為何有些中小學能上位，有些卻有心無力？

lovecupid

為何有些中小學能上位，有些卻有心無力？

主要因素：中小學所在的位置　和　學生的家庭是基層或中產所佔的比例
有時不是學校不想去催谷學生，而是想谷學生也谷不起。

有些學校坐落於一些基層的社區，學生大都是來自基層，當中有些家長會較重視子女的學業，但問題是大部份基層家長都不太知道如何做，又或有心無力。又或已經將自己和子女都睇得好死……種下禍根。

例子一：
老師：家長，你個小朋友（班中成績中上，很乖）可能有近視，你不如帶他去驗眼吧….
家長：佢大個都係跟我做地盤撈泥架啦！邊有人撈泥會戴眼鏡架…..
老師無奈放學帶小朋友去屋邨眼鏡鋪驗眼….原來是600度「遠視」……

例子二：
老師：家長，你個小朋友（小六成績是Band2頭）為何升中選校選這些啊（一二志願選Band 3）？自行分配學位又沒有報名…..
家長：派位就得啦！近返自己屋企吖嘛
老師：但以他的成績，可讀隔籬屋邨或搭兩個站地鐵的Band1、2學校啊？
家長：去到咁遠讀書做乜？是旦啦，近近哋就算，我都唔知你講啲學校喺邊。
校長知道當然火滾啦，就是這些家長（幾十個），影響著學校的升中派位
安排升中家長講座呢？平日時間家長返工，得幾個家長參加。晚上呢？一樣得幾個參加。去深圳的酒樓開家長講座呢？一樣又係幾個參加……
隔離嗰兩間中學就多謝你……由Band3升做Band2…..

例子三：
老師：家長，你個小朋友有很多通告和欠交功課。
家長：依家開緊工，唔得閒傾，佢交到就交，交唔到就算啦…….cut線

有些學校位置或學生背景來自中產的話，家長會較緊張子女，學校要谷，要提升英文課程、教快啲、教深啲，咁家長咪請多個補習老師囉。家長仲多謝番學校添。唔夠Net Teacher？家長夾錢請！學校通告今日派要夾錢請Net Teacher，聽日學校就要派通告話收夠錢，叫家長唔好再捐，學校事件班房八掛事，家長已在WhatsApp中通風報信知得清清楚楚。

但公屋邨校或學生來自基層的學校呢？老實說，老師追功課、追回條已經筋疲力盡，甚至已進入放棄階段，收到就收，收唔到寫手冊……因為派了通告，學生根不會尊重，隨手四圍掉，校工打掃時在班房地下、櫃桶執返半疊，放在老師檯面，第二朝班主任審問學生邊個無交通告，除了交了的幾張，個個學生都話無收到通告，唔交又唔認。罰留堂又走咗去，而且學校文化…..當一個罪行所犯的人越多，刑罰就會減輕……

學校想谷學生？連功課都可以唔交，家長唔理、學生睬你都傻，點谷？
想教快啲？學生聽書都聽唔明？點教快？
Net Teacher上英文堂？仲要加個TA幫手做翻譯，最後英文都係用中文教…..
口啤唔好，最後專收跨境學童，家校合作完全不能運作，本地家長唾棄，學校走向滅亡不遠矣。
你話間學校點做得好？

所以揀小學，要做好多情報收集。

當然，校長領導也是影響一間學校的發展，下次再講。

sissysze

原帖由 MASAYA 於 16-04-13 發表
同意，另外，如果有幸有個教育專家指名話新興好學校，有可能立即轉運  ...

曾sir, 趙sir

lovecupid

其實好多校董會都係舉吓手、聯誼一下而已
有時津校校長，要耍財技，將A津貼轉去B津貼，要申請大Funding先要開校董會舉吓手。
除了教會外，好多辦學團體的校董校監，對學校入面的事情只係識條「鐵」而已。

MASAYA

Charlotte_mom 發表於 16-4-13 08:28
老土講，天時地利人和lor。校長有遠景，亦要辦學團體肯奉陪。要辦好一間學校，唔係一年半年會有成效。辦學 ...

同意，另外，如果有幸有個教育專家指名話新興好學校，有可能立即轉運

Soundervolt

原帖由 lovecupid 於 16-04-12 發表
人總是有偏見...
國際學校學生在車廂玩....國際學校學生係自由活潑的...
名津名小學生在車廂玩...只要唔係 ...

