【短片】名校生轉校脫胎換骨 做埋傑出學生

elbar

【短片】名校生轉校脫胎換骨　做埋傑出學生

家長千方百計送子女入名校，經精英班篩選，飽受歧視，淪為「籮底橙」。有毅然放棄留在名校的「包尾生」，轉校重拾自信創出好成績，感觸流淚立志明年考上大學，期望做個有教無類的好老師，扶持資質不一的學生發展潛能。

調景嶺匯知中學中六生梁蘊婷就讀官立小學時成績優異，升讀Band1英中名校精英班，全級190人排名跌至150。她和被淘汰出精英班的同學，被老師惡言責罵「別想考上大學的籮底橙、廢人、垃圾」。她的自信心大不如前，面對沉重壓力感到前途迷茫，因家人不理解致關係惡化。

蘊婷說，就讀的Band1英中只管催谷精英班學生，提高大學入讀率，保持名校的知名度，只有精英學生才可代表學校參加校外活動。校內老師為交出好成績，放棄成績落後的學生，扼殺他們發揮潛質的機會。名校老師會覺得學生「死都要留喺名校，就算成績包尾，都係名校出嚟」。

蘊婷想到既然名校窒礙自己發揮潛質的機會，於是不管家人反對，經同學介紹轉到調景嶺匯知中學，得到老師與同學的認同，中五成績全級名列第3，重拾自信，恢復考大學的信心，期望將來做個有教無類的好老師。蘊婷入讀名校的經歷讓母親深明成績其次，個人性格、品德、學習態度放首位。她不想小女兒重蹈覆轍，故打消送小女兒讀名校的念頭。

從港島名校轉讀匯知中學的邱子奇指，就讀名校的同學非富則貴，清貧學生飽受歧視，校方認為他才是問題學生，要他接受社工輔導。轉校後感到老師樂於幫助他重建自信。

該校每年中四班招收約60名校外插班生，有一半是名校生。校長張志文說，收生準則是要真正幫助學生，不會限定某些學生才能參與交流團或遊學團；不同英文程度的學生均可參加英語話劇團，目的是提升其學習興趣與自信心。

samsam123321

教育都係做生意咁。

cow

個Facebook有講邊間，地區名校，曾是中中。

happy+

原帖由 www 於 15-11-28 發表
沙中線興建中車站有不少：顯徑、啟德、土瓜灣、馬頭圍、何文田。

可否俾多一些hints，否則點估係邊一間名 ...

我對九龍band1學校都唔係好熟識，所以我都估唔到。佢另一hint係一間男女校。

www

happy+ 發表於 15-11-28 21:08
那位模範生既舊同學話她之前所讀的所謂名名校：位置係沙中線某興建中車站附近，我只係知道band 1學校唔等於名校。大家估唔估到係邊間？仲有佢提到在訪問中，梁同學講左好多大話 ...

沙中線興建中車站有不少：顯徑、啟德、土瓜灣、馬頭圍、何文田。

可否俾多一些hints，否則點估係邊一間名校呢？

happy+

那位模範生既舊同學話她之前所讀的所謂名名校：位置係沙中線某興建中車站附近，我只係知道band 1學校唔等於名校。大家估唔估到係邊間？仲有佢提到在訪問中，梁同學講左好多大話

RelaxHippo

去名校Secrets FB page睇有關呢篇"報導"既posts, 有有關學生既舊校同學留言, 大家多一個參考.

https://www.facebook.com/schools.secrets/?fref=ts

RoseRose1980

www 發表於 15-11-28 17:25
苦主亦可能因「讀書時日日化粧返學，又逃學去拍拖，出席率少于一半，所以被迫留班。」

...

你用可能這两個字好似誤導人個女學生係壞份子喎,點解要攻擊嗰個女仔?

Soundervolt

原帖由 www 於 15-11-28 發表
苦主亦可能因「讀書時日日化粧返學，又逃學去拍拖，出席率少于一半，所以被迫留班。」

...

可能係...就算成績OK，但出席率少於一半，或操行C grade，B2學校都會避之則吉。

www

Soundervolt 發表於 15-11-28 17:16
報導只係話「名校」，實際上係唔係B1學校真係無從稽考，而且苦主就算入到B1學校可以成績愈來愈差，最後去到B3成績呢 ...

苦主亦可能因「讀書時日日化粧返學，又逃學去拍拖，出席率少于一半，所以被迫留班。」

Soundervolt

原帖由 www 於 15-11-28 發表
本帖最後由 www 於 15-11-28 16:31 編輯

報導只係話「名校」，實際上係唔係B1學校真係無從稽考，而且苦主就算入到B1學校可以成績愈來愈差，最後去到B3成績呢....

www

Soundervolt 發表於 15-11-28 13:41
我諗閣下真係認為佢口中嘅「名校」係一間Band1A學校。

即使是讀Band 1B/1C「名校」的學生，若不適應，也可轉校至 Band 2A/2B/2C 學校，沒有必要轉去那些「入大學率對於佢地嚟講會比較奢侈」的 Band 3 直資。

Soundervolt

原帖由 www 於 15-11-28 發表
本帖最後由 www 於 15-11-28 13:31 編輯

我諗閣下真係認為佢口中嘅「名校」係一間Band1A學校。

www

Soundervolt 發表於 15-11-28 13:23
讀得Band3學校已經不是求分數。家長只係希望子女可以攞返啲自信心同唔好學壞。入大學率呢啲數據對於佢地嚟講會比較奢侈。 ...

如果是Band 1A名校生，讀唔上或不適應，可以轉 Band 1B/1C，甚至Band 2學校，沒有必要轉去那些「入大學率對於佢地嚟講會比較奢侈」的 Band 3 直資。

Soundervolt

原帖由 www 於 15-11-28 發表
Band 3B-3C.

網友根據匯x學校報告的分析：「報導內表示每年中四收了 60 名校外插班生，有一半是名校生。正 ...

讀得Band3學校已經不是求分數。家長只係希望子女可以攞返啲自信心同唔好學壞。入大學率呢啲數據對於佢地嚟講會比較奢侈。

www

lovelyec 發表於 15-11-27 17:02
匯知係一線尾, 二線頭??

Band 3B-3C.

網友根據匯x學校報告的分析：「報導內表示每年中四收了 60 名校外插班生，有一半是名校生。正常好好的一間學校何來這麼多位收 60 位校外插班生？2015 年入讀本地大學課程的比例是 8.2%，上年中六學生有 184 人，即是 15 人讀本地大學課程。」

約124個原校學生，加60個中四插班生（約30個來自名校），結果15人考人「本地大學課程」(不等於UGC資助學士學位)。。。

happy+

有人喺fb爆料話嗰個模範學生喺名校讀書時日日化粧返學，又逃學去拍拖，出席率少于一半，所以被迫留班。

Band5

啲唔係名校嘅學生同家長，都好多鍾意睇呢啲新聞，當然要市場啦！

利申：我阿女阿仔讀果間唔知算唔算名校，只知道果10招都冇用過！

Emilyeee

出一篇'新聞'威力大過100篇廣告。