其實我有冇做錯呢!! 大家比啲意見呀 (有啲長)

哈利媽

小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), 然後比佢自由活動(玩同睇電視都可以), 而大家都一齊做咗個時間表, 佢係應承可以做嘅.     
可惜, 頭2年直至依家都係係失敗嘅.......每日佢仍然唔會主動開始做, 而選擇冇所事事咁攪一輪 (但呢段時間我講明唔可以玩玩具同睇電視), 等到婆婆嚟不停叫或收到我電話不停提佢先開功做功課, 雖然.....佢每日最終都可以7pm前做完, 但佢又覺得自己冇得玩同睇電視而唔開心.....另外, 又攪到我每日放工都黑哂面為佢唔自律而勞氣, 成屋氣氛都唔好. 食完飯又唔知攪咩一輪又差不多瞓覺, 其實真係冇咩時間溫習 (只可集中溫默書), 不過佢嘅成績係呢間學校裏係中下, 其實以佢嘅成績同我哋付出嘅努力都算正比, 而我都覺得ok, 可是, 如果要繼續留响呢間學校甚至想原校升中就要再努力啲啦....

昨晚連婆婆都話我, 唔好晚晚返嚟都因為小朋友做功課而勞氣, 是但由佢自己安排, 但係我又真心好想佢有時間玩吓, 咁我應該放寬比佢自由活動完先開工做功課呀..... (可能我自己係超級自律同做嘢有系統型, 我好似有啲過唔到自己心理關口咁), 但長至落去又真係唔係辦法, 大家關係都差咗....

lamlamming

回覆 哈利媽 的帖子

我覺得現在的小朋友係好有主見的,所以你應該以佢心態去諗,同佢講叫佢自己去決定幾點開始做功課,做功課每個小朋友有快有慢,呢個在於果位小朋友做功課時既心態,做家長既唔係要迫佢完成所有功課,唔係要限住佢用幾耐做完及幾點前要做好,應該係要提示佢,話佢知做得快就多D自己既時間,做慢就減少左自己既私人時間,如果唔做既媽媽都幫你唔到,因為老師會將未做好功課既同學,放學後留在課室度做完至比走,甘到時你就見個個同學走哂得返你了,我暫時用呢個方法教緊我小朋友,係OK的,我放工回家睇功課,有錯既我就話佢知,佢堅持唔改的,我就同佢講,無所謂的,媽媽只是提提你,唔改老師明天看到自然就叫你放學改好至比走,甘我叫麻麻使甘早黎接你,費事企响度等你甘耐啦,之佢就自己去改了,我諗教小朋友都係需要用捉心態既方法去對付,每個小朋友性格唔同,所以我講既未必對你小朋友有用,但你可以先留意你小朋友心態性格再去想個適合用响佢身上既方法,最重要係放工後回家要比小朋友感受到你返到黎令佢好開心既感覺,甘佢至會听你講,我仔讀緊K3,我同佢講我放工前你做好功課,甘我返到黎就可以陪你玩,如果未做完,到時咪用呢D時間黎做,佢多數都能夠完成到,亦都試過有一兩次無完成哂,我當時無怪責過佢,只係講唔緊要的,吃完飯後媽媽再睇你做,我不想佢覺得功課是一種負擔是一種壓力,希望你都能夠放鬆,唔好比現在社會既壓力影響到自己對小朋友既態度^^

germainehui

原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成),  ...

我細女今年小二啱啱相反，日日放學趕工咁要快快趣趣完成功課，然後先有得玩，本來咁自律應該係好事，弊在佢太趕工D字寫得超級肉酸，我一放工見到佢手字，忍唔住擦晒佢，叫佢再做過。

sexymami

原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成),  ...

其實你會唔會試下將做功課的責任俾返佢？

佢行為上話左俾你知，佢唔急因為你會急，反正最後一定會完成的，又唔想做,咪拖下囉。

我囡2年級，大約四點先返到屋企。細佬五點會返黎，跟住落樓下會所玩，因為五至六有啲小朋友都會落樓下玩的。

佢清楚明白，如果佢5點前做晒功課，咁五至六就係佢玩的時間，所以，通常都會六點前完成(因為六點前仲有得玩)

但係，萬一佢做唔晒，我返到屋企，會先睇下係咪真係咁多功課，定係佢心散。

有幾次，係因為佢做左一陣眼瞓，瞓左。有幾次，係真係好多功課；又有幾次，係因為心散，話細佬在附近嘈住佢。

我做法係：晚上係食飯沖涼傾偈玩同埋講故事時間。佢做唔完，冇得在晚上繼續做，等佢自己聽日同老師講，欠交囉。

亦因為佢功課做唔完，當晚就冇得傾偈玩講故事，佢只能自己反思己過，好慘咁睇住我同細佬傾偈。而且，我會要佢早啲瞓。佢會眼瞓唔集中通常係前一晚夜左瞓，咁我會同佢分析原因，必需要早啲去瞓覺。但我每次都會同佢講清楚，唔係只係鬧。

我之前見老師時有同佢講過我的做法，希望老師在佢欠交功課時又提點下佢，希望佢明白做功課係佢自己的責任，老師明白亦都會配合的，佢好贊成添！

依家佢每個月都會欠3～4次功課，又會欠帶3～4次書。但我都唔會點鬧佢架。不過會同佢講：今個月共7～8次，唔知下個月會唔會有進步呢？咁佢又會有目標希望做好。

四隻貓

原帖由 muimui812 於 15-11-17 發表
小朋友天生愛玩，好少會自動自覺，家長要狠下心腸訓練。

我那個，雖然升小一時已約法三章，亦用飯後的遊戲 ...