情況就好似其他人眼中紅鬚綠眼外國人喺地鉄坐喺地下（無拘無束）與大陸人坐喺地鉄地下（冇乜文化）嘅分別。

Charlotte_mom

老土講，天時地利人和lor。校長有遠景，亦要辦學團體肯奉陪。要辦好一間學校，唔係一年半年會有成效。辦學團體（校董會）同校長要好有共同決心同耐心。一心急就唔成事。
至於收唔收到「理想」家長同學生，呢個係雞同旦嘅問題了

twotwoshing

有時呢啲就係起跑線，家長社經地位低，唔識教，冇時間教，態度差，一套這樣的價值觀已由細學到大，三歲定八十，所以欠功課唔交錢走留堂好似應份咁。但有咁嘅家長又唔怪得晒學生，所以好嘅peer group重要過好老師，所謂近朱者赤。亦所以直私要面見家長。
亦有貧窮遺傳問題，學生見唔到前景，一心只想去翠華落單，叫佢點讀歷史地理吖

wah0401

唔該曬。

Yanamami

wah0401 發表於 16-4-13 00:25
其實想請教好耐，pre-S1試係統一公開試定校內試呀？

http://www.edu-kingdom.com/forum.php?mod=viewthread&tid=3214646&highlight=%E6%B7%BA%E8%AB%87

wah0401

其實想請教好耐，pre-S1試係統一公開試定校內試呀？

5kin

因為好多人（包括呢度），
當聽到有小朋友獲派佢哋心目中「寶校」時，
只係得一句：快走，早走早著
但其實係無實質原因果間學校有乜唔適合呢位小朋友，
校風問題？我見過同區名牌小學補完習一樣欄街爆粗；
學業成績？谷校唔一定夾，人哋小學頭幾名平時開開心心讀書，同谷校d學生比成績唔一定輸

LeeCC

786 發表於 16-4-12 20:32
這樣的情形，會被人說名津的小朋友真是活潑可愛

你甘醒既？真系有人這樣解讀名津小朋友這些行為啊

lovecupid

我親眼見過一個校長，係好有品德。好有愛心，是絕世好人。
但不是好領袖，最後間學校成為寶校....百興俱廢...
現在退休了...但要回校處理以前積落的行政財政交代，而新校長就要百廢待興。

Yanamami

786 發表於 16-4-12 21:04
世事是不公平，千載不變。
的確，學校好唔好，真係來自學生源。老師資素，校長財(才)能，佔好少。



  ...

校長領導真係好重要(當然生源亦然)｡—个有遠景有能力既校長係好唔同｡

786

原帖由 lovecupid 於 16-04-12 發表
人總是有偏見...
國際學校學生在車廂玩....國際學校學生係自由活潑的...
名津名小學生在車廂玩...只要唔係 ...

世事是不公平，千載不變。
的確，學校好唔好，真係來自學生源。老師資素，校長財(才)能，佔好少。

MASAYA

人地容易比人睇唔起，自己就要睇唔起人？

lovecupid

人總是有偏見...
國際學校學生在車廂玩....國際學校學生係自由活潑的...
名津名小學生在車廂玩...只要唔係講粗口打交...啊！他們好開朗，不是讀死書...呵呵..
寶校學生在車廂玩...呢啲學校學生出晒名行為差劣...
老實說...弱勢學校就預咗俾人睇唔起...
這是事實...

786

原帖由 LeeCC 於 16-04-12 發表
學生在外表現差的不一定是宝校
我每天接仔坐地鐵,見到的情況是,在地鐵月台車廂內賽跑追逐和玩馬騮架最多的 ...

這樣的情形，會被人說名津的小朋友真是活潑可愛

LeeCC

lovecupid 發表於 16-4-12 17:46
通常弱勢學校，因地區和收生背景的因素外。
區內家長對學生的觀感也影響學校生死
最少睇放學，學生周街跑已 ...

學生在外表現差的不一定是宝校
我每天接仔坐地鐵,見到的情況是,在地鐵月台車廂內賽跑追逐和玩馬騮架最多的係九龍區某一線津校,第二位係港島某一線津校

其他學校的學生包括宝校,直資學校,名校都坐定定或幾個圍住企傾計

stockmike

我想問係唔係間間津校校長老師同一人工，會唔會做又 36，唔做又 36? 他們只管好不殺校便可生存。