Help!! P1 英文FA

handah

這是我代朋友出的帖，他的女兒現就讀嶺小小一。
因今天見到手冊英文21/9有FA 1 (Reading and GE),但問了同級同學也不知道是什麼？
想請教各位嶺小家長什麼是FA？要做些什麼？計分的嗎？需要時前為小朋友準備什麼嗎？小朋友說老師沒有告訴他們，請問可幫忙回覆一下嗎？因星期一便是了，太急切啦，好擔心。

snoopy0520

有系統的獎勵、按階段而頻密適中的獎勵，對小朋友的學習係非常有利的，幾乎是關鍵性的。

=> 咁呢個我認同，但一次默書都要獎我就真係覺得太過份... 呢方面我都覺得學校做得好好...
但同一時間，我又開始覺得囡得到太多獎勵，佢反而唔識得珍惜... 所以有時都覺得自己好矛盾

wwsugar

獎？抱住錫啖，同佢講欣賞佢有努力，就係獎㗎喇。話時話，根據兒童心理學，有系統的獎勵、按階段而頻密適中的獎勵，對小朋友的學習係非常有利的，幾乎是關鍵性的。
這方面我覺得學校很pro, 做得很好！

snoopy0520

a_for_apple 發表於 15-10-25 15:49
學校其實都好多獎勵，培養好品德同好行為，只要小朋友接受呢套，就算一個小貼紙都開心，下次再努力，何樂而 ...

完全認同，所以我無送禮物俾囡之餘，佢仲俾我訓話左一輪

a_for_apple

原帖由 snoopy0520 於 15-10-23 發表
唉... 唔好話FA，係連默書都太緊張... 剛剛星期一第一次中文默書，其實範圍得10個中文字，仲簡單過K3嗰時， ...

學校其實都好多獎勵，培養好品德同好行為，只要小朋友接受呢套，就算一個小貼紙都開心，下次再努力，何樂而不為呢？

snoopy0520

wwsugar 發表於 15-10-22 10:41
我看完大家的回應，第一個感覺係，FA不過是一個小測驗，得失何必太緊張？不妨輕鬆點。求學是重平日的理解， ...

唉... 唔好話FA，係連默書都太緊張... 剛剛星期一第一次中文默書，其實範圍得10個中文字，仲簡單過K3嗰時，點知我囡尋晚居然問我，點解佢默書100分我無買禮物俾佢既...

成年K3佢都無問過呢D問題，佢而家識問，即係好有可能同班同學有人有獎品... 我想講，默書姐!  唔使呀!?  樣樣都要獎，咁幾時先獎到佢大學畢業呀!?!?!!?!?!?

wwsugar

我看完大家的回應，第一個感覺係，FA不過是一個小測驗，得失何必太緊張？不妨輕鬆點。求學是重平日的理解，語文靠長期浸和長期的良好學習習慣，不需要太過作戰狀態，恐防軍情不足的心態，對學習沒有助力，孩子會感到家長的期望和壓力。評估原意是真的評估學習進度，是為求估計孩子吸收了幾多，是學習的過程，不是要追求表現的結果
我不想做雞蛋挑骨者，我對老師，對任何人，要有合理期望。做人也要識感恩和知足。出現問題時校方積極解決，也處理得合理，已經足夠，我不覺得會有一間學校可以完美。而嶺小是令我和小朋友都越讀越起勁的好學校，鄭校長又是這樣難能可貴，作為一個用家，我希望家長都能分享我這種執到寶的心情。
求學是終身栽培的修身過程，把焦點放在興趣和滿足求知慾，心態正確，這條路會易走得多。
無意批評任何人，小小感觸，不喜勿插。

chanwendy

KrustyKrab 發表於 15-9-25 17:20
我都係因為嶺小有偈傾先俾我小朋友喺度讀，有學校連想搵下校長都難，邊好似鄭校長咁



  ...

咁又係呀, 我女小一升小二時, 應該你女未入讀, 嗰時來年校車問題好多, 對家長好大影響, 我電郵校長, 講出家長們的意見, 我冇諗過校長五分鐘內電話聯絡我同我解釋架, 我要求唔高架, 我當時係下午都三四點電郵, 如果校長第二日電郵覆返我, 已經係我接受的範圍內了, 所以佢咁快覆我, 我係十級意外架.

KrustyKrab

我都係因為嶺小有偈傾先俾我小朋友喺度讀，有學校連想搵下校長都難，邊好似鄭校長咁

chanwendy

snoopy0520 發表於 15-9-25 11:35
回覆 KrustyKrab 的帖子

俾D時間新老師啦!  其實無論幾experienced 都好，返新工都要時間適應... 小一生又 ...

