2歲9個月，請教有關過度活躍？

cameo

剛今個月去左政府做言語評估、認知評估，結果都係比同年齡慢。
但我問有關其他情緒問題，政府醫生話呢個年齡未知。

我有懷疑亦有擔心！

阿仔係遲「開口」，健康院評估言語不合格，咁9月中開始返pg，進度明顯快、當時由少量詞語，2個月時間可講到短句「xx（自己名）腳腳痛呀。」「thank you miss lau。」

行為由細都脾氣大，遇到不滿就失控，會掟野、打人、瞓地⋯⋯
但亦因為呢2個月返pg後說話理解到，開始可簡單溝通（聽得明冷靜、等待），失控次數大減。

因為將應乎K1面試，所以每日同佢會坐定定大約20分鐘模擬面試，過程ok嘅，基本對答及task做到。

暫時返pg冇被投訴，每星期返5日，每日2.5小時，冇被投訴，反被讚合作、乖！

問題係，我要時刻𥄫到實，叫住佢咁，佢好好精力，睇網上資料好多病徵都中曬！睇少眼就搞事，周圍撞周圍跑，d野玩幾玩就掃落地，掟野落街，一發脾氣就失控⋯⋯

其實有冇更多仔細嘅情況可作參考？現階段我有咩可以做？因阿仔要曳時曳到失常，但乖時亦乖到離譜（佢對慣常指令，如執玩具可做得好好）

thx

wan_sosin

三歲唔夠，正常係要大人睇到實，唔可以就話係ADHD,加上可以坐到20分鐘，PG又返到，老師又無投訴，呢個年紀難肯定是否ADHD,因為專注力尚在發展中，繼續觀察吧，跟進其他方面時，跟相關專家再多溝通下行為問題，就算真係相當明顯的ADHD,都要4,5歲先睇到，普通的要過6歲才能確診。