整腳拓醫生

MaMaTracy

請問有冇整小朋友腳拓嘅骨科醫生介？因政府而家淨係整咗個硬腳拓瞓覺用，但平時學行其中一隻腳踝向內得好緊要，唔想再等政府做.....我仔已經23個月仲未自己企到

methy

原帖由 MaMaTracy 於 16-04-14 發表
但打鬆筋針有冇副作用？

鬆筋針即botox,最出名係女人除紋，將緊既肌肉放鬆。同大部份針藥一樣，例牌話副作用有機會休克（但極微），基本上係好安全&有效，我仔完全睇唔到有咩副作用。

我仔打完鬆筋針後一星期後打石膏，打兩星期，呢段時間係針藥去到最高效能，學校物治療師就加強特訓，訓練平時高張（現放鬆哂）既肌肉，到拆石膏後，行路姿勢靚左，單腳企由1至2秒，提高到5秒以上，雙腳離地跳明顯高左等等...效果好好。

針藥效果維持3個月至半年，慢慢藥力過，我仔會講隻腳開始有d扯住，咁就拉多d筋，每半年一次鬆筋針療程。

MaMaTracy

原帖由 methy 於 16-04-11 發表
我仔一直覆診政府兒科，並由醫院物理治療轉介義肢矯型科造鞋墊，3歲半入到S位後，學校物理治療建議著腳托（ ...

但打鬆筋針有冇副作用？

methy

原帖由 MaMaTracy 於 16-03-31 發表
請問有冇整小朋友腳拓嘅骨科醫生介？因政府而家淨係整咗個硬腳拓瞓覺用，但平時學行其中一隻腳踝向內得好緊 ...

我仔一直覆診政府兒科，並由醫院物理治療轉介義肢矯型科造鞋墊，3歲半入到S位後，學校物理治療建議著腳托（做到上膝頭），就返醫院物理治療再做評估，覺得合適又再去義肢矯型果邊造一對腳托，拉直（拉筋）兩隻腳（兩腳主要係低張，但某d位又有d高張），之後配合打鬆筋針&打石膏，加埋學校物理治療師特訓，改善左好多，肌力好左，腳無咁彎。長遠政府跟負擔細d,亦跟得好好。

識人係養和整腳托，佢係睇養和骨科醫生，再係養和義肢矯型部造腳托。

MaMaTracy

好勁呀，我仔就係腦部受損，導致肌張力高，政府醫院啲醫生、物理治療師話唔嚴重，唔需要，但阿仔根本一隻腳跟唔掂地，另一隻向內彎住企同行，越嚟越嚴重....私人物理治療師都話要整腳拓同A字架，我一月覆診，同醫生講咗好耐先肯寫字整for 瞓覺用，一個月又一個月咁等唔係辦法，浪費時間又攪到究竟俾唔俾阿仔行，行又驚越嚟越彎，所以想喺私家整，想爭取時間

Activehealth

原帖由 MaMaTracy 於 16-03-31 發表
請問有冇整小朋友腳拓嘅骨科醫生介？因政府而家淨係整咗個硬腳拓瞓覺用，但平時學行其中一隻腳踝向內得好緊 ...

其實要知道點解小朋友隻腳內向得咁犀利，才可以解決到佢企唔到嘅問題。
如果係純粹club foot, 問題相對容易解決，可以找有兒科經驗的骨科醫生，問問大型私家醫院，不難找。
但若因為腳部肌張力高的問題，還要硏究脊髓神經控制及腦部平衡控制及本體感應的問題。
若小朋友還有腦癱等其他傷患，問題就絶不是一個腳托可以解決。
若肌張力太高，腳托做了站立時亦未必能戴上用到。Weight bearing day splint 做起來有非常難度，相對night splint 瞓覺用的易攪好多。