請教各位有關自閉問題~

BB.com

各位jm，妳地幾時發現小朋友有自閉問題呢？幼稚園定小學？
我仔9歲，由小一至小三都不停收到學校投訴佢嘅行為同學業上嘅問題，仲比咗封信我去排期見醫生，話呀仔似有過渡活躍，亞氏保加，自閉，社交，情緒……嘅問題
大約排咗兩年，而家見完醫生了，醫生安排咗仔仔入院做全面檢查，而家我開始有啲擔心個結果了，擔心佢評估完出嚟的話，冇學校肯收佢，又或者有都要去到山長水遠返學！
請問各位家長，妳地選擇咩學校比小朋友呢？定係由社工幫手安排？
唔好意思，一時間心亂，可能詞不達意的，先唔該各位

BB.com

原帖由 ada605 於 16-03-23 發表
樓主, 不用太擔心
因治療自閉的黃金期是六歲前, 你小朋友都九歲, 相信是行為和情緒上
故現時只好等報告結果 ...

見完醫生，醫生話要同佢check iq，又話睇下似唔似自閉證（普及），話佢唔鍾意望住人講野，同埋鍾意自己玩，所以有啲似自閉喎，詳細又要繼續 check ，最快要4月頭先有得出院

BB.com

原帖由 carmenalice 於 16-03-23 發表
學校既教育心理學家一次都冇見過你個仔？

係，三年都安排唔到見一次

carmenalice

學校既教育心理學家一次都冇見過你個仔？

ada605

樓主, 不用太擔心
因治療自閉的黃金期是六歲前, 你小朋友都九歲, 相信是行為和情緒上
故現時只好等報告結果, 到時請給一份校方, 再和校方談應如何配合

BB.com

原帖由 carmenalice 於 16-03-22 發表
作為一個學校社工，可以答你，現階段你唔需要擔心學校會要求你走，除非你有意頭轉校。自閉症既小朋友，除非 ...

我明白的，多謝你，我都好奇怪，學校講到佢咁嚴重，話會安排佢見教育心理學家，但三年都安排唔到比我仔見，只係不停叫我帶佢去見精神科……睇嚟我真係要去揾下社工先得喇

BB.com

原帖由 KCHK 於 16-03-21 發表
黃金治療自閉症係6歲之前, 唔好意思, 就算現在知道真係自閉已經無咩大幫助了。 樓主的小朋友一直都係主流學 ...

其實佢認知同學習都冇大問題的，係成績唔太好，學校同同學相處唔到，情緒差，所以學校要求我同佢去check係咪自閉

carmenalice

作為一個學校社工，可以答你，現階段你唔需要擔心學校會要求你走，除非你有意頭轉校。自閉症既小朋友，除非完全跟不到學校學習要求/ 有嚴重的行為問題，令家校都非常困擾，否則不建議轉校，因自閉症的同學要花上更多時間重新適應。現階段，你應該積極同學校配合，完全評估後睇睇校方可以俾啲咩支援你，例如調適、小組訓練。

KCHK

黃金治療自閉症係6歲之前, 唔好意思, 就算現在知道真係自閉已經無咩大幫助了。 樓主的小朋友一直都係主流學校讀書即係認知同智力係無問題的, 應該只係行為同情緒有問題是嗎？可以找社工幫助找心理治療同行為治療, 如果有過度活躍應該會refer 去兒童心理科睇下要唔要食藥。