讚猛人無私奉獻 沈祖堯籲學生懷抱大我

elbar

中大校長沈祖堯（後右一）去咗日內瓦擔任一個國際獎項嘅評審團，網誌提到評審團成員不乏猛料人士。

【明報專訊】不時勸學生追夢嘅中大校長沈祖堯，新網誌提到佢上星期去日內瓦擔任國際獎項嘅評審團，令佢大開眼界。沈校長話其他評審成員已經好猛料，有上過3次太空嘅加拿大太空人、贏過4次奧運金牌嘅芬蘭冰上賽選手同智利海洋生物學家等等，數以千計嘅候選人亦唔簡單。沈校長形容大部分候選人都係三四十歲、受過大學教育，但「不以一己之私為先」，甚至離開自己熟悉嘅行業或國家，立志克服困難改變世界。


有倫敦眼科醫生研發可裝喺智能手機嘅攝影機，拍低眼睛內部結構診斷眼科病，但佢無用發明賺大錢，反而走去肯雅開診所醫人；另有由內地農村移民美國女子，畀哈佛商學院取錄，反而走去陝西農村教育婦女避免污染河流。沈校長話聽完呢啲故事令佢覺得自己好渺小，話佢哋都係凡人，用知識、技術、人際網絡達成我哋「從未想過的目標」，反問我哋係咪太顧自己，「技術我們有，我們的學生能力也有，但我們思想上能否不落窠臼，懷抱大我？」

Yanamami