請教: 一條龍中小學直升問題

hkpapa852

參考教育局升中FAQ: http://www.edb.gov.hk/attachment ... SSPA1416Sept_TC.pdf

係P.7見到關於「一條龍」學校既直升安排.

「一條龍」學校的小六學生可以選擇直接升讀其連繫中學。如學生申請跨網派位、非參加派位的直接資助計劃中學的中一學位或參加派位中學的自行分配學位，或參加統一派位，他們便不能保留直升連繫中學的權利。

即係似乎就讀資助學校(津校)既一條龍中小學既小學部既學生, 如果想直升上中學, 就連"申請"直資都唔可以喎!

唔知其它直資一條龍中小學會唔會有呢D規限呢?

hillken

原帖由 CPLA 於 15-10-25 發表
沒有呈分嘅學生參加自行階段係唔會有 Rank order, 中學會分開處理，根據校內成績或公開試成績評估。去年我 ...

many thx

CPLA

沒有呈分嘅學生參加自行階段係唔會有 Rank order, 中學會分開處理，根據校內成績或公開試成績評估。去年我就幫仔交上 Cambridge 試、奧數獎等資料，等中學多個參考。

hillken

原帖由 CPLA 於 15-09-29 發表
憫父，你所描述嘅情況應該只適用於有參加呈分嘅學生。就讀一條龍冇呈分嘅小六學生，如果佢地想參加自行，係 ...

小兒也是讀不呈分的直資小學, 也想參加自己派位. 留意到一些中學會計學生的rank order. 請問如果沒有呈分, 如何計rank order? Thanks

karen55407

原帖由 hkpapa852 於 15-10-13 發表
我寫呢句嘢時都未睇番教育局份文件 (我之前以為可以考非派位直資嫁), 所以先會話佢"惡".

不過, 學校早出通 ...

事實係自從接龍後，仍然有人仍考其他直資中學，以為收咗先會喪失自己中學嘅學位，最終直資炮灰，中學學位被教局一早遞奪。

奥脫福

hkpapa852 發表於 15-10-14 09:15


如果一條龍津校係St Mary, 當然可以一心一意啦, 但如果你入咗個間係其餘個D一條龍津校 (如九龍城基道, 天水 ...

所以我咪指明「果兩間小學」囉，你先前果句都係同Ｋａｒｅｎ傾的嘛，咁
我咪先入為主、順水推舟咁講落去囉。

人望高處好正常，如果俾我見到間唔夠「班」但又「惡屎能登」的學校，可
能我的反應仲大過你添！

hkpapa852

奥脫福 發表於 15-10-13 11:22
你咁講我都好難撐你。。。只能夠咁講，有心想入呢兩間小學既，絕大部份
家長都有哂心理準備，呢「六年」要 ...

如果一條龍津校係St Mary, 當然可以一心一意啦, 但如果你入咗個間係其餘個D一條龍津校 (如九龍城基道, 天水圍循道), 三心兩意一D都唔出奇喎!

hkpapa852

奥脫福 發表於 15-10-13 11:22
你咁講我都好難撐你。。。只能夠咁講，有心想入呢兩間小學既，絕大部份
家長都有哂心理準備，呢「六年」要 ...

我寫呢句嘢時都未睇番教育局份文件 (我之前以為可以考非派位直資嫁), 所以先會話佢"惡".

不過, 學校早出通告提醒家長, 其實好事, 好過家長自己走去報直資衰咗先知

反而我依家有興趣想知, 有冇邊間以一條龍辦學模式既學校直資/私立學校, 會有樣學樣, 定呢項"規舉"呢?

王家爸爸

奥脫福 發表於 15-10-13 11:22
你咁講我都好難撐你。。。只能夠咁講，有心想入呢兩間小學既，絕大部份
家長都有哂心理準備，呢「六年」要 ...

讀得嘉諾撒聖瑪利，真係無理由報其他中學

奥脫福

hkpapa852 發表於 15-9-29 13:38


你個女間龍校非常"惡" , 講到明"申請"都唔得. 不過都無幾多間可以好得過佢既中學部.... 除非頂唔順 ...

你咁講我都好難撐你。。。只能夠咁講，有心想入呢兩間小學既，絕大部份
家長都有哂心理準備，呢「六年」要點樣渡過，亦會預早對小朋友做好培育
工作。能力應付到既，根本一心係留番／跨區過槍會山，又點會咁無厘頭浪
費時間去報其他中學呢？所以「惡與不惡」，ｗｈｏ–ｃａｒｅｓ？

不過我都相信點都會有好少家長係抱著僥倖的心態碌入黎，「積極不干預」
政策頂落去。。。上星期的第一次中英默書，有同學捧蛋，有同學雙炒。唔
趕快對症下藥以求改善的話，前路難行啊！

hkpapa852

TwinWong 發表於 15-9-30 08:43
民生有小六學生家長講过,
一但有離心去申請自行/直資中學,
就不為其子女保留學位

民生唔係一條龍學校, 所以根本不受此指引所規管.

