請港島東家長留意！

chloe_karina

http://hk.on.cc/hk/bkn/cnt/news/20151025/mobile/bkn-20151025220016599-1025_00822_001.html

☝️我家人的不快經歷！

chloe_karina

學校通吿我地都睇左，2個字隱暪事實真相，我地正部署緊下一步法律行動

puffy0305

希望你姪仔早日康復！

puffy0305

yes, 而家呢件事都報紙內容都同同學校通告有D出入

chloe_karina

真珠都冇咁真！佢係我姪仔！

Olympian

回覆 chloe_karina 的帖子

原來真係有好多人只顧校譽，而失去基本的良心﹗

subb

其實有無多張新聞紙報導或有人身人說法, 里份報紙,
內容有幾真, 真係滴汗架 !

我親身感受是，出新聞好似好快，但未查真就出，必是事實全部　！　

明明是同一機構某學校出事，但它就出我小朋友學校名及用了一張超舊學校門口圖來報導，超級誤導　！　

我當時睇都奇怪, 內容同學校通告有D出入,
結果原來是另一間同機構學校, 不是我小朋友的學校 !

其他報紙雖然無咁快, 但出報導是內容真D

conniecheung

對學校有啲失望！

jaycee_mami

好殘忍, 好過份, 隻眼流哂血都唔即時call白車,

將心比心, 你見到自己仔女的眼流緊血, 你都會即刻報警!

little_yolky

Wistaria 發表於 15-10-27 00:54
你間學校做得好呀！希望全港學校的校長老師們，都拿過心出來善待學生，試想那個是你的子女，你會怎樣做呢？ ...

真心覺得就算無咁嚴重, 老師們見到撞爆咗個眼鏡, 見到流血, 正常情況下都一定要去醫院check一check, 點知有無玻璃碎入咗身體的。

Wistaria

原帖由 little_yolky 於 15-10-26 發表
阿女話見過兩次學校有同學仔出事, 一次鯁親魚旦, 一次唔知撞爆邊度, 話阿sir抱住個小朋友飛奔去隔離播道醫 ...

你間學校做得好呀！希望全港學校的校長老師們，都拿過心出來善待學生，試想那個是你的子女，你會怎樣做呢？不要按所謂規則去辦事吧! 連眼球都蓬針，試問做父母那個不傷心! 我明白學校立即送他去到醫院，也改變不了受傷事實，但至少救護車有醫護人員會妥善及專業地照料傷者，可減少一些痛楚。

jane-wang

真是好恐怖，安全在所有家长心目中是第一位，最终也是最基本，保障安全情况下，再谈其它教育

Jane1983

回覆 little_yolky 的帖子

甘先係正路，大家交個細路比學校，安全係第一位。

Yanamami

little_yolky 發表於 15-10-26 17:45
阿女話見過兩次學校有同學仔出事, 一次鯁親魚旦, 一次唔知撞爆邊度, 話阿sir抱住個小朋友飛奔去隔離播道醫 ...

正常做法吖~Play safe好过掉以輕心，有乜事賠唔番个細路俾人~

little_yolky

Jane1983 發表於 15-10-26 08:13
有碎片、要做手術，兼要縫30幾針的意外....個自稱有護士資格的校友話無事，吾使去醫院。好心吾清楚或吾夠料 ...

阿女話見過兩次學校有同學仔出事, 一次鯁親魚旦, 一次唔知撞爆邊度, 話阿sir抱住個小朋友飛奔去隔離播道醫院, 都唔等得家長嚟。好彩學校近醫院啫

shadeslayer

原帖由 Olympian 於 15-10-26 發表
“手術歷時逾4個小時，醫生指偉仔右眼眼球及眼底骨均爆裂、視網膜受損、眼球肌肉受傷、眼皮外面有7至8處傷 ...

