又想問吓打機問題

stockmike

小兒小二同我講，學校而家好多人打機。主要打 minecraft 及 Crush of Clans.  又最近親戚聚會，他們數個仔女近高小，個個行埋一齊但各自打機，和我想像的跳崩崩盡情玩的狀況好大出入。仔仔當然被吸引，全晚係則邊睇，有幸玩咗幾舖。究竟而家係唔係打機文化已在小學盛行？請大家分享貴校有否此狀況出現(即同學仔閒時是普遍打機?)，我想知仔仔是否重心癮想打機而將學校情況誇張化。

Jane1983

打機係一個難搞的題目。我試過比亞女打，原因係朋友仔聚會，佢吾識打、打得差，好無癮。另外，打機對練反應、motor skills亦有幫助。試左9個月，覺得弊多於利，同亞女傾過就停晒。今年暑假，可能會再試吓。

stockmike

我平時除校的電腦功課係唔俾佢用電腦 (小二), 佢應該從同學處聽了網址，自己走去登記玩 online 數學 game，(我不在場 ), 我好 surprise 佢自己入 email 同 set password. 呢啲 step 成人都未必識。我相信唔係仔仔比人特別叻，普遍細路都學得好快. 太早打機是很危險，佢哋能伸延的速度超乎想像，你能保證你孩子天生不愛打機嗎？我就不能了。

ajfamily

Jane1983 發表於 16-4-5 13:41
久吾久打機，無所謂，沉迷真係唔好。但打得多，好少小朋友可以吾沉迷。

見過疏堂親戚，兩個仔一人一部電子 ...

男仔同女仔好唔同，我的仔在學校同學處學番嚟，佢讀男校，返到屋企用電腦做功課，咪乘機打下。他一定是從同學處學回來，我的親戚細路中最大係佢。現在唯有限時在家玩，手機及其他就冇買比佢地。

birdbird

stockmike 發表於 16-4-17 09:26
我已向朋友中學家長收風基本上中學一定用手機玩 Whatapp. 重有女仔大多不打機反而㷛劇，這我是已接受及有心 ...

我仔已初中, smartphone 亦只係早4個月前才有,

我仔由細到大, 我係唔比佢打機, 佢只可以在出門旅行時坐飛機玩一陣 tablet.

佢d 同學玩 minecraft, 佢玩過, 覺得冇咩趣味
佢反而鐘意放長假時同 Daddy 玩 xbox 足球 game.

我仔小五開始, 我比佢帶只可打出打入的手機返學,
因為佢放學後要自己搭車.
佢有問過我要 smartphone, 佢話佢好多同學用 iphone.
我堅持唔比, 人地有係人地個事 (根本我覺得果d家長係不智: 小學生的駕馭能力與所用的物件唔 匹配),
我屋企就有我個規矩 & 原則, 我係唔會因為人地點 (尤其我唔認同的做法) 而改變自己個原則,


我亦解釋比個仔知道, 我唔比佢用 smartphone 的原因
因為 --
1) 佢平時已成日唔見校服、文具, 佢表現唔到佢有能力管理部 smartphone
2) 唔想佢在學校為要照顧部手機要唔去玩、打波 (小朋友的 隨身物隨處放, 玩完先至會拎番, 我仔分分鐘為o左守護部機而唔去玩)
3) 唔想佢坐車掛住打機而忘記落車 --> 遲到
4) 唔想壞人見到佢部手機而對佢有壞念. 我有比佢睇學生被搶手機的新聞, 我同佢講要 smartphone, 佢就冇得自由行, 出入一定要工人姐姐陪, 佢揀o左帶住部簡單手機自由行.

到了中學, 過o左年幾, 遇著我換手機, 我就將我部舊 smartphone 比個仔.
但係部機只能行 wifi (因為我唔想佢能隨時隨地打機), 我只留番一個 game.
我仔用部機來收 自己班 chat group的whatsapp 及上堂影相做功課.
佢用部 smartphone 用來當 mp3 聽歌用.
我亦講明我會間唔中睇下佢部手機.

(佢仍帶住部只可打出打入的手機作 voice calls)

so far, 部低檔 兼 只行 wifi  的smartphone 仍夠我仔用,
佢 d 同學亦好少有d 無聊 whatsapp, 可能因為佢地早幾年已經一人一部 laptop 返學,
慣o左用 email 及 online chat 溝通.

