請教孩子幾年班不用跟功課、默書、測考？

blee427

我由小學開始就只點齊有無做齊, 唔對答案. 唔識就問. 只求唔欠交. 改正重做自負盈虧. 默書測考, 小六呈二後佢要求自己溫. 唔要我理. 而家中一默書都90分以上.

kp_sin2001

tinaleung 發表於 15-11-22 22:59
請問小四重大改變，姐係邊方面？謝謝

個人性格會轉變, 即係已開始有個人思想, 唔係你話點就點, , 自尊心會比以前強大咗一點, 加上學習上多咗很多思考題目, 絶對靠小孩本身理解能力, 所以初小時絶對需要學習不能依賴 (終於明白老師所講的說話)

tinaleung

原帖由 kp_sin2001 於 15-11-18 發表
我都係雙識, 亦係我全權負責所有, 重要係仔, 成績中上左右, 我可以肯定話你聽, 錯漏你如何吵鬧, 問題係會依 ...

請問小四重大改變，姐係邊方面？謝謝

紫蘿蘭

原帖由 cstchan 於 15-11-19 發表
本帖最後由 cstchan 於 15-11-19 12:58 編輯

德國老師禁止父母親做的五件事 http://www.ohmykids.org/20 ...

我兩公婆衣家都係咁。

紫蘿蘭

原帖由 ailimama 於 15-11-18 發表
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

佢改完又錯? 咁即係點解錯都唔知? 如是，我覺得睇佢改正，解釋俾佢知係需要的。我都係只睇阿仔改正啲乜，了解下佢唔小心定真係唔識。你個仔改完又錯，無人教佢，佢都好無助。個個細路唔同，資質又唔同，父母都要自己摸索下點教。有啲細路一早已唔駛跟，有啲係需要時間的。俾啲時間大家啦!我仔去到小四先無咁勞氣咋。

little_yolky

cstchan 發表於 15-11-19 12:53
德國老師禁止父母親做的五件事 http://www.ohmykids.org/2015/10/ ... %E4%BB%B6%E4%BA%8B/

大家擔心的話 ...

是的, 我大女兒小一時, 我就是等她睡著了才幫她檢查, 然後兩星期過後發現她可以應付, 就完全不檢查了, 間中有甩漏, 我完全接受。所以輕輕鬆鬆到小三。

不過, 這個應該係因人而異, 如果小朋友甩漏太多, 家長都適宜慢慢放手, 而非一下子丟佢出公海的。

cstchan

德國老師禁止父母親做的五件事 http://www.ohmykids.org/2015/10/ ... %E4%BB%B6%E4%BA%8B/

大家擔心的話，可以在孩子睡著後才檢查他的功課，知道他的進度，然後在平日生活中幫助他們。例如發現孩子的加減數不大好，上街買東西時請他們幫忙計數，多訓練他們。

孩子要學會學習，為自己的行為負責，才是終身受用。

教人捕魚，比送魚給人，更能幫助人。

little_yolky

bobbob 發表於 15-11-19 08:57
我仔學校又係好少功課，所以從來唔洗我跟，除咗中默（都係幫佢默2次，佢自己對答案），其他如英默或評估都 ...

但係我間真係堅多測考默
小一：中英每學期各4默, 中英數4測2考, 全部計入名次分
小二：以上同, 但數學係6測2考

jade_h

我仔小一，同樓主小朋友一樣錯字多，仲要係比個正確字對住，佢都找不出錯在哪裡。我試過特登唔提佢有錯字，發現給老師改過的字，他會有較深刻的印象。有時即場要他寫回正確的字，他好快又唔記得。所以我也在學習放手多D,等佢錯。不過默書就好難放手，因為我家小孩不懂得用一些方法記字(如：拆字法、圖象記憶)，所以要教他。

我有時都為教功課而發忟噌，但冷靜下來，想想搞到親子關係差左，是得不償失的，所以現在盡量忍手唔捉錯處，多D讚賞。

希望大家的小朋友都可以好快學識自立﹗

marcuscyrus

原帖由 ailimama 於 15-11-18 發表
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

我細仔都小二，講真係唔會完全放手，適當指導仍然需要，功課要自己做同執好，我會在啲仔訓左時望下有冇大錯，如有，可能佢唔明，就及早跟進，但當刻唔會叫佢改，搵機會教返佢才等派回來改正。測默考自己溫完我會抽問，咁佢地就知邊啲未夠熟咁咪再溫。大仔小四，現在好啲，唔明會問，咁我唔睇佢功課了，默書可以放，測考仍會抽問。

MrBeast

little_yolky 發表於 15-11-19 08:41
小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽 ...

