好多offer既小朋友有無上面試班？？

Aprilbaby

如題

細芝麻

我囝都有讀3個月，有用程度一半半，都幫助到少少答問題，我都同意樓上幾位話受教型小朋友讀面試班會比較適合，我囝都係受教型，老師講乜佢聽乜。當然有offer 都要靠佢自己努力！

B.BB

原帖由 fatangel1108 於 15-11-17 發表
我反而想知好多offer 既係咪都係大仔?本身都知學校鍾意收大仔，但當知道朋友1月出世答錯學校名都有2nd in,  ...

唔係

Happy_funny

我覺得好睇小孩
1）受教：可選擇上長些，因為會有明顯改善。
2）很有主見/大仔大女：可以上針對性或暑假短期課程，微調個種。

muimuiclor

我覺得整個遊戲係都係睇父母付出多少教小朋友，同埋睇下小朋友性格是否受教型。有D小朋友係乖巧受教，自然教乜吸收乜，表現自然好D。有D小朋友係好有個性亦屬遅成熟，不太合適玩這遊戲。所以一齊平常心吧！

maymay321

你太謙了，我覺得功勞90％歸父母，我地沒有讀面試班，同你一樣花心機教，so far都有幾個二線offers，沒神校，有些仲等緊結果。其實父母都會知道自己小朋友強弱，排卡講故事屋企教就已經可以，first round好多間都以中英數入圍，面試班散下散下，教禮儀，教重組句子，教朗讀，好唔到肉，一星期一、兩堂，其實小朋友好難掌握。

hcd

我覺得有用.

我小朋友年中出世, 絕對不是醒目仔, 但受教.

so far 考所有學校都有2nd / 3rd in / offer. (仲有幾間等放榜)

但唯獨2間神校無 2nd in.

我肯定, 如果無去過面試班, 一定攞吾到而家呢個數量的offer.

不過, 面試班不是仙丹, 上面試班後, 家長一定要follow up, 例如, 面試班老師話我仔講故事弱, 我就去大量搜購排卡講故事的教材, 在家努力操練.

參加面試班之前, K1開始每晚陪讀, 認字.

面試班的好處, 是讓小朋友大致了解面試模式, 讓家長知道小朋友的弱項, 努力改進.

如果想單靠面試班去面試, 跟手攞好多offer, 這個期望並不切實際.

同做生意一樣 : 力不到, 不為財!

boyboobee

我囡囡讀左3個月, 又唔係完全冇用,部份內容真係有提醒到我地一D平時忽略左的細節, 但學術上真係幫助唔大, 但考試模式上有D作用, 因為有D野平時真係冇比佢試過,去過面試班先知而比個女學過先識

superying

原帖由 fatangel1108 於 15-11-17 發表
我反而想知好多offer 既係咪都係大仔?本身都知學校鍾意收大仔，但當知道朋友1月出世答錯學校名都有2nd in,  ...

可能你朋友那大仔其他表現超班呢。如果細仔臨場各方面表現優異，甚至比大仔好，學校也會揀到的，之前都有jm在bk分享。我仔興趣班同學是大仔(11月),九龍塘名幼，starters滿盾，神校無2nd in.

fatangel1108

我反而想知好多offer 既係咪都係大仔?本身都知學校鍾意收大仔，但當知道朋友1月出世答錯學校名都有2nd in, 先想問年齡真係比表現重要?

B.BB

無上過

hoihoima

Aprilbaby 發表於 15-11-16 16:38
如題

我覺得我孩子幼稚園提供的面試班好有用，有用在可以俾孩子一個心理準備，知道大概的面試流程、常見問題類型、常見遊戲玩法、等待時要注意表現等。對於性格內向的孩子，這心理準備尤其重要。不過話說回來，同學間取得offer的數量是非常參差的，就好似佢地在學校的表現一樣參差。我自己的孩子（不是今年考），一個取得offer的數量是另一個的一半。所以其實結果也是很取決於孩子自己，不過我覺得面試班還是有幫助的。

picture

原帖由 retriever 於 15-11-17 發表
回覆 picture 的帖子

個人覺得, 面試班似維他命, 吃左心安, 少少無壞, 太多有副作用.

