DBSPS vs CKY

iedummy

DBSPS vs CKY, 各位有何意見. 謝謝.

KopyKat

CKY 小學是雙班主任制

amy_0101

CKY 是否雙班主任？ESF 也要考igcse？

retriever

786 發表於 16-2-12 08:08
st Paul convent同dgs都走這路。但同cky有些不同。igcse係英國試，即是以前GCe o level。以前我地考cert,唔 ...

"igcse係英國試，即是以前GCe o level。"


有什麼差別? 好差兩個試, 而家同時存在喎...

dcnmxw

hkpapa852 發表於 16-2-18 09:46
如我係另一帖所講:

其實我地呢一代既家長, 大多數都係香港傳統教育模式下長大, 就算佢地想小朋友去讀IB,  ...

對呀，基本概念可能沒有太多變化。
晌補習社的確見到有好多ib校/國際校的學生補習

penguin_chick

回覆 adrio 的帖子

拔萃就算中文唔掂都不會請你留班,這可能是要讓學生自由發展，自動學習，但也可能因此「害」了學生，因為無論男拔女拔的學生都是精英中的精英，至少是最佳的10%之內，而DSE中文達三級者有50%，他/她們即使更不喜歡中文，只要他/她們肯努力，要達三級一點不難。如果學校規定中文不及格者要留班，或要暑期參加補習班，八月尾重考，憑他/她們的聰明才智，肯定100%達標！而不會有男的30%不達三級，女的也有10%不達三級！

penguin_chick

回覆 hkpapa852 的帖子

中學並非都集中在中四中五用校內試filter學生，學校是有留班限額，最多5%，如集中在中四中五留班，會做成中四太多學生，且會有點為時已晚。但留班線各有不同，有些兩、三科不及格便要留，有些主科一科不及格都要留。據說有些名校每年勸退一些，再吸納其他學校的精英，所以雖然收生靠計分和大抽獎，但仍能保持學術水平。

hkpapa852

adrio 發表於 16-2-18 09:40
回覆 hkpapa852 的帖子

对拔萃就算中文唔掂都不會請你留班,但蔡系初小時發現学生有一這不達準就會要求留班 ...

如我係另一帖所講:

其實我地呢一代既家長, 大多數都係香港傳統教育模式下長大, 就算佢地想小朋友去讀IB, 最後不少家長可能又要加番一大堆傳統教育模式既訓練(如補習)俾D小朋友, 根本完全違反了IB既原意.

其實不管讀那一種學制, 家長心態先係對小朋友學習同成長影響最大既一環

hkpapa852

penguin_chick 發表於 16-2-17 22:59
igcse 固然可以filter一下學生，但其實所有學校，是所有學校，都會用每年的大考來filter學生，不用等到考ig ...

其實大多數中學都集中係中四中五用校內試嚟filter學生, 如成績不太理想, 會建議學生留班.

唔會年年咁做

penguin_chick

igcse 固然可以filter一下學生，但其實所有學校，是所有學校，都會用每年的大考來filter學生，不用等到考igcse.
cky有一半以上同學在igcse考得6A以上(也不算是很好的成績)，所以考3C3B絕不困難，考不到這成績，讓你上IB也讀不上，最終也難考到及格的24分。

巴士

兩間都是好學校，亦不是容易入到，如果真是考到又決定不到入那間，何不問問孩子究竟喜歡在那裡讀書，始終用家是他們，交給他們選擇吧

calbee6

我朋友女兒初小插班CKY, 初初成績不太好, 是後來發力, 現已畢業就讀HKU. 她們都很喜歡CKY, 還極力推薦。平心而論, 每間學校有成功亦有失敗個案, 就算百年名校都會有人入唔到U.

786

我的朋友用了10年的金錢和時間投資在cky,為了一個未有歷史的信念。他經歷了，現在你們聽了是賺了。當然學校也會從中學會了，改進了。所以我不知現在學校是否改革了……

只能說，可以選擇的話，我是不會做試驗品，我會看看歷史來選擇學校。

joyce1234

調番轉，一樣有人不適合dse.

joyce1234

Exactly! 而ESF 都係考完IGCSE再去IB.

joyce1234

我當然係講大多數。當然總有個別例子。

siden

原帖由 joyce1234 於 16-02-14 發表
再分享多一點我個人的睇法

如果一心喜歡/想揀傳統學校的家長,CKY真係唔適合你; CKY係適合那些想讀國際學校 ...

