除左死串英文生字， 點樣幫小朋友識生字？

moonbooska

已經常陪個女閱讀英文故事書， 但個女記唔到英文字， 唔識自己閱讀！所以佢自己睇書只看圖！

PY-Sing

taiyeung 發表於 16-3-13 20:21
有無audio book推介？

我覺得俾低年級DR SUESS 唔錯.

如:

hop on pop

Green eggs and ham

The cat in the Hat.

bbeasy25

小朋友K1係幼稚園已經學phonics，但都不是好得，之後出去讀RWI，進步得好快！現在小三，見到大部份英文字都識讀，默書15分鐘已經溫識哂

JJDBB

併音幫到手，死串收效不長久。

AgapePa

死串英文字, 其實作用不大, 今日識串, 明天就忘記, 最緊要識用, 識解.  寫下短文就自然記得串法.
K2 迫串字, 我覺得太早, 花時間閲讀好過

bbjanbb

上ABC Pathways家長拼音班
你自己學識就可以教佢拼
我上左4堂都掌握到點樣blending

kennyrita

回覆 HaYi 的帖子

我囡 k2 學, 現在 k3 , 佢都係要我不斷讀開頭果音, 提示佢, 佢先估個開頭, (但都會錯), 但後面佢就唔識, 我亦都唔識教了

taiyeung

有無audio book推介？

HaYi

我而家睇我個細的(K2) 都是同一pattern, 認字同reading 叻D, 但串字就要一般.  

其實我大仔細仔都是K1開始在學校學phonic, 冇再出去學.

大仔由細都識認好多生字, K3都己自行read chapter book, 但K2尾串字都唔得, 一來可能K2學校未教太複雜的blend sound, 二來就算教左, 佢未必會好快應用去串字, 見佢串字不叻(相對reading ) 我尤佢, 當時佢都有讀一些英文creative writing , 寫到但串字都有好多錯, 但鬼佬老師不會改佢.   

一上左英文小學, 英文算較其它學校深一兩年, 默書都多內容, 串字反而完全冇問題, 不用我跟, 直到依家P4都是.  我感覺是K3一年的phonic 較多practical 的時候, 幫佢用多左application如串字中.  

所以對己在學phonic的小朋友 如K1,K2仍未太叻串字, 有可能是時候未到, 只要保持應用, 之後build up 會好快.

kennyrita

我囡由k2 已學phonics, 佢識a-z嘅發音， 但就唔識點運用， eg., red
而我自己英文好屎， 我唔識點教佢運用出來

siubbsw

原帖由 moonbooska 於 16-02-29 發表
已經常陪個女閱讀英文故事書， 但個女記唔到英文字， 唔識自己閱讀！所以佢自己睇書只看圖！



  ...

我覺得佢記唔到係因為日常少講英文。

有小朋友讀k2國際班，日日對住老師講英文，不知不覺學識講好多字，另外又學了phonics, 看故事書時遇到的生字，會用phonics拼讀出來，佢就知道個字點解，因平時有講過呢個字。如果係未學過的字，佢也會憑看書中插圖來記住字的解釋，再運用拼音來讀，同一本書讀兩三次就學識那些生字。佢是看oxford reading tree 學英文的。

neko1234

mntabo 發表於 16-2-29 18:45
我都有同樣問題
阿仔k2, 由pn開始學校教phonics, 點知學校Pn 同k1 都只係教26個字母phonics, 而家k2才教拼  ...

K2, 我覺得係媽媽太心急, 我仔都係PN學校開始教phonics, K2都未識串字, K3我先報佢報出面的phonics補一下底, 而家小一英文都唔係太大問題...

至於你講的情況, 我仔都有, 會有拼漏一些字, aeroplane變aroplane, cheering變chering,parrot 變parot...始終phonics唔係萬能, 能拼到8成, 差個少少, 靠睇得多認得, 及係屋企溫默的時候留意下...

little_yolky

MASAYA 發表於 16-3-6 13:24
我記得妳話妹妹外貌似妳

家姐意思係當媽媽angry鬧妹妹時, 妹妹就狂喊, 所以ugly。

MASAYA

little_yolky 發表於 16-3-4 15:25
見到大家小朋友咁細個就識驚, 真心覺得自己唔知個死字點寫。

話說阿女小一初期, 真係is am are都唔 ...

我記得妳話妹妹外貌似妳

little_yolky

見到大家小朋友咁細個就識驚, 真心覺得自己唔知個死字點寫。

話說阿女小一初期, 真係is am are都唔識串, 好彩多得網友教串are字時叫佢記「阿姨」(ar - e), 問題即刻迎刃而解。


依家好多時都要用呢D旁門左道 例如, 上次串 scared, 我叫佢記住中間架車(car), 前面加個S, 後面加ed就得, 當你見到架車撞埋嚟, 咁你咪scared囉。咁佢即刻記得。

前幾日要串scarf, 又叫佢記住架車啦。咁佢即刻問, 條頸巾同架車有乜關係? 弊, 點答好呢, 我就同佢講, 有架車响你面前開得好快, 大風一吹好凍, 咁你咪要用scarf唔好冷親囉。咁佢又明白了。


家姐近來都用呢招, 佢創意默寫要寫形容詞, 佢就記住：媽媽angry, 妹妹就ugly, 爸爸handsome, 我就beautiful。

LuckyFish

我大囝k2開頭時又係唔多認到字，雖然一路有陪佢睇圖書。k2下學期開始學phonics（RWI）同睇audio book，幫助好大，睇完audio book要求佢讀返，進步好快。

serinac

原帖由 mntabo 於 16-02-29 發表
我都有同樣問題
阿仔k2, 由pn開始學校教phonics, 點知學校Pn 同k1 都只係教26個字母phonics, 而家k2才教拼  ...

我嘅仔都係k2，由PN 開始伴讀，依家自己可以睇Ort tree stage 6 和剛剛上phonics. 我冇要求他識串幾多字，只希望他保持到閱讀興趣。

tinaleung

原帖由 moonbooska 於 16-02-29 發表
已經常陪個女閱讀英文故事書， 但個女記唔到英文字， 唔識自己閱讀！所以佢自己睇書只看圖！



  ...

又可以試下，你讀一句，佢讀一句。搵本淺的，等佢有成功感

tinaleung

原帖由 moonbooska 於 16-02-29 發表
已經常陪個女閱讀英文故事書， 但個女記唔到英文字， 唔識自己閱讀！所以佢自己睇書只看圖！



  ...

確定左無特殊學習困難，只有多讀，多串，多讀。