對蘇浙小學既感想/分析及歷年中一派位分享, 希望幫到大家.

大媽爸爸

作為小朋友係蘇小畢業既家長，都想為蘇小寫返幾隻字，希望幫到小朋友想入讀蘇小既家長。
以下只係根據我小朋友由N班讀到小六既經驗而寫，如有偏差請見諒：

• 教學模式
  傳統教學，著重語文能力，全普通話(除英文科外)教學，學校有兩名全職英語老師，每天最少有一堂英語課。
  

• 合適既功課量
  功課每日有5樣左右，但因為有功課堂的原故，所以大部份都可以在學校完成。
  
  
• 有道理既考、測、默
  真係差不多每星期都有各科的考、測、默，但亦因為密，所以每次既範圍都比較細，都唔難應付。
  

• 冇壓力下既TSA
  大家呢排好關心既TSA，好好彩，可能由於蘇小係私小既關係，所以由教育局既壓力近乎冇，我地只係見過小朋友做過一本TSA練習作家課，我地亦幾乎冇買過練習比小朋友做。
  
  
• 意想不到既派位結果
  升中成績亦係出奇咁好，參考過去幾年既派位，我估計派到Band1/2/3中學既比例係大約係6:3:1。
  令外，蘇小係冇直屬中學既，就連同一辦學團體既寶馬山蘇浙公學，都唔係真屬中學，不過講真直入都未必會讀。
  
  
• 聽/講 普通話/英文 "語境"
  關於"語境"有我小朋友未入讀前想像唔到既好處，我地當年選蘇小都係因為佢用全普通話(除英文科外)教學，本來只希望為小朋友打好普通話既語言基礎，但原來好多外國(瑞士/德國/英國/美國都有)公司派黎香港工作既父母(以我既小朋友為例，由K班至小三有半班同學有呢個背景，有小部份既家長係兩位都唔識中文既)都一樣有呢個想法，係咁既情況下，除上課時用普通話，好多時小朋友既溝通語言就係英文，變相聽/講英文既機會就大大提升。出黎既結果就係相對其他小學生，冇論普通話/英文既聽/講機會同能力都有一定水平，呢點係我地意想不到既。
  
  
• 轉校的傳言
  班裡係會有同學因蘇小相對注重中文背誦未能適應而轉校，但真係小數而且唔係因為成績差。
  其實小四之後，可能小朋友穫得能以普通話作溝通語言既能力，中文亦開始比較深，對於非本地/中國既學生係比較吃力，好多"外籍"父母就會將小朋友轉讀國際學校，或回流祖家，當然亦有到外地升學既學生。
  
  
• 極大改善空間既校舍設施
  由於校舍比較細同已有超過50年歷史，校舍環境及設施真係同其他小學相差太遠，連一個正式既籃球場都冇。
  
  
• 偏向的校外活動
  比較小校外活動、冇辦任何遊學旅團。亦由於校舍冇正式球場或泳池，都唔太鼓勵學生參加校外體育比賽。
  反而有積極參與中英文朗誦及舞蹈比賽，而且穫得相當多既獎項。
  

   附加：蘇小2012至2015年中一派位結果(數據由互聯網穫得作出統計)

wittymom

fokmm 發表於 17-8-20 12:37
這個topic很有用，謝謝大家用心分享，讓我們這種插班的同學沒那麼忐忑。不是怕他派位不夠好，而是對功課多 ...

請問你小朋友是插哪年级？

fokmm

這個topic很有用，謝謝大家用心分享，讓我們這種插班的同學沒那麼忐忑。不是怕他派位不夠好，而是對功課多和老師嚴的擔心，怕不知道怎樣幫小朋友適應和過渡

sosolan0

Joehkm 發表於 17-5-31 00:58
我女兒是2015/2016小一的，只有四班，何來五班？四班本地是fix的，其餘是國際班吧。本地班由四班一路升到小 ...