香港有D學校係辦學校，唔係辦教育，打份工，無攞個心出來。

Olympian

“手術歷時逾4個小時，醫生指偉仔右眼眼球及眼底骨均爆裂、視網膜受損、眼球肌肉受傷、眼皮外面有7至8處傷口，需為眼球縫上十多針及進行冷凍程序以固定視網膜防止脫落，並為眼皮外各傷口縫上3至4針。” 傷得好嚴重，個手術歷時4個鐘絕對唔係容易做的case。撞到差點盲都話皮外傷！

Olympian

撞爆眼都唔call白車，唔係人。希望冇影響視力，早日康復。

Olympian

【on.cc東網專訊】再有小學生在校內遇到嚴重意外後，校方無即時通知家長、無召白車及無報警，離譜「三無」事件再次重演！一名小六男生於今年7月中旬，在其當時就讀的香港中國婦女會丘佐榮學校內發生「撞爆右眼」嚴重意外，纖維鏡片插穿眼球，連帶鼻孔和嘴唇狂流血，惟校方疑等待家長自行抵校及提出要求下，始召喚救護車將其送院，最後男生右眼球及眼皮合共要縫上卅多針。涉事男生母親炮轟，校方竟以其子右眼已止血及清醒為由而不召白車，是不負責任，她已向教育局投訴，正研究透過法律途徑向學校追討責任。涉事受傷男生偉仔為該校小六畢業生，事發於今年7月11日，即畢業前最後一天活動日。當日下午約4時，偉仔到校內一樓有蓋操場與卅多名同學玩「馬騮搶球」，期間疑被同學絆倒，戴眼鏡的他撞向約1米高的多層櫃櫃角，右眼不斷流血，連鼻孔和嘴唇亦滲血，血流披面，右膝擦傷。「當時好痛，有兩個同學扶我，再有個書記扶我坐埋一邊」，偉仔憶述時猶有餘悸。雖然事發至今3個多月，但偉仔右眼周圍仍滿布疤痕，眼白充滿血絲。偉仔母親黃太指，意外發生時，校方並沒有主動致電通知她，她是接獲偉仔同學的母親來電才於10分鐘內趕到學校，當時只見偉仔坐在校務處內，右眼呈血紅色，周邊滿布多處鮮紅血痕，鼻及嘴仍滲血，運動上衣血漬斑斑。黃太指，當時校方有三人在場，包括書記、主任及一名自稱擁有澳洲護士註冊資格的校友。她引述該校友當時稱，「你個仔無乜嘢，擦損吓，唔使去醫院，因為急症室等好耐，去睇私家醫生就得。」黃太原打算按指示帶偉仔前往私家診所，但途中發現偉仔一直未能睜開眼、眼睛仍有一攤血，認為傷勢嚴重，即折返學校着書記立即召喚白車。偉仔被送到急症室，眼科專科醫生隨即從他右眼球眼白，拔出一塊5毫米乘3毫米、約半塊尾指指甲大小的眼鏡碎片，並立即安排施手術。手術歷時逾4個小時，醫生指偉仔右眼眼球及眼底骨均爆裂、視網膜受損、眼球肌肉受傷、眼皮外面有7至8處傷口，需為眼球縫上十多針及進行冷凍程序以固定視網膜防止脫落，並為眼皮外各傷口縫上3至4針。偉仔完成手術留院4天，其後兩個多月持續出現影像重疊及黑影。黃太引述校方曾在會議上辯稱，指由於事發後偉仔仍清醒，右眼傷口已止血，加上她已到場，故沒有再通知她或召喚白車，她批評校方疏忽及不負責任。經過3次會面後，校方仍拒絕承擔責任，故她已去信教育局局長吳克儉投訴，惟至今未獲回覆。「無諗過發生咁嘅意外，學校都唔立即通知家長、報警或call白車，令人擔心類似事件將再發生」。不過，中國婦女會丘佐榮學校副校長葉惠雯書面回覆卻有另一說法，指事發後學校職員已立即趕到現場了解情況，並把受傷同學送到校務處照顧，同時盡快通知其家長。家長到達學校經商討及考慮後，決定召喚救護車送該同學到醫院治理。她又指，校方對於事件造成其家人擔憂及困擾致歉，並已向教育局匯報事件，同時徹底檢討活動安排，並將實施多方面的改善措施。教育局回應稱，涉事學校已向當局提交報告，局方亦已提醒學校在籌備及舉辦活動時需注意的事項，包括意外發生後的處理；當局亦已為所有資助學校購買保險。當局正尋求法律意見，稍後會書面回覆家長。

checkylam

很心痛, 希望儘快痊癒,
傷得很嚴重, 係點樣整到?