用 laptop 初期, 佢好沉迷上 youtube, 我亦在長假期時收起佢部 laptop.
我講明收起的原因係佢唔曉自律.
過一排之後, 佢似乎又明,
我見佢適可而止, 所以之後都冇收起佢部 laptop
註: 我仔做功課, 用 laptop 係在廳, 我地睇到.


其實, 想個細路唔打機,
除o左家長在軟硬件上的 '阻礙'' 之外,
小朋友要有d 細藝打發時間先至 唔會諗打機.

我仔要打波, 每個星期除了 training 之外,
又會同Daddy d 波友一齊玩雙打,
加上佢要照顧功課+鋼琴, 變o左佢唔係咁多空閒時間

另外, 由細到大已習慣帶本書出街, 方便坐車時睇, 餐廳等位時睇,

可能因為咁, 打機的習慣及熱情冇咁容易持續.

stockmike

我已向朋友中學家長收風基本上中學一定用手機玩 Whatapp. 重有女仔大多不打機反而㷛劇，這我是已接受及有心理準備。就只想問吓過來人，有無試過暴君式禁打機致初中青春期？成功或失敗，效果如何？青春期仍 work ?

sarahdad

我從小至大不準女兒碰手機及玩電子遊戲, 娛樂以看書, 落樓下公園玩為主,所以她沒有玩手機和打機的習慣.

stockmike

我真係想問吓過來人，暴君式唔俾玩 work 嗎？

大件仔

打機真係好難攪, 好小搵到學生不喜歡, 小學生家長仲可以控制, 去到中學佢可能彩你都傻, 身邊好多朋友都係咁.

我亞仔暫時都可控制, 近來多左玩電腦, 整下片咁, 唯一好處IT科考試年年100分

bobpinpin

其實小朋友愛打機可以有好多理友，假如想小朋友少打，可以用其他有等同滿足程度的事情俾佢做。同佢傾下，或者有意外收穫。

aomori

會否沉迷，其實好睇小朋友本身是否喜歡打機。有D小朋友可以打幾鋪就唔玩，但只要是智能電話已經係一種大引誘，唔啱打機也可傾計 whatsapp 同上網! 出街見到人人一機在手就知! 總之易俾難斷! 此物亦挑戰了很多高小或中學生和父母的親子關係!

Yanamami

我地学校同学無論男女，都操体艺&樂器，無乜太多時间打机~

cherrieshum

好多男仔被手機害死

stockmike

安謂係呢排佢因不需返學已無提要求打機及多自動波看番圖書。我真希望下年佢同班唔好係多機迷，我無心理準備貢早面對 peer influence 的威力。

wan_sosin

我仔都係小二，無聽到學校有打機風氣喎，反而高年班D嘅同學常唱低B歌仔，什麼ABCD好急C

Ocean419

我仔初小，佢同身邊好友都冇手機，家中電腦只限做功課要用時有大人在旁。玩手機只限出街食飯佢食得快比佢玩一陣，d apps 都係同學英文有關為主

little_yolky

stockmike 發表於 16-4-5 20:10
小弟回想初小無錢買唔到任天堂，日日睇鄰居打機。有幸人哋會鬆一舖俾我打，高小用利士錢買世嘉，租帶打通宵 ...

唔好話上公園咁密既活動要cut, 就算去表演, 舊年平均兩個月都有一次, 今年阿細升咗小一, 全部俾我cut晒, 得番D長假期既表演。

洋蔥頭媽咪

我仔都有打機，初小唔會玩但高小就有，其實現今資訊發達小朋友身邊好容易接觸到，我覺得與其禁止倒不如教孩子學習自我控制適可而止。
我仔高小起開始有玩 minecraft ，換個角度去睇其實都可以訓練小朋友創意，滿足下佢地意欲甚至幫佢減下壓，當然家長要教小朋友適量控制時間，避免過度沈迷，其實打機都可以係正面嘅。仲有因我仔鍾意玩 minecraft， 會上 YouTube 睇片，我亦刻意買啲英文版嘅書比佢睇，英文亦進步左，睇片對學習英文其實都有幫助。

TanmaAmy

我個女小六,聽佢講大部分玩手機game
怪彈,Line 跑跑薑餅人等
最弊有D仲用真錢買點數

MASAYA

初小父母唔提供，小朋友可以有咩途徑沉迷？高小、初中先開始已經輸在起跑線，除非資質特優，否則好難縮短呢個差距，唔夠打已常輸就好難沉迷，沉迷打機基本上都係父母鬆手造成