港大太陽能車Helios 7月起訪中小學

elbar

港大工程系用太陽能車Helios做生招牌，呢架車除咗會喺本科生入學資訊周展出外，都會到訪中小學㗎。



【明報專訊】喺機電工程署舉辦嘅「新能源，新時代」奪太陽能車比賽總冠軍及創新設計獎嘅港大太陽能車Helios，嚟緊5月10日（下周二）會喺港大本科入學資訊周公開展覽，並會喺7月起到訪本地中小學，等學生有機會近距離接觸Helios。


下周二港大展出


Helios係希臘神話中嘅太陽神，除學者外，研發團隊仲有16個工程系嘅學生，齊齊將理論學以致用。呢架車巴閉之處，係發電效能高、能自動控制車速、用電腦監測行車數據等；佢車廂細細，司機坐入去，可以調校座位，並用輕觸式屏幕控制架車；車身嘅太陽能板仲可以攤平，等陽光直接射上去，吸多啲能量。


港大本科入學資訊周今年喺5月9至19日舉行，當中港大工程系所籌辦嘅入學簡介將於5月10日早上舉行。