我都係咁話，太多會有副作用！

從來一次我都會暑假上適量面試班，但K3 九月就停。孩子太攰有反效果。

retriever

回覆 picture 的帖子

個人覺得, 面試班似維他命, 吃左心安, 少少無壞, 太多有副作用.

神校面試歷年都係果D, 真係話埋比係聽都唔一定做到, 小朋友性格, 父母怎樣培養孩子的習慣....


試過去K 觀課, 隨便講個故事, 同小朋友玩遊戲, 都睇到孩子間差別好大...


唔係話識幾多硬知識, 英文講得NATIVE 唔NATIVE 咁簡單.

boyboobee

有Ｄ面試班都會train小朋友合作做task,會每堂提醒小朋友一D必要的禮貌名行為習慣的, 不單只補學術的, 當然父母在報名前要問清楚了

picture

原帖由 Kidultdaddy 於 15-11-17 發表
都係嗰句啦，有用的話，佢地仲唔大鑼大鼓話自己有幾多學生入名校咩。唔使成日係EK過一排就一堆面試帖啦。:h ...

有Dcentre 真係登广告話自己有幾多%入到边間边間。

但老實講，佢話乜都得㗎喇，鬼信佢咩！

picture

原帖由 picture 於 15-11-17 發表
我覺得咁。新派活動教學型學校，例: CKY, HKUGA, WKF面試最少分两關。

First round, group in, 看小朋友在 ...

至於傳統學校例聖保羅男女，不用懷疑考得更全面。

First round, 有多個不同的環節。聽指示將英文字咭分類。要認字，思考。
聽故事，然後在纸上指出答案。要專心聽，有記性，認到字才能答對。
呢种考可以加入品德，數學等不同原素，可以好廣泛！

最後睇電視和玩遊戲，我估未必計分。

考呢种學校，interview 班可能有多少幫助……培養佢留l心听故事。但認字呢項就得靠平日儲落，冇得速成。

Kidultdaddy

都係嗰句啦，有用的話，佢地仲唔大鑼大鼓話自己有幾多學生入名校咩。唔使成日係EK過一排就一堆面試帖啦。

picture

我覺得咁。新派活動教學型學校，例: CKY, HKUGA, WKF面試最少分两關。

First round, group in, 看小朋友在"一同"玩或做tasks 時能否合作。要cooperative N collaborative.  不参與，或不合群，或個人獨大主意者……out.  

通常有CKY n HKUGA second in 的都係 習慣play based learning 的小朋友。

Second round, 考學術。我以前以為，呢類學校要求學術相對低……sorry, 我估錯。又要happy, 又要有業績，唯有揀卒時要求高！

CKY 考現場讀一中一英圖書比老師聽，HKUGA, 考聆聽故事答問題，畫在纸上。呢類考法，考到幾多，幾深，全看作故事和出題人的功力。
WKF second round 就即場story telling 和一對一中英對答。和家長傾计都同日發生。


至於3rd in, 通常都係，小孩子巳確定適合學校，但校長見父母，看看會否怪獸家長，怕將來日日投訴學校太happy, 冇功課，冇野學！


對予target Happy Primary school 的家長，interview class, 幫到你的只是听故事答問題。

First round, 跟本睇小孩性格，冇得用雞精班train.  Second round reading, 更加冇得train.  學校如用自家教材，就更考到小朋友本身能力。

ronniedad

其實如覺得多或有Offer係面試班的功勞，仲駛咩要問咁多，去支持自己去上面試班啫。自己覺得真係有用咪去馬囉，無就跟本直頭帖都唔會出。