新移民請求幫助

bonnieok

想請問一下，小朋友係單程證新移民，剛來港。識講廣東話及寫繁體字，係大陸讀緊小四，成績唔錯ga。因為兩地英文水平有差異，已做好降級準備。本來打算3月份插小三，不過太遲學校都基本截止申請了，諗真D都係等新學年再考插班小四，到時學位可能會多返小小。如果系咁，9月份先至开学，小朋友就有好几个月的空挡期，唔想佢係屋企無所事事，想揾D補習中心惡補下英文，為將來考插班試做準備。最好能夠搵到D全日制的，好似平時返學咁。我知道北角福建中學有個專針對新移民的啟動課程。為期半年，我地住南區香港仔，感覺北角有小小遠。我想問一下，有無其他補習中心可以全日制補習小學英文？

Yanamami

bonnieok 發表於 16-1-9 10:51
好多謝大家的嘅建議THX！請問有無邊間好D嘅補習社介紹？想幫小朋友補英文專科，住南區，補習社不一定要南區 ...

双管齐下啦~我始終覚得語文係要浸，—点—滴打好根基先係長遠計~補習只应眼前急，应付学校課程升班、考中学~如負担到，再去英国文化協会浸浸，好好打好听寫讀講基礎，上到英中就唔辛苦啦｡係未揾到合適補习前，報个課程浸住先，咪嘥時间~

mrschan256

brianshe 發表於 16-1-8 12:45
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

agree! why come to hong kong? 香港宜家立立亂留翻系上邊仲好!

karen55407

舊年陳瑞祺下學期也收了一個新移民同學，証明未必一定入唔到好學校。

haihaimom

Loura 發表於 16-1-9 19:25
說說我的個人想法，除了考慮小朋友的學習情況外，更要關注下小朋友的群體需要，如果小朋友基础好學校的課程 ...

同意，先適應學校生活，把目標放喺升中。有時候冇噤受歡迎既學校，老師反而可以對學生有更多關顧，注意學校會否對新移民小朋友有特別支援，尤其係英文。大多受歡迎既學校都冇。

Loura

說說我的個人想法，除了考慮小朋友的學習情況外，更要關注下小朋友的群體需要，如果小朋友基础好學校的課程都是很容易跟到的。所以個人覺得還是給孩子一個與同齡人接觸交往的機會，孩子還可以感受到不同的教育方式，習慣繁體字，課余時間用來補習英文，這樣的過渡方式對於考理想小學的插班生應該更有利，個人覌點僅供參考。

winkychu

請一對一也可以，大學生上門，100左右一小時

bonnieok

好多謝大家的嘅建議THX！請問有無邊間好D嘅補習社介紹？想幫小朋友補英文專科，住南區，補習社不一定要南區，外區也可以，只要不太遠都OK

siden

原帖由 little_yolky 於 16-01-07 發表
或者你聯絡教育局分區主任, 佢哋一定會安排間學校俾你, 不過無乜得揀就是了。 ...

同意

germainehui

原帖由 little_yolky 於 16-01-08 發表
本帖最後由 little_yolky 於 16-1-8 10:37 編輯

贊同樓上的意見，英國文化協會的課程係需要慢慢浸先見到效果，反而補習社的英文專科會因應小朋友的程度來操，應該仲啱樓主小朋友的需要。

見過一個好好的例子，我囡小學小五時新來一位五年級的內地插班生（女仔），粵語識聽唔講，平時主要講普通話，只用了半個學期時間就適應了，到下學期考呈分，成績優異，而且體育方面很有天份，經常代表學校出去參加比賽拿奬，能文能武，學校真係愛死佢，自行時已被張祝珊英文中學取錄，今年已經讀緊中一。真係唔好睇小內地小朋友的潛能。

simonwan

孩子是自己的，什麽都聽政府話，都唔知幾多細路比學校同教育局玩死。而家插小三都得，如果孩子在學校無什麽適應問題咪好囖！但如果返學對孩子無什麽好處，甚至有反效果，勉强讀來幹嗎？

sukitelfold

原帖由 brianshe 於 16-01-08 發表
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

一單還一單，人哋只係問下正路嘢啫！唔使下下話人「大陸仔」嘅，欣賞樓上吡意見的網友！

little_yolky

brianshe 發表於 16-1-8 12:45
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

樓主响#1第一行已經講咗小朋友識講廣東話同寫繁體字了。好正常都睇得出係申請到單程證家人團聚係咪? 雙非駛乜等到小四至落嚟呢?

karen55407

原帖由 huba 於 16-01-08 發表
除了學術的考慮，往正規學校上學對孩子的全人發展照顧會較全面。嘗試找家功課量少的小學，課餘可兼顧英文專 ...

huba

原帖由 bonnieok 於 16-01-08 發表
好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提 ...

除了學術的考慮，往正規學校上學對孩子的全人發展照顧會較全面。嘗試找家功課量少的小學，課餘可兼顧英文專修。

就小四插班的考慮，既然孩子本身的成績不錯，何不儘快入學，先拿取一張亮麗的小三成績表方便報考心儀的學校？

karen55407

原帖由 HaYi 於 16-01-08 發表
但大陸小朋友慣簡体？就算上面中文oK，不慣繁体可能扣分很多，

早日正規學校，早習慣，再考慮要不要轉校插 ...

樓主話小朋友識繁體字

HaYi

但大陸小朋友慣簡体？就算上面中文oK，不慣繁体可能扣分很多，

早日正規學校，早習慣，再考慮要不要轉校插班，因如在弱校考前，比強校考後有利，就算到9月插入强一强校，原校幾年升中好也是好選擇

karen55407

中、數淺會無心機？正面看可能會有滿足感呢！

little_yolky

bonnieok 發表於 16-1-8 08:08
好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提 ...

1. 英國文化協會適合想慢慢浸, 你小朋友要急急補, 唔合適。
2. 想新學年(9/2016)插小四, 都係3-5月同學校報插班, 所以英文一樣唔過關。
3. 因此, 現階段最好搵教署安排入一間小學讀P3(學校會俾試卷小朋友考, 按程度分班), 下學年升P4。同一時間可以適應小學學習模式, 又出去補英文, 追回差異。反正, 你自己去考插班同教署派的學校唔會有好大差別, 如果小朋友英文程度未達標, 派間B1校佢都讀死佢, 不如慢慢追好過。
4. 不需要擔心TSA問題, 因為TSA唔會影響小朋友成績, 只係學校的成績表, 無問題的。
5. 如果現階段入讀普通一點的二三線學校, 只差英文而中數都好好, 又是勤力好學生, 英文可望一兩年內追回, 反而學校會愛死你, 因為天上掉落嚟一個成績好的, 反而可能有好多發展機會。叫小朋友唔好上堂遊魂, 努力學習就可以了。入到心儀學校都可能追唔上, 出現自卑, 適應問題就要靠你自己了, 配合家校合作, 搵間有愛心, 願意配合的學校才是重點。

教小朋友唔好計較, 要敞開心胸, 唔好死牛一邊頸。慢慢就適應了。你也要多關心(唔係只關心學業), 多跟學校配合。