portfolio 是否必要及重要?

BCHK

請問各位有經験爸媽, 交入學申請表時,要否付上Portfolio?
我去官校briefing時,講者説不用,甚至説不收; 但我校叫我們先預備。其實基幾乎所有個人資料和附件都會申報在application form内, 真的有沒有必要再夾上portfolio? 學校們得看成千份申請,夾咁多野, 不怕太煩人嗎?
(Also, I am trying to find an excuse for not doing it, I am L-A-Z-Y !)

mcl203

原帖由 yinyuemao 於 15-11-21 發表
另外有一點也比較重要，就係做portfolio的時候最好叫小朋友一起參與，這樣他看到自己的成績會增強信心，也 ...

Portfolio /申請表 裏面既內容，全部都係関於佢個人既資料，填表都可以增強信心 和 更清楚自己發生過既事

yinyuemao

另外有一點也比較重要，就係做portfolio的時候最好叫小朋友一起參與，這樣他看到自己的成績會增強信心，也可以在面試的時候對老師有關portfolio的提問從容對答。

王家爸爸

將小四到小六課外活動獎項分類(上面列出獎項資料，下面係主要証書縮印)，然後係成績表(有啲學校要小四到小六，有啲只要小五到小六)，係前面加上首頁同索引(方便老師睇)，全份用釘書機釘好。個人覺得升中Portfolio，最重要係有系統地整理，唔好有太多花巧，等老師可以好容易搵到主要資料。

sum-yan

原帖由 evacalbee 於 15-11-21 發表
我都想問如果有些比賽參加好幾年又唔同成績, 咁表格上應該點填? 一般學校表格先得5-6行格仔, 淨係填小學參 ...

我們曾經報過的中學全都説同一項目只要填寫一次最好成績和一次最具代表性的比賽(校外)獎項，另加副本（這不是portfolio）。

現今小朋友多有數個課外活動、興趣班和比賽。例如樂器便有機會小學完成8級，如要交每次考grade成績和校際成績甚至有公開賽便十格都不夠，我便1個只填了最高級考琴成績，1個只填校際冠軍成績(因只低琴1級)；又如游泳，我亦只填她們泳總分齡賽的時間成績和學界拿最多金牌的那一年成績，反而校運會雖然有最佳運動員但唔夠代表性無寫，因校隊資料已在小學成績表內列出了，不需另作証明。

基本上四年級以前的無乜作用，除非是已完成或停了不繼續。


你可打電話到校務處，他們會給指引。

洋蔥頭媽咪

原帖由 evacalbee 於 15-11-21 發表
我都想問如果有些比賽參加好幾年又唔同成績, 咁表格上應該點填? 一般學校表格先得5-6行格仔, 淨係填小學參 ...

一般只要填五至六年級，一至四年級唔駛填。

evacalbee

yinyuemao

原帖由 yinyuemao 於 15-11-13 發表
機會永遠係留給有準備的人。上年阿仔升中，我用左幾個月時間將他的各類成績分類整理，搞得清清楚楚，甚至想 ...

我所指的portfolio即係成績/課外活動/獎項以及額外補充的個人資料匯總，其實現在大部分學校都需要用的，因為現在很多學校要求填寫相應的表格，基本概括了各個方面，但是大部分學校還是需要學生提供相應的副本文件以便核對。如果我們家長能夠提供一個清晰明瞭的資料匯總，以便老師順利查尋，這不但是節省了老師的工作時間，同時也是對老師學校的尊重。當然還是那句話：實力才是最重要的，其餘都只是錦上添花罷了。

traeh

原帖由 yinyuemao 於 15-11-13 發表
機會永遠係留給有準備的人。上年阿仔升中，我用左幾個月時間將他的各類成績分類整理，搞得清清楚楚，甚至想 ...

請問根據學校要求，一般已交齊成績表／課外活動／獎項等主要資料，仲有乜嘢在portfolio補充呢？

sum-yan

原帖由 yipsfamily 於 15-11-21 發表
都實說，在這話題上根本唔需要好似對立咁。

既然中學老師包括校長都表達唔需要，甚至係唔收，當然係有他們 ...

