其實幼稚園面試收生標準

melodynwy

其實幼稚園面試收生標準係點，我都知間間都唔同概，好似我個女咁，面試時一組6個小朋友，個個小朋友都十問九唔應，包括我個女，我個女淨係見到有禮物先答2句嘢，識講多謝，老師叫佢拍好椅子佢都有做，有俾玩具小朋友玩，咁OK嗎，咁究竟睇D咩呢，仲要600個人爭120個位.....

我想問下如果面試冇一間成功，係咪要等到一月註冊後再去叩門

Luisbaby

我都覺得家長好誇張，自己同阿仔好似好casual！

hippogod

我同阿女講話出去玩
會陪佢一齊玩
佢就會表現得好好
好多幼稚園佈置都好靚
享受過程，欣賞學校環境也是一件樂事

P.S. 以佢咁痴身個性未必過到培正 XD

minibread

我見阿仔要in咁多間都好心痛，所以已經有幾間唔去，又唔揀名幼，如果幾間撞同一日in都只去一間。唔明點解依家D教育制度會變成咁，要小朋友承受不必要壓力

melodynwy

回覆 maomaofafa 的帖子

係啦，我都見到，好慘呀，而家D小朋友真係好慘，所以我唔會迫自己D仔女，我個仔今年12歲升了中一由細到大都無給任何壓力，佢同我地關係好好咩都講，成績就真係麻麻地，其實讀唔到唔一定差，只要佢唔學壞就可以，行行出狀元

到阿女今年考幼稚園，真係見到香港十年的轉變，同阿仔個時真係天淵之別，而家的小朋友真係好辛苦

catjcm

maomaofafa 發表於 15-11-9 19:32
這種家長真的很惡劣。大大聲在別人面前鬧自己的小朋友。小朋友也有自尊心的。他們需要的是安慰和鼓勵，不是 ...

呢d家長只係爭強好胜 佢地想小朋友成功只係為左滿足自己的虛榮心

02413124

回覆 haunani_ye 的帖子

所我知我仔未ready,之後都冇報要自己入，不過到小一時，佢已經克服到啦

haunani_ye

原帖由 02413124 於 15-11-09 發表
回覆 konew720 的帖子

我相反，見到小朋友咁好難過，覺得佢好慘，好內疚。我一出黎已經攬住佢錫佢額頭讚佢 ...

我當日個囝去到門口唔肯入，佢有啲驚，我一路同佢講今日爸爸媽媽陪你黎玩嫁，唔洗驚嫁，我地唔會走，佢入到去一路細細聲話走！我果刻個心痛起黎，問自己點解要令到佢咁細個就咁有壓力，我不自覺流淚😥，但一路正面去鼓勵佢去成熟面對，見到佢放心去做，值得為佢👏

emily_pat

我上星期去in 左今期EK熱話嘅名幼，當時未到學校正式開門，各時段嘅家長就喺校外開始排隊。到大概8:30am,第一批可以入場，老師開始叫8:30時段嘅小朋友同家長入校內準備interview,突然間一個媽媽(8:30時段）怒氣沖沖咁捉住一個男NET 話：the other teacher asks us to go ahead why you ask me to queue up there!?

我諗可能個媽媽覺得比人老點咗(應該之前呢個男NET叫佢跟住排隊)令佢可能會miss 咗個interview所以破口大罵…

咁嘅家長⋯⋯不敢恭維。

notcool

Beside looking at kids' response and behavior,also look at parents and children relationship. Monster parents will likely be rejected

cameo

原帖由 sw_2013 於 15-11-09 發表
上星期六帶囡囡面試時，發現有很多家長的表現令小孩被扣分的 …… 如：老師一對四，小孩坐枱旁，家長坐孩子 ...

你講左我想講嘅⋯⋯
有d家長太緊張小朋友友表現，卻忽略左自己表現！
我冇報名幼，但呢刻根本間間都多人報（唔會知人地係咪只當後備囉，總之人係多），眼見家長有時一句說話又中又英，已經唔啱啦！佢地講野多過個小朋友⋯⋯

02413124

回覆 konew720 的帖子

我相反，見到小朋友咁好難過，覺得佢好慘，好內疚。我一出黎已經攬住佢錫佢額頭讚佢做得好，話佢知唔緊要，有邊部分你已經進步左。(當年去pc,唔肯入去)

SumYausumsum

Agree

maomaofafa

sw_2013 發表於 15-11-9 19:23
我想帶出的是，老師看家長不一定是學歷或背景（雖然也有可能），但家長當表現也是一個重要因素。



  ...

睇學歷就一定，因為自行收生制度，如果家長是名小畢業，小朋友等於直接入咗，收佢就等於收咗個名校生。幫學校整個靚靚portfolio.

maomaofafa

sw_2013 發表於 15-11-9 19:20
上星期六帶囡囡面試時，發現有很多家長的表現令小孩被扣分的 …… 如：老師一對四，小孩坐枱旁，家長坐孩子 ...

不肯放手給小朋友嘗試的家長我係學校也不會收。其實K1真的不應該再提水，一點鼓勵是可以接受的。

maomaofafa

konew720 發表於 15-11-9 19:23
其實我係講緊家長係interview果日既表現。

我遇過既例子：

這種家長真的很惡劣。大大聲在別人面前鬧自己的小朋友。小朋友也有自尊心的。他們需要的是安慰和鼓勵，不是責罵。尤其見過有些很緊張入名幼的家長，直頭鬧「無鬼用呀你」，之後不理睬小朋友。真慘。

sw_2013

我想帶出的是，老師看家長不一定是學歷或背景（雖然也有可能），但家長當表現也是一個重要因素。

konew720

原帖由 SumYausumsum 於 15-11-09 發表
我都覺得會睇埋家長背景+學歷、小朋友既表現只係參考surprised::surpris ...

其實我係講緊家長係interview果日既表現。

我遇過既例子：
1. 小朋友扭計，媽媽大大聲同個小朋友講"唔in啦，你咁差一定唔會收你"
2. In完，一路行一路鬧個小朋友"你頭先點解唔出聲、點解唔做、點解冇反應、你咁樣唔會有學校收你"
仲有無數家長因為小朋友表現唔好而黑面，但真係好少家長會欣賞同鼓勵小朋友。

sw_2013

上星期六帶囡囡面試時，發現有很多家長的表現令小孩被扣分的 …… 如：老師一對四，小孩坐枱旁，家長坐孩子後面，老師拿圖咭逐一問小孩，有些家長很明顯“搶答”，根本連5秒都沒有給孩子思想或回應的時間。
我不是有很多經驗，但遇到差不多情形，我不會直接說出答案，叫小孩跟著你說（當時起碼有兩個家長是這樣），我頂多會暗示小孩。（如：圖中的公仔拿著牙刷在做什麼呀？）

SumYausumsum

我都覺得會睇埋家長背景+學歷、小朋友既表現只係參考surprised::surprised