K2小童筆劃未合標準被「打紅圈」 家長質疑老師太嚴

JWKun

K2小童筆劃未合標準被「打紅圈」　家長質疑老師太嚴 (星島港聞)
2016-04-08 (22:00)


        有小朋友寫字被老師勁「打紅圈」惹爭議。


        繼有小學生因為英文字「唔掂線」，被老師「勁圈」在網上掀起熱議後，再有家長在網上群組上載4歲半小朋友學寫中文字，因筆劃未夠直或筆劃間隔未符老師標準被打紅圈，質疑老師要求太嚴。



        該位家長在網上群組貼出就讀K2的小朋友練字功課，小朋友學習寫「鳥兒」和「兔」，照片中所見，11個字當中，被老師劃了9個紅圈，主要是筆劃未夠直、筆劃間隔或位置未達老師標準等。家長慨嘆，「小朋友已經好比心機去寫，但次次派返功課返嚟見到幾十個圈，就會唔多開心囉！」該家長質疑老師要求太嚴。


        不少網民都認為老師對4歲半小朋友要求太高、不合理。有網民認為「如果老師只是圈出不好的地方，叫同學多加留意，而不用改正的話，個人可接受。但老師可考慮用綠色或螢光筆標示出來，感覺好一些。」
不過，亦有網民支持老師做法。「學習正確筆畫同寫法係學生基本責任，老師為小朋友好，希望佢學習正確的字型結構同寫法，圈都係為你小朋友好啫。話第二時大個寫得出就得，唔洗寫咁靚，咁點解唔話直接學打字，依家好多人返工都直接對住電腦打字啦，洗咩學寫？」