小朋友慢悠悠

feimahoba

今年K1，之前已經上左一年N班，老師話佢好慢熱內斂，少講野但去玩又跑跑跳跳大聲笑，仲有上堂成日唔專心東張西望or夢遊，成日趴係枱到，每日無論上英文堂中文堂定普通話堂老師都要特登叫佢幾次或者拍下佢佢先走去做d指令😓一有d咩風吹草動又會分心。我曾經懷疑過佢係咪專注力不足，但老師又話應該唔係，而且佢上堂d野問佢佢雖然唔係話識曬但都識一半。觀察左一排同埋屋企加強溫習之後話佢理解能力自理能力個d好左，但都係唔專心，老師話仔仔應該係因為性格比較悠閒，比較'它調'😑我先覺得可能問題根本真係因為佢性格除左比較慢熱之外仲有做乜都十級慢！！細細個飲奶已經慢過人，開始食固體要食一個鐘以上，有時可以半個鐘食曬真係謝天謝地好感動，到依家都係成日食幾啖就玩😢食飯食個幾兩個鐘成日發生既事做功課有時做做下同我講第二d野或者望左第二到，行路又慢悠悠，做咩都要發一陣ou逗先，讀書真係好輸洩。內斂方面係屋企又好多問題問我好多野講，出到去又成個鵪鶉咁，點搞好？需唔需要做d評估？咁細個做有冇用？

stockmike

原帖由 Vlone778 於 15-10-09 發表
我都試過食飯計時，夠鐘食唔晒即收，點知第二朝佢餓暈咗入廠，血糖過低



  ...

你唔好彩， 家人一定事後俾好多壓力你

feimahoba

原帖由 little_yolky 於 15-10-09 發表
脾胃唔好所以無胃口。

似我天生脾胃比較差😓

Vlone778

我都試過食飯計時，夠鐘食唔晒即收，點知第二朝佢餓暈咗入廠，血糖過低

little_yolky

feimahoba 發表於 15-10-8 12:45
佢聽我話，我係虎媽，佢唔係挑戰我，我覺得係佢唔想食野，佢對食野冇乜興趣



  ...

脾胃唔好所以無胃口。

feimahoba

原帖由 IloveJJ 於 15-10-08 發表
你仲有冇俾奶佢飲?有無出去公園玩?有無食茶點?

冇奶，少去公園，冇茶點

feimahoba

原帖由 IloveJJ 於 15-10-08 發表
擺明挑戰你!平時佢聽你話嗎？定你聽佢話?學樓上媽咪話齋，即刻收咗佢。佢唔食無所謂，就拎走埋佢鐘意既野， ...

佢聽我話，我係虎媽，佢唔係挑戰我，我覺得係佢唔想食野，佢對食野冇乜興趣

Nath

回覆 feimahoba 的帖子

我個仔依家6歲，好多時都會控制唔到自己去重覆做d 奀皮野。問佢知唔知自己唔啱，佢係知既。只係控制唔到自己，我諗好多小朋友，尤其男仔，都係咁。只有比多d耐性啦！

wan_sosin

原帖由 feimahoba 於 15-10-08 發表
我都打同鬧，但之後又玩飯，問佢錯咩佢又答到我，姐係明知故犯我都不斷想辦法去解決問題，由細到 ...

佢一話唔食，即攞走，唔好猶疑！

feimahoba

原帖由 IloveJJ 於 15-10-08 發表
其實滋油性格真係好難改，我大仔雖然無你仔咁遊魂，但都係乜都慢，幼稚園時老師話個個食完茶點去做功課，佢 ...

我都打同鬧，但之後又玩飯，問佢錯咩佢又答到我，姐係明知故犯我都不斷想辦法去解決問題，由細到大佢都比較麻煩，d問題解決完一個又一個今朝試左計時著衫，可以三分鐘著曬衫褲鞋襪，不過我有幫手係咁隊d衫過去進步左好多好多，但第二次計時食野直情同我講唔食

MrBeast

我個小二前都係食雲呑，之後大些自己改善，不過另一些問題又開始浮現 ，老師話小三的小朋友係咁 ga wor。看一些資深網友po，有時有d野都擔心唔到咁多。

jaywong1223

可曾找學校社工介紹有否醫生或專家給予意見

feimahoba

原帖由 Yanamami 於 15-10-07 發表
有話小朋友应該同大人同枱食飯，从中覌察学習食飯礼儀同常規｡

我一向都係一齊食

feimahoba

原帖由 IloveJJ 於 15-10-07 發表
Ic,佢自己食嗎？一係你畢俾佢食，塞落佢個咀迫佢食快啲。不過而家k1咁大個，就會難啲啦！同埋煮多啲佢鐘意 ...

佢有時逼到我煩我都係塞佢食，但佢食住啖飯都可以遊魂，叫佢快d吞佢好似聽唔到咁，要叫好多次先慢慢咬滿滿吞。雖然喂佢係快dd既，但咁大個仲喂硬係過唔到自己個關，所以都少喂

Yanamami

有話小朋友应該同大人同枱食飯，从中覌察学習食飯礼儀同常規｡