輸得漂亮

Roby0915

做到最好，爭取勝利是人的天性，很自然吖。
不過比賽有人贏便會有人輸。
想請教大家，當孩子在競爭中失敗時，有咩計仔/ 技巧令他們早啲明白人生有勝有負是平常事，而冇咁容易發脾氣和心情失落？
願聽聽各位智者的意見，謝謝

肥win

原帖由 Charlotte_mom 於 15-10-24 發表
我當3000人申請，收120人，總有2xxx人出局。面試本來就係鬥快表現（一小時仲要小組邊睇得清楚啊！）。首先 ...

同意，有赢就有輸，我唔會重點提佢點解輸，只會鼓励佢，下次勇敢D，就會有好成積。

肥win

同意

Monstereasy

原帖由 elysion 於 15-10-24 發表
點解要用“輸”， 字去形容，連自己父母都覺得 孩子係輸家，有誰去支持孩子，自己孩子有自己專長和特質，只 ...

一命二運三風水，大運早行非福反禍

jadeklleung

而家先５歲，輸得起！最緊要唔好win a battle but lose a war! 真正輸贏，廿年後先知。

平時同小朋友多玩棋類，大人不用放水，但最後果鋪等佢嬴先收檔，想佢明白只要堅持就有最後勝利。佢而家輸左，會同自己講：「我下次再努力! 加油！」

Jane1983

睇小朋友面對無2nd in或offer的反應，係一面鏡子，睇到自己的教養有無出現問題。如果小朋友抱頭痛哭，非常在乎，甘家長要小心，放輕d，因為你的不安已經感染左小朋友。

hoihoima

alfredw88 發表於 15-10-24 13:15
其實小朋友自己冇乜所謂，冇乜意識什麼名校不名校。反而大人很介懷，近日的面色和家庭氣氛給了全家很多壓力 ...

同意呀，小朋友介意結果是因為大人在言語或行動上話佢知佢需要介意。如果大人開開心心地俾小朋友一個訊息
-- 考唔考到唔緊要，肯定會有書讀，小朋友的情緒就會好好多。不過大人的言語和行動又要一致先得，否則一邊話唔緊要，一邊又喊哂咁，就講乜都無用了。

jcaling

回覆 alfredw88 的帖子

非常同意, 大人要身教, 因為小朋友都係睇大人頭, 學習大人

Roby0915

謝謝各位寶貴意見和情感抒發～
對呀 ，｢贏｣和｢輸｣只是兩種感覺，會過去的。希望孩子們❨* 也包括父母們)漸漸學會，不要過於享受得意，也不用太過執著失意(唔用｢輸｣字，嘻嘻)。孩子在當中能感受父母不斷的關愛，才是最真實和恆久的。加油！

idy926

elysion 發表於 15-10-24 22:41
點解要用“輸”， 字去形容，連自己父母都覺得 孩子係輸家，有誰去支持孩子，自己孩子有自己專長和特質，只 ...

agree!

"亞女，佢地吾識欣賞吾緊要，你而家先5歲，繼續努力！第時總會遇到懂得欣賞你嘅人，媽咪知你得嘅，明天同你轉校，我地一齊去搵識得欣賞你嘅人！黎！係邊度跌就係邊度企返起身！媽咪永遠支持你！我愛你！"  這些就是佢係我懷抱中大哭，我心中淌淚，忍住淚講嘅一番話，當時囡囡聽完，抺抺眼淚認真點頭個樣，至今印像依然深刻！感恩之後真係遇到欣賞佢嘅Miss，今日，亞女係果個範疇中好比心機，考得好好, keep住like。

事原係當年亞女遇到一個好大的錯折，雖然吾係面試，但差吾多，結果都係等如樓主所謂"輸"，不過選人過程殘忍得多，最後因為我女在選人時表現到無信心 (這選人環節家長和學生全不知情），老師雖然知佢技巧好，但又因以為佢只係K2，下年仲有機會，結果全部K3生只有佢被叮走了.....校長諗住咁細個模盛盛吾會hurt，偏偏我個女就提出好多質疑，仲hurt到惡夢連連，因為佢好認真，為左個比賽會自己係屋企練習.....係自己同學校交涉無效後，只可以比返D正能量亞女，好怕佢企吾返起身！

我想講父母對佢地嘅支持好重要，佢地feel到，最緊要吾好比佢覺得係"輸"！

st070104

How to deal with win / lose depends on the temperament and potential of the kid (and also the perceived "value" of the parents.)

But in any case, I think it's important to teach the kid three things: (i) failure is the mother of success, (ii) there isn't any "the Best", there's only "Better", (iii) living is already winning; winning whilst losing his life, family or friends is losing.

fa_chan

原帖由 elysion 於 15-10-24 發表
點解要用“輸”， 字去形容，連自己父母都覺得 孩子係輸家，有誰去支持孩子，自己孩子有自己專長和特質，只 ...

同意！小朋友最重視父母，如果連自己父母都唔相信自己，佢地一定會好傷心。所以點都好，一定要相信自己的小朋友。
P1入唔到理想既學校，未P2再考過，以做券方式去考小朋友就最公平！

whitepurin

對，其實interview唔收也不是輸，而且也不要太神化老師的matching能力，暫時所見，間間學校標榜咩都好，第一輪點都係揀外向學術好的小朋友，所以來來去去都係一班有多個offer, second in, 另一班就咩都無。但最後也有學校不斷call waiting, 連 reject都call 埋。若果學校真的選「合適」自己學校的學生，就應該無咁多呢d情況

Jane1983

父母睇得開、輸得起，小朋友就會跟住做。有打未為輸，邊驚得咁多。

我女有時有d怕吾贏，我同佢講，你而家先7歲，未來的測驗、考試、評估、比賽何只千百次。做好準備、盡力而為就得，贏左開心，輸左就檢討吓，繼續努力。

sam9329

和孩子站在高處，望著渺小的眼下，讓他知道人的渺小，微不足道。
放眼世界，成功在於跌低了，懂得自己站起來！
作為父母，我相信最期望既係子女可以獨立生活成長，這遠比入名校更重要，更有意義！

amani1006

我只當他們眼睛不夠識貨發現我兒子啦，這樣會好過很多喔，爸媽要當孩子的伯樂先

elysion

點解要用“輸”， 字去形容，連自己父母都覺得 孩子係輸家，有誰去支持孩子，自己孩子有自己專長和特質，只係未能係短短面試表現出來，況且面試遊戲都講彩數

bobechristy

做父母盡左力就可以, 冇謂想太多, 我信上天會安排一間合適的學校給孩子。