德寶教育機構推卸責任

p_s_penny

本人大囡就讀黃埔花園2期德寶中英文幼稚園k3，今年八月開學派發通告通知家長招收來年k1,其中一句內容係「凡本園學生之弟妹及親友，將予優先取錄」，當時報名亦問過職員，副校，主任，比到我嘅答案都是冇問題，有家姐讀緊，會收番，以往都係咁做.
到面見日，之後送返學，放學，都會間中問下收生結果，主任，副校等人都叫我唔使擔心，冇問題，結果24日，我收到的信不是有學位的信，而是一封waiting信. 即日致電回校問原因，學校不敢接我電話解釋，話冇老師係學校，（當日我地見過副校係學校附近）
到28日，29日原來有2個家長同我情況一樣，都是收到waiting信，打返去同去學校問，答案係由於太多人報讀，比唔到學位我地，叫我地去搵第二間學校

於是我打去教育局及區議員投訴，校長將所有責任推比老師們，話唔知點解佢地咁答家長，口頭答我地冇問題係唔能作準，一切以發出確認信為準
另校長解釋「優先取錄」意思不是必收，而是當有2個學生要佢選擇，家姐阿哥係度讀嗰d先叫優先

我及另外2位家長都因為學校呢張通告及老師們的答案，而冇報其他學校，錯過哂所有學校招生嘅機會，佢地仲叫我地去搵其他學校，好肯定咁答我地連過完統一註冊日都好難比到位我地

究竟作為家長嘅我們，錯在那裏？
希望各位家長慎重考慮仔女應否在這裏學習？

現附上當日發出的通告

15-12-31 23:21 上傳

下載附件 (31.91 KB)

doggy2013

原帖由 Felix223 於 16-03-18 發表
我都是路過, 其實我自己小朋友都是讀德寶7期. 小朋友非常喜歡呢間學校, 校長, 老師, 教職員都好好, 有愛心. ...

7期真係唔錯

cheung2013

黃埔有學券的德寶行政真是幾混亂，我囡上年報考k1，但封reject 信是寫reject n 班

Felix223

我都是路過, 其實我自己小朋友都是讀德寶7期. 小朋友非常喜歡呢間學校, 校長, 老師, 教職員都好好, 有愛心. 相信樓主自己冷靜點, "優先取錄"都不是必收, 公道說, 不論因為什麼原因都好, "優先取錄"  都包括埋7 & 9 期的PG班的學生 - 即N班小朋友. 其實身為家長, 好多時一日未確實有留位費交了, 都要做好兩手準備. 何況紅磡黃埔區要有學劵的OK 幼稚園更少之又少.
將來還有為小朋友找小學, 中學..呢D情況, 出面都時有發生,真的不要太腦定.

p_s_penny

已證實因為9期德寶校舍冇得續租，佢地做埋今年7月。將現有學生分別轉去7期同2期校舍。因只有2期係有學卷，7期同9期都係冇學卷，所以佢地就將我地今年所有報讀2期有學卷的申請者全部不被取錄，收哂明天7期同9期由n班升上去k1嘅學生。如果學校有咁嘅打算點解唔早d出聲，要咁玩我地呢班家長？

bboo1

bee84 發表於 16-1-5 23:04
我當然是用家先咁講事實啦， 我在校都感受過d 教職員態度， 事情係點就不便講，因我小朋友還在讀，而我已決 ...

你都決定幫小朋友轉校, 學校係點,已明白鳥. 見到呢d學校,面一套,底一套, 甚為討厭. 做教育做到咁....唉. 難為了家長, 椅都未坐暖,又要轉. 希望有影響既家長儘快找到學校

bee84

原帖由 bboo1 於 16-01-05 發表
即係你宜家係用家啦, 甘你最清楚係什麼一回事喇

我當然是用家先咁講事實啦， 我在校都感受過d 教職員態度， 事情係點就不便講，因我小朋友還在讀，而我已決定幫小朋友轉校。
就樓主今次事件所以我會明白校方出爾反爾嘅不當， 雖然沒有準則校方全錯，但佢地係有責任。
我不是全覺樓主沒錯， 只不過我覺得佢都係信任一間學校嘅通告，信任教職員嘅口頭承諾， 即是說話不能當真，白紙黑字都唔係全信任。

bee84

bboo1

guguned13 發表於 16-1-5 20:49
咁學校出張優先取錄通告把鬼咩？一係就加返句，收生準則以學生表現為先啦！



  ...

貝珠

原帖由 guguned13 於 16-01-05 發表
咁學校出張優先取錄通告把鬼咩？一係就加返句，收生準則以學生表現為先啦！



  ...

Agree.

oolong817

回覆 p_s_penny 的帖子

威X 都係差唔多,谷鬼氣

guguned13

咁學校出張優先取錄通告把鬼咩？一係就加返句，收生準則以學生表現為先啦！

fionwuwu

不能同意更多，可惜硬是有些家長偏執地咬定學校全錯。這次是一個好好的經驗，希望樓主能吸收

Char_Mom

原帖由 tinydumbo 於 16-01-05 發表
整件事關乎溝通上家校出現的問題。
通告上的字眼，的確容易誤導，但注意「優先取錄」不等同「必被取錄」， ...

同意... 有點「反轉豬肚」的感覺⋯⋯

bboo1

bee84 發表於 16-1-5 14:16
仲有，呢個校長試任到現在都唔知有冇5次比我係學校見到佢

即係你宜家係用家啦, 甘你最清楚係什麼一回事喇

tinydumbo

整件事關乎溝通上家校出現的問題。
通告上的字眼，的確容易誤導，但注意「優先取錄」不等同「必被取錄」，應考家長卻永遠不會知道背後取錄的標準，亦不要忘記被取錄之先必須經過面試。樓主的信件是列作「備取生」而非「拒取生」，故此起初絕不應視作不被取錄。
當然，若樓主所述屬實，不排除是校方個別職員出現口頭誠信的問題。
話雖如此，樓主開始時已向多方投訴，將事情鬧大，做法並不理智，亦不鼓吹，雙方執持，會令事情弄得更糟，不可收復，亦只會令人聯想到麻煩家長。另，樓主在留言版上呼籲其他家長們慎重考慮子女在這裡學習，確是有點失言的。個別的行政失當不能與學校課程與教學掛鉤，且可有考慮其他家長與學生的感受？再講德寶又有多間分校，不能就單一事件一概而論。個人認為樓主最錯是做了上述兩件事。
實際上在現今的香港，時下家長報考幼稚園都不會放心獨守一間，儘管靠人事、兄姊也不一定取錄，世上豈有百分百保證的事？很多家長報考學校都是用血汗換來的，當初想法太單純，就當上了寶貴的一課。
最後，祝你找到合適的學校！

Char_Mom

其實樓主有否檢討一下唔收細囡的原因？

bee84

2期呢間有學劵，同7期果間無學劵，兩間我小朋友都有讀過， 我自己都覺得兩間老師質素都唔同，7期係睇得出用個心的，2期係表面嘢…

bee84

啱呀，優先不是必收， 起碼有7，8成呱? 就是家長們對學校通告嘅信心覺得收嘅機會大d, 再加副校，主任，老師嘅口頭，唔係一位，係個個都答無問題，咁樓主先老定d 姐， 我又覺得樓主唔係錯囉～