當然係so先會中招la，有冇試過一二折清倉時買左好多呢世都唔會用d野返屋企呢？
你句金句我都有用ar

bobbob

little_yolky 發表於 15-11-19 08:41
小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽 ...

我仔學校又係好少功課，所以從來唔洗我跟，除咗中默（都係幫佢默2次，佢自己對答案），其他如英默或評估都無幫過溫書（好多時直頭無溫過去打天才波）。不過仍然有家長呻話多功課多默測，放咗工仲要督住個小朋友做個幾鐘功課同溫習，原來同班同學取態都可以好varied。

little_yolky

MrBeast 發表於 15-11-19 06:04
放手時間表要doc身諚做，我從小二開始已想，進度很慢，除了性格較依lai，至少都要合格升班，今年開學默書試 ...

小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽媽細個時都無你咁叻啊。

MrBeast

另外其他網友提供的認字方法也可試試。初小要增加大量詞彙不易，有錯別字在所難免，亦要多些關心孩子

MrBeast

ailimama 發表於 15-11-18 10:17
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

放手時間表要doc身諚做，我從小二開始已想，進度很慢，除了性格較依lai，至少都要合格升班，今年開學默書試過一次，disaster!  不過最重要係佢要明白讀書係佢責任，老師罰佢唔係罰我，有2建議：
1）一起定時間表，做完一樣工課可以小休say 10 mins，如工作上許可就打電話搖控
2）讚works much better than鬧，praise the effort，找一些亮點，給他成功經驗，小朋友好單純，豬肉獎都會好開心。有句金句希望幫到：爸媽知你一定做到

Bigpig_2007

其實學習真係因人而異， 特別小學階段，男生真係一般比女孩子慢.....  
我覺得你應該細心留意小朋友， 點解學習態度差？ 如果係因為佢覺得功課太多？ 功課太難？ 或者無目的....？你就要用方法鼓勵! 留意他喜歡什麼， 為他訂立目標，獎勵自己， 久而久之，當佢找到成功感，自然會更努力 ！
至於學習問題， 各科都有自己難處， 我仔小二， 我都會從旁教導他讀書方法，如何理解，但對於自理學習問題，就一定要諗計要佢學，加油！

conniecheung

我兩女分別 小三，小一 ，我未敢放手，她們仲係細，有家長從旁教導和幫忙很重要！

我小學時，父母讀書少，想教我但有心冇力……
我現在會想，假設他們當時可以在學業上教導我、指導我… 感覺多好。

lovebunny

Masaya講得啱，如果學校平時功課唔計分，我地可以大膽d放下手睇下佢究竟可唔可以自己handle.

另想補充，我放左手佢功課果part, 令我可以集中注意力响同佢睇課外書果度，這對我黎講會心情愉快d。

lovebunny

我女現在小一，個人比較定，而且有好多字佢認到(如果佢認字唔多其實都好難放晒手佢自己做)，於是我開學後引導左佢一個月點樣做功課，點樣執書包，跟住就到佢自己黎。開頭佢都唔想，怨左一輪，我同佢講宜家你攞到既excellent分數係屬於我，如果你自己做都攞到excellent呢個分數先屬於你，跟住就開始進行，so far都順利，而之前監督住佢做功課而發生既爭執都少左好多，我又可以煮飯做家務。開頭果幾晚會偷偷睇下佢交唔交齊，有無錯得好離譜，之後覺得無咩問題，就無再日日睇，只是週未望下，而且佢錯我亦唔會提佢，你要忍得到呢樣野。我覺得由老師改佢會入腦d。至於溫書我覺得佢未掌握到技巧，所以我測驗前有同佢溫。

不過我覺得每人有佢自己既進度、性格，如果未得都勉強唔黎，你又可以試下一步一步來，俾d獎勵佢。