恕我直言。

你咁講，係表示你根本唔明白，每一個人都有長處短處，有些，係唔會隨時間及training 多少而有重大改變。

"對於一個才5歲的小朋友,基本上冇呢個問題.。5歲, 可塑性甚強. IB 要乜? 語言能力/批判思維/邏輯思維/時間管理 , 你咪用12年去train up 個小朋友.  IB要的質素, 都係大學要既質素, 你唔會講話有人唔適合讀大學吧。"

可以想像，亦恭喜你，你孩子應該冇以上問題。正如正常孩子的家長，係好難明白有語言能力或專注力不足的孩子及家長的無助及艱難。

語言能力/批判思維/邏輯思維/時間管理 , 你以為可以由5歲去train, train 到考IB了就ok「一定」程度夠分入本地大學嗎？(海外有比較低要求嘅大學另計）

你能理解某些孩子在這方面，train完係有進步，但有些進步不夠的拉牛上樹在IB校成績強差人意嗎？Train, 係會有進步，但要達到某一個水平入大學，冇那個資質你以為容易嗎？正如運動神經不好的孩子，你捉佢去操水練跑，進步一定是有的，但可以達到很好的水平嗎？

我在看自己兩位朋友，由終會考IB嘅IS grade 1 上到一個grade 6 一個grade 7, 兩個都有相同煩惱，小孩critical thinking/logical thinking train了日子也不短了，父母都用心guide, 都察覺小孩不適合IB模式應試，嘗試找非IB route嘅IS 走人。我就係正正見過有人有困難，才忍不住指出你的想法太天真太ideal。唔想有jm真以為train 足12年就一定搞得掂。

當然你可以説IB training 終身受用，這點我絶不反對。但正常父母總想孩子在大學入學試成績好一點，進得了大學的門吧？

最後，真係有人不適合讀大學某些very dependent on critical thinking and logical thinking 加寫大量paper嘅科目。那些朋友當然已經大學畢業，但寫文時痛苦十分，人寫兩晚搞掂佢寫足一星期，寫嘅紙同文教授評分不會太好。這些朋友，適合讀醫科藥濟呢類大量背誦但在undergrad 甚少寫文嘅科系。

公道地講，你嘅講法對大多數孩子都説得通。但，不是全部。

MrBeast

請容許我一問「why」 use a traditional exam to assess whether a student is suitable for ib diploma?

joyce1234

再分享多一點我個人的睇法

如果一心喜歡/想揀傳統學校的家長,CKY真係唔適合你; CKY係適合那些想讀國際學校但又對國際學校有啲保留的人.

睇吓呢個帖: http://www.edu-kingdom.com/forum ... &extra=page%3D2

>> " 唸IB要有良好學習效果，家長心態亦非常重要，要容許子女問「why」；他指出，曾有家長問老師，為何IB課程不用買教科書，他們反問家長，為何一名只有5歲的學生需要教科書，應鼓勵他們向有興趣方向發展。"

如果接受唔到上堂冇教科書, 咁IB校上堂冇教科書就會成為家長眼中的缺點.這些就是mis-match.

另外, 好多人都話不是個個人啱讀IB. 我唔同意. 要睇下個學生年紀, 小朋友到左13,14歲, 好多性格已定, 你可以話佢未必啱讀IB. 但係對於一個才5歲的小朋友,基本上冇呢個問題.

正如我之前講, 5歲, 可塑性甚強. IB 要乜? 語言能力/批判思維/邏輯思維/時間管理 , 你咪用12年去train up 個小朋友.  IB要的質素, 都係大學要既質素, 你唔會講話有人唔適合讀大學吧.

由細開始, 基本上係冇問題,因為一路落嚟的訓練係向住IB需要的品質. 有"適唔適合讀IB" 問題的, 是因為學生由小學到中三/中四,一直接受的是傳統學校的訓練. 去到中三/中四,學校offer可以揀dse or ib, 咁,就會出現有啲學生適合dse 有啲適合ib 的情況. 咁在傳統學校, 的確有一群叻的學生可以讀到ib, 而比較擅長於傳統學習的就留在dse(或者,換一個講法: 佢地唔適合讀IB). 就係咁而已.

咁,有乜誘因要由細就咁快決定IB 定DSE? ( 假設財政等等不是問題 ). 原因就係對於 " 教育 "的看法. 很多人是睇到為考DSE而接受的訓練的不足, 或者覺得既然DSE(改革之前的會考高考)也引入了IB原素, 所以安排小朋友入讀IB校.

所以, 對於一個13,14歲中學生, 佢過去6,7年的學習模式已經幫佢大致定型, 於是佢會有適唔適合讀IB的問題, 但對於一個5歲幼稚園畢業生來說, 冇呢個問題. 揀間好的學校(校風/學術/公開試成績)順住條路行就得啦.

如果仲係認為有小朋友唔適合讀IB? 咁我話一樣有人唔適合考DSE. 退一萬步, 傳統那種追求強烈竸爭/追逐分數名次/不斷填鴨再填鴨的教學方法, 我認為是不適合所有小朋友的成長.