有五班呀 ABCDE

Joehkm

我女兒是2015/2016小一的，只有四班，何來五班？四班本地是fix的，其餘是國際班吧。本地班由四班一路升到小六都是四班，但每班人數會有多有少，二年級開始會有外來插班，也有成績好的轉到一條龍小學，也有的轉到國際部或外國繼續升學。小一基本每班有三十至三十五人。

Joehkm

我女兒是2015/2016小一的，只有四班，何來五班？四班本地是fix的，其餘是國際班吧。本地班由四班一路升到小六都是四班，但每班人數會有多有少，二年級開始會有外來插班，也有成績好的轉到一條龍小學，也有的轉到國際部或外國繼續升學。小一基本每班有三十至三十五人。

tell-me-y

mymelody0701 發表於 16-12-9 12:37
請問有冇16年中學派位成績？

yes. want to know too !

mymelody0701

請問有冇16年中學派位成績？

千語mami

原帖由 大媽爸爸 於 16-11-21 發表
東區校網, 除左派東區中學, 亦有小量其他區中學既學額架, 詳情可上返教育局睇

香港第三網（ 港 島 東 區  ...

之前有人答了我，但都多謝你的資料

大媽爸爸

千語mami 發表於 16-11-6 18:47
想問吓蘇小升中，見到每年都有兩三個去皇仁，但明明唔同區，係點派入去的呢？。請指教



  ...

東區校網, 除左派東區中學, 亦有小量其他區中學既學額架, 詳情可上返教育局睇

香港第三網（ 港 島 東 區 （ 港 島 東 區 港 島 東 區 ）

ysmhkg

千語mami 發表於 16-11-6 18:47
想問吓蘇小升中，見到每年都有兩三個去皇仁，但明明唔同區，係點派入去的呢？。請指教



  ...

當然係自行派位入去個嘛！

gyleung

我都同意樓主講法, 我小孩也是在蘇小. 從N到現在.
雖然好像每星期都有測/默, 但每次範圍不大,可幫小朋友溫習, 到考試時無咁辛苦.
蘇小老師比較嚴和惡, 這點有點難以適應.

千語mami

想問吓蘇小升中，見到每年都有兩三個去皇仁，但明明唔同區，係點派入去的呢？。請指教

bjtower2

今年小三喇！明顯小测默書再密些，會有背默，但功課不多，2-4款功課，多數在學校功課堂做完的。每晚都有玩的時間，温習只是用好少時間，到考試都係温他平時錯的地方已可以，因測驗默書是幫他們預備考試的。

yyetgohome

alisonswchan 發表於 16-11-1 12:05
我小朋友現在是小一, 我平日放工回到家已經約8:00PM, 小朋友一般在校已完成95%的功課, 但是還須檢查一下,  ...

thanks v m

alisonswchan

yyetgohome 發表於 16-10-29 14:51
那平日晚上要不要用很多時間溫書加做功課?
小朋友要不要再係外面補習?

我小朋友現在是小一, 我平日放工回到家已經約8:00PM, 小朋友一般在校已完成95%的功課, 但是還須檢查一下, 因為默書, 小測, 速測, 大測....太密(但範圍很細), 所以我已經麻木了, 沒有特別在晚上溫習, 但小朋友成績我覚得還可以.

至於補習, 我小朋友英文一般, 我堅持星期六要去補一節英文, 星期日只玩讓小朋友閞心一下！

yyetgohome

bjtower2 發表於 16-9-6 11:39
回覆 bbcoco2 的帖子

For my son, he doesnt need to spend much times to prepare dictation and test ev ...

那平日晚上要不要用很多時間溫書加做功課?
小朋友要不要再係外面補習?

nononemo

谢谢用心的总结和分享

ppgal_mama

謝謝分享！

Sleepy_sleepy

原帖由 bjtower2 於 16-09-06 發表
回覆 Sleepy_sleepy 的帖子

會的

謝謝！實在太好了，如知有offer就不用再去其他學校interview