請分享發展遲緩兒童在家訓練經驗<萬分感謝>

happyapril

仔仔快3.5歲，4個月大時抽根入院，發現腦充血差點沒命，所以要開腦做血管瘤手術，定期覆診，之後遺傳科轉介做評估，新年前終於排到做完評估，醫生話佢各方面發展遲緩＋懷疑自閉，等政府位要排好耐，所以正不停找不同的課程希望幫到他，新年剛上了樂天四天密集新年課堂，因為他現在K1，所以只想安排他WEEKEND上堂（各機構也很FULL，要排及等，所以仍找尋中），但我相信除了專業課堂外，家長日常訓練也不可少，可是我仍是無從入手，想問問各位有甚麼書，甚麼課程可供家長學習如何在家訓練小朋友… 心真的很慌很亂，以為一切安下來，總有特發問題出現，不過明白到仔仔的命那麼幸運保住了，以後的問題，作為家長要收拾心情，一一解決，希望有經驗媽媽可以分享在家訓練經驗，萬分感激～～～

濼晴

協康有個 伴我雲彩路 既密集訓練
你睇睇

miss_u

我之前係協康都買過本書 我或者夜d影你睇

happyapril

回覆 KCHK 的帖子

那真的一個不錯的見意，等一陣放工回家和他試試～～～有你們的提醒，真的很實用，幫助不少！

KCHK

如果你覺得小朋友唔夠信心做一些事情, 可能係佢能力做唔到完美, 有些小朋友係咁的, 你可以試下降低難度， 例如係佢落樓梯要一級一級咁落， 你就找一些樓梯只有3級左右的叫他試交叉腳落， 訓練到佢好有信心先增加至4/5級的樓梯慢慢去試， 如果找唔到適合的樓梯就試下只落3級樓梯， 之後增加。其他也一樣， 要比時候佢慢慢練習，由淺入深， 記著每樣野要做到佢好有信心先好增加難度。

piglet0529

原帖由 anniewcy 於 16-02-19 發表
Hello, 如果訓練大小肌，可以同小朋友係屋企玩泥膠、夾衣夾、執豆豆入落比較窄口的樽內、入硬幣落錢罌到… ...

你去協康會買一套幾本訓練自閉兒的書, 每本教不同範疇, 可以在家訓練, 早兩年$900, 入同心家長會有折

happyapril

回覆 funghon 的帖子

他上樓梯可以交叉腳，落樓梯就一級級咁，不過就一定要扶野，因為他不大信心。而且他不太懂跳。打千秋、攀爬他有點怕，不太敢做。拋波，接波手不太提得很高，踏單車不敢力。2個指令的句子都算做到，不過做得好慢，而且他好怕錯，他摸著物件，常看看大人的反應及鼓勵才拿東西到大人手上。

funghon

油麻地建基應該重有位

funghon

大肌肉和感統方面，可以每日帶佢去公園玩。打千秋、轉轉、滑梯、攀爬都可以幫到感統。大肌肉方便，佢可以自己上落樓梯嗎？跳樓梯嗎？拋波?接波?踏單車?行平衡木?(未識就自己教住先)
言語方面，佢可以明白2個指令的句子嗎，例如:一個籃子內有大小各一橙和大小各一蘋果, 你叫佢取''一個大蘋果''。
小手肌方面(練習前2指)，玩上鏈玩具，衫夾，開關藥水樽蓋，執小珠，開關小拉鏈，用鉗夾野。

anniewcy

Hello, 如果訓練大小肌，可以同小朋友係屋企玩泥膠、夾衣夾、執豆豆入落比較窄口的樽內、入硬幣落錢罌到…… 我同阿女會自己係屋企做呢啲訓練。加油呀媽媽！慢慢嚟！唔駛心急！唔好亂呀！

happyapril

評估就話大小肌肉及言語遲緩遲一年（但評估三小時，只說3句說話，平時在家會說句子及會對答的，但大小肌肉真的很弱）。
上堂姑娘就說不算太自閉，因為他肯眼神交流，到來上堂，他哭只是一陣，肯聽導師說，行為不固執。但行動慢，缺乏自信！所以感統及社交要多加練習

KCHK

請問知道仔仔邊方面發展有問題嗎？ 平衡有問題嗎？大小肌肉有問題嗎？認知有問題嗎？上堂時老師有無講邊方面要多點訓練呢？