有什麼辦法可以控制仔仔玩game 時間？

yauyaumammy

我仔仔成日玩，已經限定時間，每天幾次，每次20分鍾⋯是否好少呢？（仔仔只有5歲）。
請分享意見！謝謝

happy_lavender

Yanamami  运动可以挑战自我呀~~完成目標又有滿足感而且可以不断升呢~  發表於 1 分鐘前

絕對認同，但唔知點解現在好多細路唔願做運動，有些差到做一陣就見暈！問你死未？！

happy_lavender

yauyaumammy 發表於 15-10-5 17:47
你這個方法都可以參考！

我個仔完全唔受硬，所以才要想個令他笑著交部機畀我的方法。

我曾經花了點功夫了解一些電子遊戲(當時未有小朋友 - 說實在點就是有一段時間經常打機)，其實當中除了感觀刺激，也為打機者帶來完成任務的滿足感並挑戰自我的興奮，這其實是推動人做事的一種動力，若能善加利用/引導，絕對是好的。所以我始終認為最好的方法是將這種渴望(追求完成任務的滿足感並挑戰自我的興奮)轉移至我們認為是正經或有益的活動上(或有人稱之為走回現實世界)，要做到只壓制打機行為而不禁絕這種渴望。否則有可能令部分小孩變成對任何事也提不起興趣，甚至莫不關心。再者，你在場便可壓制，但你不在場時又怎樣呢？這便是要教小孩分辨和節制的原因，家長總不能永遠守衛小孩吧！

當然，若從未接觸打機，我絕對贊成越遲接觸越好。

picture

原帖由 yauyaumammy 於 15-10-06 發表
真的多謝你的提議。我最大的問題是沒有時間去陪伴仔仔⋯

我都知道閱讀是好好的行為，希望現在還未 ...

才五嵗，有得改，放心。

努力！

我覺得每日必定，定時定候有得玩是不好的。小朋友會每都冀望住嗰個時間，其餘時就會來等待。

我的也是5歲真係未識節制，就算我全職在家日哦夜口我都一樣，所以唯有一刀切，滅绝佢有得打機的希望。

換密碼等。我的識白己去google play download.

picture

原帖由 ken244644 於 15-10-05 發表
每日幾次，每次20分鐘， 會令佢更加上癮。

我好狠，一刀切cut 哂电玩時間，不打不鬧，只堅持唔比，佢悶悶就會揾其他野做。

yauyaumammy

真的多謝你的提議。我最大的問題是沒有時間去陪伴仔仔⋯

我都知道閱讀是好好的行為，希望現在還未遲⋯,我要重新安排仔仔的活動了。

謝謝！

palmchristy

無論如何忙, 家長都要培養小朋友的書感, 讓孩子自小愛上閱讀, 愛上書本. 要讓孩子有自行閱讀的能力和興趣.

家長可以每星期帶小朋友到圖書館, 在兒童圖書館的JJ書架有大量的繪本, 借回家去, 中文英文也好, 兩夫婦加小朋友三張證可借24本書.

家長每晚用15-30分鐘讀故事給孩子聽.  一年內, 孩子應有自行看書的能力, 興趣和習慣, 到時家長就甩身.  你要關注的, 到時會是"有什麼辦法可以控制仔仔看書時間？", 又或者是 "如何禁子孩子在廁所看書".

palmchristy

再唔係, 睇下附近有無社福機構的兒童及青少年中心, 有得借Board game玩, 又有D好便宜的班比小朋友上, 例如畫畫, 手工, 跳繩等, 可以叫家人帶小朋友去, 小朋友參加活動, 大人就坐下嘆冷氣.

可留意下康文署的班, 好平, 學下打羽毛球, 乒乓球, 男仔跑跑跳跳, 放下電, 夜晚都訓得好D. 另外, 恒生乒乓球的初班, 5歲就報得, 象徵性8堂收100, 睇下小朋友有無運動細胞又得.

