面試班？

cathyangel

頭先同隔離部門同事食飯，佢個仔半嵗，已經開始搵定學校資料，佢話佢阿姐3個女都由st cat入左女拔！佢問佢阿姐要點鋪路？阿姐介紹左間面試班俾佢，叫佢問下個老師應該點做？我上網搵到間面試班，但係打去又無人聽，因為唔近屋企，睇資料話要一個星期返2堂，心大心細中！但係見ek有前輩分享過這間面試班，好似真係幾好咁？但問題係打極電話都無人聽？應該上去睇下嗎？

hflam

原帖由 cclemon2009 於 16-04-19 發表
如果家長有時間的話(我是在職媽媽)，自己教小朋友一定比上面試班好和有效，我自己有兩個小朋友，兩個都冇上 ...

我非常認同cclemon2009的看法。我同佢一樣系在職媽媽，從來無比2個仔女上任何面試班。2個K1前都只系上過下一些普通playgroup。结果大B考到龍幼及一些出名難考到的happy school,细B下學年都會入龍幼讀。
其實大B間幼稚園的校長都話唔希望家長太早催谷孩子。自知對仔女唔係最top 最sharp那些，我亦唔需要佢站最前。我只會教2個孩子有禮貌懂得做過好人好公民。可能有些人會覺得考到名校龍校好威好神。但贏在起跑線是否等同能做最後贏家，無人知。與其機關算盡非考到名校龍校不可，倒不如教孩子如何做一個好人有公德的人，令社會少一個壞人。

P.S.其實就算系龍校的家長好多都會好務實好謙虛的，我身邊都有好多。

lochoichunjenny

請問係邊間面試班？可以pm我嗎？thx!

Fish1223

原帖由 cathyangel 於 16-04-20 發表
今日lunch終於上左去，匯報一下先！我同我同事上去，因為佢都想睇下係點，出年幫佢仔報名。上到去見到好多 ...

請問係邊間面試班？可以pm我嗎？thx!

Fish1223

請問係邊間面試班？可以pm我嗎？thx!

gamee11

原帖由 99dogdog 於 16-04-19 發表
我識既近呢兩年入到名幼既小朋友不下20個（大部分係龍b), 冇一個有返過面試班，playgroup就有！呢班小朋友 ...

Agree!

大埔之友

原帖由 cathyangel 於 16-04-22 發表
回覆 大埔之友 的帖子

我就係驚個女唔肯自己入去，我有個朋友佢個仔3月，有讀York pn, 返學無問題，好似老 ...

恭喜他, 我小朋友無喊但唔收. 每個小朋友唔同, 如果是我小朋友喊, 可能是因為眼訓. 所以家長要明白小朋友習性, 好好安排. 我亦唔明白點可以一日in 四場.

cathyangel

回覆 大埔之友 的帖子

我就係驚個女唔肯自己入去，我有個朋友佢個仔3月，有讀York pn, 返學無問題，好似老師都讚佢乖之類，但係去培正喊住唔肯自己入，最後都無in到，其他又係全軍覆沒！好彩最後根德園call waiting收左！

大埔之友

原帖由 cathyangel 於 16-04-22 發表
回覆 大埔之友 的帖子

非常認同！

我知培正, 聖保祿會要求獨自入班房. 德望就會坐得好開. 自己考過的其他都會是父母在身邊. 喊的小朋友失敗率好高, 但亦有人話都收左. 我覺得好視乎小朋友喊到是否不可評核, 同老師有幾包容. 但一般有8,9成小朋友唔喊, 你小朋友要好突出至可以又喊又收.

cathyangel

回覆 大埔之友 的帖子

非常認同！
唔痴身真係難攪！需然唔係間間都要自己入房interview,但係好似 st cat都有一關係分開坐，唔係旁邊或後面？我個女一定唔濟！

大埔之友

原帖由 Yeahly_ly 於 16-04-21 發表
咁咪即係唔洗上面試班啦~我大女2月B~無上~去多幾間in咪月來月好



  ...

我覺得你要知1)你想考邊間, 2)學校考什麼?,3) 你認為你能否教到佢做到要求. 如果自己搞唔掂, 追唔切, 又或都是唔知學校要咩, 又你一定要某神校, 龍校. 咪出去搵人幫. 另, 我覺得最難唔係顏色, 認動物, 疊積木等. 最難是唔痴身, 有禮貌. 你睇返好多家長考完出黎講, 小朋友做到晒老師要求而唔收. 我覺得是禮貌. 一d 學校要分開考就一定要訓練佢獨自入課室唔喊. 最後, 報多唔係問題, 但真係唔好一日考四間. 見有媽咪話唔撞時間, 安排一日考四間. 可能最後佢有好學校收, 但又未必太辛苦了.

Yeahly_ly

原帖由 cathyangel 於 16-04-21 發表
回覆 Yeahly_ly 的帖子

我覺得睇性格！我有朋友仔女都係大b, 又係去面試唔肯答，但係平時超多野講！真係好 ...

咁咪即係唔洗上面試班啦~我大女2月B~無上~去多幾間in咪月來月好

absun

三歲太細個, K1面試其實好日常生活化的,玩下玩具, 睇下小朋友禮貌,  面試班幫助唔太大!  

vpo0615

回覆 cathyangel 的帖子

我覺得你呢個PLAYGROUP 都幾HEA, 所以應該無乜作為.

cathyangel

回覆 Yeahly_ly 的帖子

我覺得睇性格！我有朋友仔女都係大b, 又係去面試唔肯答，但係平時超多野講！真係好睇小朋友心情！
我有問過個老師點樣令小朋友開口答問題？佢話要令佢地鍾意個遊戲，玩得多習慣左模式會有安全感，咁表現會穩定d,好似大人出去見工咁，如果完全唔知見工會問你咩問題大人都會緊張，何況咁細個小朋友！又要做好心理輔導，話佢知幾時會去邊到玩，其他同學仔又會一齊去，到時可能會見到同學仔，一齊同小朋友玩好開心！平時上堂的課室類似學校課室，等佢地去到見到類似地方會安心D. 我覺得幾有用！

cathyangel

回覆 kamgat 的帖子

我個playgroup大多時間係做手工，講故事，唱下歌咁，老師只是派野俾家長然後同個小朋友一齊做，無要求小朋友講多謝，通常係我會叫個女自己接，順便講多謝！但係個女未必肯講，好難逼！

Yeahly_ly

我覺得中細B可能返下面試班會有用d....大B就in多幾間熟習下interview就ok....(但心儀學校好早就開始in另計)

kamgat

原帖由 cathyangel 於 16-04-20 發表
回覆 kamgat 的帖子

我有返playgroup呀！10個月就開始上！我女都好鍾意上，但係真係純play, 去考pn 的時候 ...

照計會有基本禮貌會教喎，例如俾嘢小朋友會要求佢講謝謝

cathyangel

回覆 cclemon2009 的帖子

我都聽好多人講自己教好過靠人！但係我又要番工，平時放工番到屋企最多得3個鐘陪個女，又無係好識教，所以都想學下野！我唔期望上完個面試班一定考到心儀學校，只係希望可以學下點教女！我都同意個老師話，唔係識做晒答晒問題就一定叫叻！咁細個應該培養守規矩同專注力，去到邊都用得著！完全解開左我心結！

cathyangel

回覆 964000 的帖子

Sorry, 純討論，唔想俾人話做媒！所以唔開名了