真的要食藥嗎？

joe12211981

仔K1-k3都比老師話專注力低，k2做了評估，醫生都話專注力弱d,但又未到好差，話佢屬於擲界，於是排期至下月見兒童精神科。現在仔讀緊一年班，我亦同班主任交待咗仔的情況，而我覺得學校的程度都幾深，今次考試全級106人佢排59，老師話要再加緊努力，亦同我講仔的專注力的確影響到佢，老師話佢自理差，上堂玩文具，平時導修堂其他同學已完成的功課，佢先啱開始，同時亦都讚佢中文比同班的人outstanding,上堂作句其他同學往往千篇一律，唯獨佢作得與眾不同，好有創作力，中文和常識成績應該唔止呢個分數（佢中文89，常識88），老師話佢都教過d專注力不足的學生，食藥後真的改變好多，亦5覺食藥的學生有什麼副作用...，言下之意，即係覺得我仔可以食藥改善，聽完老師咁講，心情好低落，亦都好掙扎是否真的要比仔食藥

bestwish

Jjchow2015 發表於 16-6-23 10:49
點解鼻敏感會影響專注？

都會架 ! 我鼻成日塞, 成日唔舒服, 做咩都冇心機啦

Jjchow2015

點解鼻敏感會影響專注？

joe12211981

上個月已經見了兒童精神科醫生，醫生話阿仔係有少少專注力不足，但不算太嚴重，不用食藥，暫時都係一路觀察，另外比佢排期睇鼻敏感，佢話鼻敏感都係一個好大的因素另佢有專注不足

Musemusetse

成績不太差，功課不太慢，是不用食藥啦，我個人經驗食藥心情會低落d焦慮d。

Missingyou0623

我之前都掙扎咗好耐俾唔俾我仔食藥，如果只係輕度專注力不足而且成績又唔差，我係唔會俾佢食藥。我仔因為對抗性行為同衝動打人，我無辦法唔用藥。

Jjchow2015

邊到可以上行為治療？

Ruby05

回覆 bestwish 的帖子

我有比仔食緊藥,當初都考慮好耐先比藥, 因三年班第一次見醫生醫生己問我地食唔食藥,用了一年時間做行為冶療都重收到好多投訴先決定比藥佢食, 如只係成績問題,我係唔會考慮食藥.

bestwish

原帖由 COE1205 於 16-06-02 發表
小一我仔都無問題,重攞埋操行獎, 交報告返學校時老師都話仔唔似ADHD, 但升上小二後情況變化好大, 所以升小 ...

其實我仔應該係讀小二，我當時比佢遲一年入學做大仔。就係上左小一覺得呀仔好失控。

COE1205

bestwish 發表於 16-6-2 17:23
但我仔一向都係學校都好受歡迎, 好多同學仔鍾意同佢玩。尤其是女仔。

前幾日係書包仲收到一封信係 ...

小一我仔都無問題,重攞埋操行獎, 交報告返學校時老師都話仔唔似ADHD, 但升上小二後情況變化好大, 所以升小二後要多加留意

bestwish

COE1205 發表於 16-6-2 17:13
你小朋友同我仔小一時好似,都係成績唔差(2x/133)行為有點問題, 但一升上小二後我仔行為就出現好大問題,經常 ...

但我仔一向都係學校都好受歡迎, 好多同學仔鍾意同佢玩。尤其是女仔。

前幾日係書包仲收到一封信係女仔寫比佢。寫 I like you.

跟住我問佢有咩表示? 佢話回番信比人寫  I like you too.

COE1205

bestwish 發表於 16-6-2 12:23
7歲, 小一

你小朋友同我仔小一時好似,都係成績唔差(2x/133)行為有點問題, 但一升上小二後我仔行為就出現好大問題,經常鍾意攪同學,又成日執地下D垃圾,又多口,呢年我經常收到學校投訴電話,仔係學校完全無人同佢玩。終於升小三暑假開始比阿仔食藥,今年情況好了很多,而且阿仔終於係學校有朋友同佢玩,最重要係成個人有自信咗我認為可以睇埋小二,如小朋友情況(行為)變差,可以考慮試用藥物幫下小朋友

bestwish

COE1205 發表於 16-6-2 12:16
小朋幾大?

7歲, 小一

COE1205

bestwish 發表於 16-6-2 12:00
我仔都係擲界or輕微. 但同樓主唔係好似, 成績唔錯, 全級10X, 考2X。 只係情緒同行為最大問題, 但多數係屋企 ...

小朋幾大?

bestwish

我仔都係擲界or輕微. 但同樓主唔係好似, 成績唔錯, 全級10X, 考2X。 只係情緒同行為最大問題, 但多數係屋企發生。 成日掉野, 發皮氣, 打自己.......學校老師又暫未有投訴, 只係家長日時話佢都有周身郁, 都有唔專心, 導修堂就一定唔去做功課, 攪下同學仔禁。 禁我仔係咪都係吃藥好D呢?

DollyCC

我仔k3都諗住食，因唔想佢上小學大大動作整到人，影響課堂，比老師覺得佢係麻煩人。同我觀察佢上堂雖然無離位但真係踢來踢去。而家食可觀察佢反應，有咩唔妥搵醫生。上小學老師根本理唔到禁多，已經要適應新環境，仲要成日比人罰，不如試食藥。

Tifftiff0115

唔係個個小朋友食藥都有副作用架,所以真係要試.試藥的話醫生會俾份問卷你,試兩個星期咁.
我仔仔食concerta 27mg,冇影響訓覺同食野,情緒又冇大影響.

Dressup123

回覆 joe12211981 的帖子

六歲開始食４小時半粒加８小時—粒，老師話明顯上堂留心咗。在家都有曵，食藥前叫十聲好似聽唔到唔停，食藥後叫一兩聲會停。

joe12211981

咁仔仔食咗藥後有乜改變，幾歲開始食？

Dressup123

食藥擔心有副作用, 但唔食藥對佢係咪好呢? 我同我先生都曾經掙扎過, 結論係食藥.  原因1) 如果食咗藥令佢上堂專心啲吸收得好啲, 咁唔比藥佢食係咪會剝削咗佢學習呢? 原因2) ADHD的行為有時真係令到我哋管教上有壓力, 有時自己控制唔到會鬧佢, 小朋友比人鬧又唔開心自信心又低, 大人心情又唔好, 親子關係又差.  如果食咗藥令佢行為冇咁令人激氣自然唔會比人鬧, 對大家都好.