善用社區資源, 去下公園遊樂場都好, 唔好困在家就唔會有手機遊戲的誘惑.

palmchristy

5歲小朋友根本不應接觸手機.

如果唔想小朋友在家嘈, 請家人把他帶往圖書館.  那裡沒有小朋友敢嘈的. 他們的主要活動將會是看書.

如果家人做不到, 請個工人返來, 由工人帶小朋友去圖書館.

做得到的話, 你會有意想不到的收獲. 可去"開卷有益"區看看.

under_the_tree

原帖由 yauyaumammy 於 15-10-05 發表
我一定會試試的，多謝鼓勵。

真的要調整，要不，對小孩的眼睛會有很大的傷害。祝你成功

under_the_tree

原帖由 S-Kwok 於 15-10-04 發表
個人覺得多，我仔小二，每星期六、日各可玩15-20分鐘。大部分時間仔以睇書、寫嘢為樂。基本上我唔反對打機 ...

同意。但本人沒有加時玩，只會減佢鐘

ronniedad

問題唔係個小朋友玩game，係奶奶用部野塞住個小朋友多d噃！打得太多只會令到佢對其他學習模式失去興趣，俾我揀我都睇住d動畫模式嘅野啦，吸引咁多！是否係時候全家坐低開番個家庭會議，去傾下呢個問題呢？

yauyaumammy

你這個方法都可以參考！

yauyaumammy

我一定會試試的，多謝鼓勵。

tracy1972

回覆 yauyaumammy 的帖子

如果是99家族那,可否和他們溝通一下?大家有共識會好,
如果你不方便,可請老公溝通一下,相關的資料,打機的不好等.準傋好,
如他們那99家族不CHANGE,你没有辦法可以控制仔仔玩game 時間
再下去,他會更沉迷的.

happy_lavender

我的方法有點不同，我會畀阿仔打機，重同佢一齊打，但遊戲由我選。目的是讓他在我的引導下學節制，做到就勁讚！

現在他只能打一局一局清的足球遊戲(因歷時較短)，當然限時！阿仔當然有沉迷的時間，咁我就藉故話同佢一齊打，佢入幾球就輪到我，通常咁講佢會乖乖交出部機，之後就話我對眼好支力，唔打機轉玩第二樣。成功引開注意力就唔駛吵吵鬧鬧，不過重點係你要花時間陪佢囉！

我亦會在他面前自己打，但打一兩局就停，示範畀佢睇係停到o既。

Yanamami

yauyaumammy 發表於 15-10-5 08:09
唔該曬咁多位家長的意見和方法。
我仔仔的玩games行為主要是從99家族那邊陪養出來⋯
我以經是「出名」的衰 ...

印多d文章99睇：
http://www.edu-kingdom.com/forum.php?mod=viewthread&tid=3152238&extra=page%3D1

同仔—齐讀呢d報導，俾佢知你禁打机背後既原因｡同佢講：Mami俾你打机幾禁容易？又唔洗令大家唔开心，但係咪对你好？佢明唔明都要照講，洗下腦~唔好錯过5歲仔呢个黄金時间~

yauyaumammy

唔該曬咁多位家長的意見和方法。
我仔仔的玩games行為主要是從99家族那邊陪養出來⋯
我以經是「出名」的衰人：
仔仔每次見到我都知道我一定要收機！
現在好傷心⋯想仔仔好，但佢就當我衰人。

99話唔俾佢玩，屋企就無時安靜。而且家里還有其他人：一個仍然在學，一個要on shift duty...,所以⋯俾仔仔玩games就天下太平！
我平日要返工，晚上八時前是沒有辦法控制！其實，我都好唔開心、好無奈！

好多謝你們所給的意見！

marcuscyrus

原帖由 yauyaumammy 於 15-10-04 發表
我仔仔成日玩，已經限定時間，每天幾次，每次20分鍾⋯是否好少呢？（仔仔只有5歲）。
請分享意見！謝謝



  ...

好多阿，我啲仔只能在周末玩一次20分鐘，仲要是周一至周五儲夠貼紙才可玩