係呀, 校長好肯聽家長意見, 聽咗意見真係會跟進先好嘛, 有啲學校係聽完就算, 或者覺得係家長的問題.

snoopy0520

回覆 KrustyKrab 的帖子

俾D時間新老師啦!  其實無論幾experienced 都好，返新工都要時間適應... 小一生又新，老師又新，大家都需要時間磨合。

有時老師好唔好真係好難講，自己請人親自interview都未必可以guarantee一定掂... 不過我相信校長係有聽家長們既意見，而作出適當既調整既。一間有heart 既學校比任何野重要... 好多學校有好多唔掂既老師，但都唔會因應家長們既意見反思都係咁啦....

snoopy0520

回覆 chanwendy 的帖子

無辦法啦!  你知嶺小呢個谷係比較靜，active 既 post 只得2-3 個...

樓主又要大大聲响隔離post話「我也報了名，參加11月既interview,宜家已經覺得好緊張」，以為無人睇到咁我都無計

KrustyKrab

原帖由 chanwendy 於 15-09-24 發表
我唔知你講的係邊位英文老師喎, 今年教咗高年級? 佢係教得唔好定係點?

你PM我，我話你知，舊年我囝二年級果陣，果位老師都有代過我囝嘅英文堂幾次，我就係因為咁搵過舊科主任了解呢個老師

chanwendy

KrustyKrab 發表於 15-9-24 17:23
我同意，校長話今年請嘅老師要求好嚴謹，全部都試教過先請，相信教一定冇問題，只係需要時間適應。

不過舊 ...

我唔知你講的係邊位英文老師喎, 今年教咗高年級? 佢係教得唔好定係點?

KrustyKrab

原帖由 chanwendy 於 15-09-24 發表
走咗好幾位老師係事實, 算唔算多我唔清楚, 因為從來冇深究過其他學校老師的流失率. 不過, 開學至今, 暫時見 ...

我同意，校長話今年請嘅老師要求好嚴謹，全部都試教過先請，相信教一定冇問題，只係需要時間適應。

不過舊年一位新嘅英文科老師表現唔太理想，令到好多一年級家長好困擾，所以對於今年有咁多新老師有D擔心，不過呢位老師今年都冇教低班，相信係因為校長已經做咗調配。

我都要學Wendy咁要俾多鼓勵新老師，多去學校幫手，我囝好鍾意English Day同Character Day㗎！

happystone

回覆 chanwendy 的帖子

Agree with you. 其實老師都係打工仔一名, 會流失一啲都唔奇, 我就唔信出面啲學校冇人走既........
一間幾好既公司點都會有人走, 人人要求唔同嘛....
以我所知, 有好多學校嚟緊會轉校長添,如蔡繼有,培僑, 咁佢地咪仲驚?
揀得呢間學校, 就係相信佢既辦學理念同校風.....等等, 冇可能因為老師調動而走, 因為呢啲係間間學校都會有, 邊走得咁多?

chanwendy

走咗好幾位老師係事實, 算唔算多我唔清楚, 因為從來冇深究過其他學校老師的流失率. 不過, 開學至今, 暫時見到功課量, 功課模式, 評估的密度等都同上年一樣, 冇咩改動.  所以我暫時都未有太大的擔心住, 我信任校長, 所以都信任佢請返嚟的新老師, 我唔會咁快否定新老師, 新老師唔一定比離職的差.

chanwendy

KrustyKrab 發表於 15-9-24 13:43
但係講返英文老師嘅問題，我都有擔心。舊年我都有po文提過走咗四個英文老師，其中一個係副科主任，今年走咗 ...

校長話出年轉書咩?會轉邊本呀, 點解要轉既?

KrustyKrab

但係講返英文老師嘅問題，我都有擔心。舊年我都有po文提過走咗四個英文老師，其中一個係副科主任，今年走咗五個老師，其中一個又係副科主任，一個仲要係科主任Miss Chan。

我囝囝係英文好過中文嘅小朋友，嶺小英文俾小朋友好大創意空間，好啱阿囝。但係而家英文有大變動，兩年走咗六個英文老師，正副科主任都有，出年又要六級都轉書，我有擔心唔知我地欣賞嘅英文教學理念可唔可以繼續落去。

中文同數學雖然都有科主任走，但係仲有好多資深老師喺度，我都好放心。唯獨係英文，上星期我同鄭校長反映過，佢好好咁話會留意英文科，可能係我C9性格，返到屋企又再諗，今年係學校十周年，學校會唔會卦住慶祝，冇時間理英文。

唔好意思，我知自己諗得好負面，因為我小朋友今年三年班啦，都開始要留意升中方面，轉新英文書之後佢就係高年班，我怕會對佢學嘢有影響。

我都有問過新英文科主任，但係就好似冇乜結論

chanwendy

snoopy0520 發表於 15-9-24 12:00
回覆 handah 的帖子

香港地大把人唔識講普通話，而學校既NET都未必個個識講廣東話，一樣有機會溝通唔到， ...

好勁喎, 咁都比你發現到佢原來報咗小一.