所謂唔為其子女保留學位, 其實都只係唔接受佢地叩門啫!

TwinWong

hkpapa852 發表於 15-9-29 13:38
你個女間龍校非常"惡" , 講到明"申請"都唔得. 不過都無幾多間可以好得過佢既中學部.... 除非頂唔順 ...

民生有小六學生家長講过,
一但有離心去申請自行/直資中學,
就不為其子女保留學位

憫父

我們討論的大前題是：
「一條龍」學校的小六學生可以選擇直接升讀其連繫中學。如學生申請跨網派位、非參加派位的直接資助計劃中學的中一學位或參加派位中學的自行分配學位，或參加統一派位，他們便不能保留直升連繫中學的權利。

係咪指接受咗offer先唔得, 定係連申請都唔得呢?

在這大前題下：
直資學校接受學生報名後，唔交學生資料畀教育局，所影響的是無法取得學生的成績次第，但家長在報直資中學時，能否肯定該校不會上報學生資料？若學校上報資料的話，教育局一定會知道學生的情況。

CPLA

憫父，你所描述嘅情況應該只適用於有參加呈分嘅學生。就讀一條龍冇呈分嘅小六學生，如果佢地想參加自行，係自己於十二月中旬去教局學位分配組辦手續並即時獲發兩份自行申請表，整個自行申請過程，一條龍冇參與其中。
就我去年嘅經驗，我仔一條龍中學冇要求自己小學生承諾直升或放棄其他中學學位，我曾經向學位分配組查詢，答覆是不參與呈分學生同自己一條龍中學所簽嘅任何承諾（如有），都只係學校同學生之間嘅協議，若學校知道學生報讀其他學校，一條龍有權要學生放棄直升學位，但學位分配組係唔會通知一條龍其學生申請自行學位。
以我仔為例，七月頭獲自行津校通知申請成功並需到校取派位證，然後先向自己一條龍退學。

憫父

其實我真的不明白一條龍直資小學及教育局為甚麼不知道學生的情況。

因為派位基制大概是這樣進行的：
- 約在 10 月底，小學會問學生家長是否直上一條龍中學，小學收到申請表後便會告知教育局。
- 自行收生程序在 1 月開始，志願表格是由教育局印制，上面印有學生的姓名的，由小學派給學生的。
- 家長要將志願表親自交到心儀的學校，心儀的學校會將學生資料告知教育局。
- 同時，非參加派位的自資中學亦會接受申請，學校亦會將學生資料告知教育局。
- 教育局在第二次呈分後，將成績次第資料交給中學，包括非參加派位的自資中學。
- 非參加派位直資中學約在 4 月會完成招生，收生資料會交給教育局。
- 統一派位會在 4 月進行，所有表格是經小學交給教育局的。
- 7 月份，所有小學都會從教育局獲得學生升讀那間中學的資料。

所以教育局在每個程序中，都會知道所有升中學生的最新情況，理論上是可以隨時取消學生直上一條龍中學的申請。

小學亦會知道學生的情況，因為自行的志願表是經小學派發的，統一派位的志願表亦是小學派發及收回的，所以小學不可能完全不知道學生是否參加派位，若有其他直資中學收了，理論上，學生交志願表時是要填報已有學校取錄不會參加派位。

所以教育局一定會知學生的情況，小學亦有機會知悉。

與其他小學一樣，一條龍小學會在 7 月收到學生升讀那間學校的資料。

一條龍中學不需等學生註冊亦會從一條龍小學知道學生的去向的。

mother904

hkpapa852 發表於 15-9-29 16:08
Thanks!

我既估計係, 直資一條龍中小學無咁既限制, 但想多D唔同學校既家長嚟確認一下

你岩

呀女小學係一條龍直資，小六時都有同學出去考私立、直資，甚至申請自行官、津學位，最後佢地如果想留番係度，中學部都收番哂

事實上，我相信直資學校根本不會知道學生有冇去申請其他學校同申請自行，除非到最後一刻，同學真係唔註冊先會知道

hkpapa852

CPLA 發表於 15-9-29 16:02
根據去年經驗，一條龍直資係唔會知你有冇申請其他直資，所以唔會取消個中一位。就算申請官津自行，都冇問題 ...

Thanks!

我既估計係, 直資一條龍中小學無咁既限制, 但想多D唔同學校既家長嚟確認一下