最怕父母當眾表演教仔（鄧藹霖）

elbar

撰文  :  鄧藹霖

爸媽非常在意子女的餐桌禮儀，若然與親朋戚友共膳就更不得了，爸媽是絕對不容許子女被批評為「沒禮貌，無家教」的，太羞家了。可是爸媽卻不自覺盡顯糗態而不自知，那才是真正的羞家呢。

1. 鬥快搶答

姑勿論親友問孩子任何問題，爸媽在旁都會搶先代答。

哦，佢讀三年班。

佢今年八歲。

佢鍾意學羽毛球。

有些孩子樂於爸媽代答，自己抿着嘴好少理，但也會有孩子當面反駁：

咩呀？我還有一個月就九歲啦！

羽毛球係你哋迫我學嘅。

2. 橫眉怒目頻打眼色

爸媽怕子女亂講說話失禮、怕他們當眾挖鼻孔失禮、怕他們左郁右郁失禮，會裝出個惡樣「凶」孩子，示意他們即時閉嘴，卻不察覺所有人的目光都瞥向那張擠眉弄眼的惡臉，失禮之極。

3. 文鬥武鬥鬥個不休

爸媽一副戰鬥格，不忘席間刺探人家的虛實，當然亦會抓緊機會炫耀子女的成就。

吓？你個女鋼琴六級了？哎呀，我個女才三級咋。我呢個女音樂就欠天份啦，但運動方面就過得去啦，剛剛贏咗個牌，全級第一！

4. 當眾表演教仔

最吃不消的是爸媽突然當眾扯高嗓門罵孩子：

你只管玩唔食嘢，而家罰你企！

然後對親友解畫：

啲細路唔教唔得！

就是要當眾展示「家教」呢。

leung96