教育電視不合時宜（任日言）

elbar

教育電視啟播四十多年，是不少香港人的童年學習回憶。政府現時仍然每年撥款約三千萬元予港台製作教育電視節目，港台每年則會製作八十個新的教育電視節目。惟根據資料，去年每所小學平均收看五十二點九個節目，而幼稚園及中學平均只收看三點七個及五點五個節目。更甚的是，本報訪問小學生家長及中學生，普遍質疑教育電視的成效，認為教育電視內容不符課程所需，而這一代學生哥功課繁忙，亦沒有時間收看。

這年頭，不論是小學還是中學，都已深深植入操練文化，中、小學生為了應付全港性系統評估、中學文憑試，無不是三年一小考、六年一大考，學校為了遷就教育制度，課程不得不緊密編排，怎麼可能在課堂上花時間看電視？若叫學生放學後看教育電視，更是離地得可笑，誰不知道現在的學生在學校上完一整天的課後，還要趕往補習，或參加課外活動學一技傍身以應付升學所需，回家後更是學生爭分奪秒做功課的開始。

說到底，現在的教育制度已沒有讓學生輕鬆、有趣味地學習的空間，連針對小三的全港性系統評估的試題都艱深刁鑽，被指內容較一般學校課程淺的教育電視，又哪有「用武之地」﹖如果將教育電視改為「教育學生如何解答試題電視」，或許還會受到家長、學生的垂青。


任日言 傳媒人

召藥師

我諗我會係異類

我自己由細睇etv睇到大，唔止係學校睇，而係放學 (當時仲係分上、下午校)都會邊睇邊做功課，當年冇乜其他娛樂，我幾姐弟仲會八卦睇埋高年班etv，等自己識多d嘢

到我仔女出世後，互聯網普及，少睇電視而改用電腦上網，我都仲有搵etv比仔女睇，去教育城搵學前教育etv (仲有點蟲蟲節目)，佢地睇得好開心，重播到識背咁滯，到上小學，就比佢地程度嘅來睇，到而家大仔係中學生而個女係高小生，佢地邊方面弱，我都會搵資源比佢地睇

etv 係有存在價值，問題係應該放0係邊個平台比公眾睇 (一定要學校播先有用?)，同埋成本控制

我都唔知幾想比番以前我細個時睇嘅中、英文etv比仔女睇，但都唔知可以邊度搵，變成童年回憶