勁！非常清晰但又很詳細，兼夠中立。      這多年來在不同地方場合甚至身邊朋友，非常辛苦(不是所有家長都高水平，冇心冒犯的)地做了portfolio但完全用不到，接著便非常失望甚至有幾位沮喪，驚恐交不了portfolio便等同在起跑線輸了。      我便嘗試分享我的經驗和教育界朋友確實不收的事實，不希望家長以為有用便一窩蜂做portfolio。      家長應該清醒基本上官校不收因他們只會安程序安章辦事，津校亦大多不收，B2/3校不說了；直資在面試部份佔分不低，他們會較為基於直接接觸報考生比起家長做的portfolio功課更真實和確信；綜觀有需要portfolio的是神校和私校，但都可從報名表上、校長和校務處得知是否需要。        不應將報幼稚園和報小學時用portfolio的思維用在升中，試想一個2、3歲幼童有甚麼表現？讀畢幼稚園仍只有5、6歲亦不會有真實學術成績，那時portfolio便有些幫助。升中時已有數年學術數據，加上中學用上自家標準格式申請表可填寫多個獎項成就，以及面試等等都給予中學足夠資料作核實比較和挑選，老師們已足夠忙了，為何要做額外的工作？

yipsfamily

原帖由 schumacher 於 15-11-17 發表
現在很多中學唔收是因為唔想增加老師的工作量，尤其係官校。但係當大家成績相若時，就要看你的資料啦，無資 ...

都實說，在這話題上根本唔需要好似對立咁。

既然中學老師包括校長都表達唔需要，甚至係唔收，當然係有他們的立場。再說，剛才講到好一面倒咁，話唔做 portfolio 就冇資料比校方睇咁。。。 正常所交的表格不是已經包含所有資料了嗎？頂多只能說篇幅張數所限，唔夠表達子女有幾勁；但不能帶有誤導性地講到唔做就好似未做齊野咁，請留意番！

至於另一邊既家長，則無視老師校長及過來人既經驗之談，而認為係必要既，或者認為係兩手準備、盡已能又何樂而不為既姿態；亦都係有她們自己的信念與立場。無他既！家長心態，緊張一件事，總係想做到最好甚至超額，最好係人有我有、人冇我亦有！總覺得手上有多一樣野揸手，信心會大一點、機會亦會大一點！

其實大家都冇錯，都係想為自己子女著想，爭取最大機會啫！只不過在表達時，難免想另一方認同己方既睇法，因而在表達的言辭上過於主觀。

我比較喜歡較中立既表達：一般來說，portfolio 係唔需要提交的！因為中一入學申請表已格式化地提交哂所有需要的資料；而此，妳已為子女做哂所有應做的，不必同其他人比較！不過如果妳想額外做一份 portfolio ，期望可能那間學校會看、以圖增加機會，那便做吧！

schumacher

現在很多中學唔收是因為唔想增加老師的工作量，尤其係官校。但係當大家成績相若時，就要看你的資料啦，無資料人地點知你有咩優點；當然大部分都聽話無資料，那他們就好容易撿啦。名校或者直資比較注重學生資料，因為他們需要百裡挑一。所以妳地點解唔想下，中學唔收，但係小學校長無一個話唔使準備portfo的，即使被推返來，都可以作為子女的禮物，對他六年的認可。難道為自己子女在戰場上多準備些彈藥就這麼難嗎？

一生中最愛

聽學校講坐, 校長都講過唔收, 唔好交

schumacher

好多學校雖然講唔使交portfolio，但係你交他們都會照收，同樣都會參考，所以是否需要就自己決定，冇人要求。

小木偶媽咪

未用過，就算叩門都冇用過

wing~

peggy 發表於 15-11-15 14:21
同阿女申請津校／直資時都冇交過portfolio，只是把申請表、奬狀、證書等文件釘埋一齊便交。最後２間直資都 ...

舊年小女都係冇交過portfolio,BAND1學校收左

schumacher

預備定未必會得，但係無預備就萬萬唔得！

kitkit218

預備定,但其實好多學校都唔睇,成績最重要。