說得很好呀！
上星期跟前輩家長傾計，她也說這類孩子天性如此，唯有不停提點他們，待他們慢慢長大才能改善。她孩子到五年級才開始改善。

little_yolky

哈利媽 發表於 15-11-23 10:42
唉! 做功課同溫習都好鬼勞氣, 最慘係明明之前已經溫咗識嘅嘢,遲兩個星期又要從頭溫一次, 好似失憶咁mouth ...

邊個叫你一次過放, 慢慢一步步放丫嘛。你個keep到兩個禮拜咪好囉, 我果個今日默完聽日又唔記得。

哈利媽

唉! 做功課同溫習都好鬼勞氣, 最慘係明明之前已經溫咗識嘅嘢,遲兩個星期又要從頭溫一次, 好似失憶咁, 我見好多媽咪都話3年級已經放手比佢哋自己溫書, 我嗰個真係未得, 我怕一放手就收老師電話, 話哂佢間學校真係有壓力嘅學校....

little_yolky

annie40 發表於 15-11-19 18:57
回覆 little_yolky 的帖子

無野嘅，一理通，百理明，把良好經驗改個包裝，轉移到溫習和默書上，未嘗不可。 ...

我諗通咗, 你鬧佢又係唔合格, 唔鬧都係唔合格, 費事勞氣了。所以我上次英默, 只同佢溫咗生字同free dictation啲生字就算。佢串生字好快, 但連埋一句就唔識, 所以座底默生字起碼有30分。

rean_chau

我個仔好飄忽，有時好快手，但有時就慢吐吐，我六點半返到屋企只係做得一兩樣。其實都幾扯火架。但有時又真係明白佢有唔識，無信心，失去左做功課既動機。宜家三年級，放手左好多，但都係勞氣，只係自己選擇唔鬧咁多。有時我老公幫手睇功課，我就睇住佢癲，做和事佬。無辦法，唔打唔鬧既教育係需要智慧，我仲未夠。

annie40

回覆 little_yolky 的帖子

無野嘅，一理通，百理明，把良好經驗改個包裝，轉移到溫習和默書上，未嘗不可。

S-Kwok

原帖由 little_yolky 於 15-11-19 發表
你讚我........我真係汗顏.........我家只係做功課時先嘻嘻哈哈...........溫英默就....................:g ...

都唔知幾多家庭唔止温習出事，功課又出事。做功課做到可以嘻嘻哈哈，我諗好多家庭都好羨慕

melonfans

原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成),  ...

星期日早上，我話做完去冒險樂園，佢9秒9自己做完，走得｡平時me me more more, 有時自律

S-Kwok

原帖由 MASAYA 於 15-11-19 發表
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...

內功咁勁

S-Kwok

原帖由 little_yolky 於 15-11-19 發表
我都藤條鋼尺一齊出動架, 不過唔係打佢, 係打枱面, 打到藤條散咗, 鋼尺曲咗。剛開學教溫英默, 我用自己隻手 ...

Good, 咁嘅位都諗到有得讚，真係要向你多多學習

vickichan

我同你相反， 我放學返黎睇電視同玩左先， 之後先做功課…其實細佬仔返左一日學都好悶， 比佢地返屋企輕鬆下

我小朋友坐校車返到屋企3:45 , 跟住睇下卡通食茶點， 約5點幾開始做功課， 6:30 食飯前完成
晚飯後時間黎温書

我小朋友小二， 每日有5-6樣功課， 佢做晒佢想做嘅野， 做功課都願意啲

Jane1983

回覆 MASAYA 的帖子

你講的出發點，可能係核心。識有前輩家長，個女讀好好的女校，初中仲有打，但個女同父母好好感情……

MASAYA

點教都得，唔係為發洩情緒就得，打鬧係為左教小朋友冇問題，係因為自己失控就大問題

wan_sosin

原帖由 IloveJJ 於 15-11-19 發表
我奶奶有3個仔，佢地細個係勁打的，我阿媽有1女3仔，佢係用講同獎的。我覺得每個人每個小孩，都應該用唔同 ...

我同樣覺得，在幼兒期，男仔有時係要打下，女仔就真係大聲D可能已收效！小朋友要在幼兒階段建立到明白父母係家庭中掌權的！過咗呢個時期之後，大咗有自己諗法，就有點難了！輕則唔重視父母教導，嚴重仲會同父母鬥過！
當然有幸運父母，小朋友天生乖巧，認為講道理已經無敵！