6歲小朋友如何操好數學底子？

Ocean419

數感好差，簡單心術如6+3，10-7，等完全計唔出，文字題如$10去超市買包餅$8應該找回多少錢連係加或減數都唔知。坊間的數學補習邊樣適合佢 - kumon, 珠心算，enopi?

sarahdad

數學著重思考的過程, 小量的練習是需要的, 但像公X數重覆操練, 沒有必要, 更會影響小朋友日後不善於思考,高小或升中學便會遇到大麻煩。
根據過來經驗，七嵗後學好數學較為容易。

MrBeast

babywoman 發表於 16-6-12 11:48
我仲發覺，仔好友，做數時，一遇到思考嘅問題，就唔想多諗，想快快搞掂佢。如果再高年級估計問題會浮現更多 ...

少量操練去improve speed n accuracy 本身不是問題，我也有做過，最怕是習慣了pattern matching 模式不去思考，上到高小多了高思試題就惡夢的開始

babywoman

我仲發覺，仔好友，做數時，一遇到思考嘅問題，就唔想多諗，想快快搞掂佢。如果再高年級估計問題會浮現更多。所以，我對公文數有保留。

babywoman

仔同學兼好友由k3開始學公文數。現小三，佢真係做卷做得快（因一齊溫書），佢做兩份卷，我仔先做一份。但我仔數學考試分數多數高過佢。今次大考，我仔99，佢90。

我與佢媽現在是想辦法要佢快而準。

wan_sosin

原帖由 MrBeast 於 16-06-12 發表
e+小學唔係識計就得ga la.  考小一都會問6個橙分比3個小朋友之類的問題

絕對是，而家數學要考埋語文能力，邏輯思維！要識畫埋思考圖，明明做數都要寫一大堆文字！寫錯字漏句號會扣分！我仔學校，小一考試已有簡單代數出！

MrBeast

e+小學唔係識計就得ga la.  考小一都會問6個橙分比3個小朋友之類的問題

xiangdingdang

公文式數學

Yanking520

原帖由 Ocean419 於 15-10-13 發表
數感好差，簡單心術如6+3，10-7，等完全計唔出，文字題如$10去超市買包餅$8應該找回多少錢連係加或減數都唔 ...

我建議珠心算、我小朋友k2開始學珠算，今年k3,己經可以計雙位數乘數！ 一開始我仔都唔識2+6呢啲、 但學左半學期，已經識埋心算單位數加減！ 個人認為很好

hippoo

原帖由 annie40 於 15-11-01 發表
本帖最後由 annie40 於 15-11-1 00:39 編輯

對於kumon不熟熟，小女小一時做過三個月，是記憶反射多於理 ...

多謝分享

tinaleung

推

iamadc

其實數學真係好睇天份。我從來無操過大仔的數，無教過你們講的數順數和倒數，佢未三歲就數到五的倍數。有日我教佢99+99時，可先想100+100，佢好puzzle地看著我，問點解唔想100+99？再減一咪得？比佢看3D圖估用了幾個正方形砌（係一個L形圖形，每層五個，有四層）佢看完立刻話有20個，完全唔洗教！他K3.

但到細仔，兩歲幾都唔可以對實物一對一地數數，數123數到十以上就亂。

如已小一，不如同佢玩下21點，順便要加數

MrBeast

操唔操？操幾多，因人而異

skkeung

原帖由 brother4 於 15-10-13 發表
不應操，應改不怕/喜歡，越操越差，就更難攪 ，要另朋友發輝小宇宙

意見同－般不同, 同意!

laulauesth

回覆 longlokma 的帖子

同意~

skmibb

原帖由 IloveJJ 於 15-11-22 發表
請教一下，初期不穩定，又會對後來的概念有影響嗎？

數學概念要具體化，鞏固了就轉化為文字。

skmibb

不要操。數學係好抽象的概念,操在初期好似好有效,但到高年級就不湊效。這樣只是揠苗助長。

Peg_Peg

原帖由 Ocean419 於 15-10-13 發表
數感好差，簡單心術如6+3，10-7，等完全計唔出，文字題如$10去超市買包餅$8應該找回多少錢連係加或減數都唔 ...

試下數硏

rean_chau

原帖由 frederickw 於 15-11-02 發表
其實討論 "如何操好數學底子" 正正是問題所在.

"數學底子" 不同於 "功夫底子", 操無用, 要用理解.

幾認同你所講，數感呢樣野就好似一種緣份，有啲人早有呢種感覺，有啲人遲啲先有，又有啲從來都無。我仔就係果種緣份未到果種，但為左考試不得不操練。睇佢份卷就火遮眼，好多錯話就話唔小心，但數感好既人好少會咁錯。

睇有家長談及責任感，有感而發。每個小朋友特質都唔同，每個家長教育背景亦唔同，做父母有邊個唔想教到自己仔女聽話有責任感有上進心，只係父母都需要學習點樣係佢成長階段去指引導佢，小朋友有迷失既時候，家長亦然。大家都係係摸索中一齊成長，有時用錯方法都唔出奇。好似有啲人成日叫我發掘我仔既專長，邊個唔知？但就好似掘金礦咁，有人掘到有人掘唔到，需要好多野去配合。