属於嚴重， ...

佢而家有無讀pn?遲啲k1間幼稚園有無到校服務俾到訓練佢？

DollyCC

自閉譜系好大既，遲緩又好自閉又好，每個小朋友唔同，你覺得佢倒退，可能係亦可能因為佢大左，有自己喜好。好似我囡遲緩我都唔覺，唔驚沙，花灑，咩都食，我以為感統無問題，點知其實係感統大遲鈍，無感覺。大大下，訓練做多左，反而樣樣驚，又要慢慢攪。

lavender_baby

原帖由 Monstereasy 於 16-05-15 發表
有本書"來自星星的孩子" The Spark，作者孩子年幼時有倒退情況，但經媽媽努力照料及幫助，發現佢係天才，真 ...

但唔係個個a仔都係天才，更多嘅係有智力障礙

lavender_baby

原帖由 peonybibi 於 16-05-15 發表
咁cac俾你排咩位？睇咩位都知係咩程度

係排緊S位不過我而家做緊訓練嘅中心負責人話，政府排S位通常係兩個原因，一係就属於嚴重，一係就年紀細個嘅⋯我都好驚我仔唔知係咪属於嚴重果隻

lulumelody

佢地學習模式有不同，好似波浪，有進步亦有退步！

Monstereasy

原帖由 lavender_baby 於 16-05-15 發表
我真係覺得好內疚好心痛，我個小朋友而家2歲半，其實自佢歲幾以來，我已經發覺佢同一般小朋友唔同，但當時 ...

有本書"來自星星的孩子" The Spark，作者孩子年幼時有倒退情況，但經媽媽努力照料及幫助，發現佢係天才，真人真事。
自閉星星兒其實好可愛，只不過同大衆不同，加油！

peonybibi

咁cac俾你排咩位？睇咩位都知係咩程度

lavender_baby

原帖由 pamam 於 16-05-15 發表
你唔好咁快就判斷他係倒退，成長條路好長，有起有跌，有時我們過份緊張，會影響自己的睇法，導師講那種倒退 ...

希望係啦

lavender_baby

原帖由 Yeahly_ly 於 16-05-15 發表
宜家做返training都唔遲...加油呀!

去呢度睇睇...我上左一堂覺得幾好...教父母教自閉症小朋友...www.lp.or ...

好阿，唔該曬你

lavender_baby

原帖由 peonybibi 於 16-05-15 發表
cac已經評咗？係咪評咗輕微？咁你暫時唔好太擔心，半個月咁短時間，未必真係倒退掛，咁啱一評就倒退？可能 ...

Cac報告淨係寫自閉譜系咋，無講係咩程度，我諗要之後見醫院精神科先知，不過有排排⋯我老公都同你一樣講法，話係我自己「凝」住，密集訓練有搵過阿，不過度度都話要排waitting,加上佢9月開始返幼稚園全日K1，所以而家搵私人一對一感統上住先