請問仔仔應該大約幾多歲學樂器?

IJLo

現在兩歳半有多, 上PN.  
想開始學之前帶佢見識一下不同樂器, 見識下, 睇下佢對那一種有興趣. 謝謝!

debussymusic

我記得二百多元一堂

Lsm948

原帖由 newroom 於 16-04-06 發表
我B都係兩歲半,星期六上柏斯個小小莫扎X班, 聽音槳,玩下三角玲,搖鼓之類. 不過佢興趣不大. ...

請問多少學費?

newroom

我B都係兩歲半,星期六上柏斯個小小莫扎X班, 聽音槳,玩下三角玲,搖鼓之類. 不過佢興趣不大.

iamadc

阿仔四歲半自己話要學，現在學校唱的歌佢可以自己認音階彈奏，唔多洗教，而琴書的歌佢都係自己彈，上堂只是調細節，所以有本教了一半就唔教，教下一個level。佢最初幾個月學得很慢，之後就加快好多。

佢四歲前都唔覺佢有興趣，我彈琴佢就來搞鬼。無想過現在佢好似好鍾意，完全唔洗叫練琴，反而叫佢唔好彈到飯都唔食。

小朋友的興趣唔係迫到出來，時刻一到，佢地就會想學。

HaYi

kindermuskic 個D 2歲多都ok, 玩多D

bunboymom

而家聽多d音樂先 或者可以買d小型樂器俾佢接觸下

大埔之友

小朋友約兩歲上過音樂playgroup, 有些小朋友比佢再細的都一齊上. 坦白真係無咩用, 最(扮)開心是老師同家長, 小朋友真係一舊飯咁, 完全唔知做咩.

vpo0615

而家好多父母都推個好細個嘅小朋友去學樂器, 美其名話係早D培養小朋友嘅興趣, 實則係個父母心急, 想自己個小朋友快人一步, (好似)叻過其他小朋友.....講到尾又係"贏在起跑線"心態.
(我唔係話樓主呀,我知樓主唔係咁嘅意思).

HaYi

通常幼稚園開始學樂器的都想小學入樂團(一般要要求3級以上), 而樂團是冇鋼琴, 小提琴又好多人識, 所以冷門的一般會選大提琴或吹的, 但吹的太細吹不夠氣, 都要5,6歲以上, 學豎琴可算好冷門, 一般人我相信只會學基本鋼琴加一種樂團會收的, 不會選哩D太冷門的做為第3樣, 除非屋企好有條件之類另計.

playgroup 好似2.5歲都有, 我的小朋友BB時都有學過Kindermusik, 之後柏斯通利, 4歲多單對單學鋼琴, 大的入了小學先加另一些樂器, 不過hea 學.

vpo0615

雖然有D離題, 不過想呻吓.....最近見到有親戚帶小朋友學豎琴.....而且呢D鋼琴/小提琴以外嘅樂器愈嚟愈多人學(因為學校嫌鋼琴/小提琴太多人識, 無特別)....我都, 唔知小朋友如果唔識任何一種樂器, 將來係咪唔使出嚟行?

Chloelmw

以我教琴的經驗，最好4.5-5歲開始學 ^^

Sukiyung514

音樂啟蒙班似乎幾有用！ 但應該幾多歲先比仔仔去呀？

vpo0615

之前睇過D鋼琴老師接受訪問話, D小朋友咁細過嚟學彈琴, 但佢哋連26個英文字母都未識得晒(即未識睇咩C大調之類).....言下之意係佢唔建議咁細個去學樂器.....當然你可以上D音樂PLAYGROUP.

小曳人

咁細，你留意一下tom lee, 栢C 嗰d幼兒音樂play group 先
到你覺得佢有興趣，先考慮幾時開始學樂器

同意樓上講：鋼琴要四歲，小提琴最好五歲，早d唔係唔得，係大人細佬都辛苦，佢又學得慢

vpo0615

如果係音樂PLAYGROUP而家可以報架喇, 唔使等3歲.