請教過來人媽媽，有關小一面試

PhilC

小一面試開始得如火如荼，但我遇到很大的困難，阿仔平日都好多嘢講，唔怕陌生人。但唔知點解，去到面試，佢就唔鍾意講嘢，同埋話唔鍾意老師考佢。所以就算識的，人哋都當佢唔識。
我個仔，平日係學校的評估，各樣表現都好好，老師都常讚佢同選佢參加比賽。但過咗三次小一面試之後，佢好似好唔鍾意面試咁。最近我哋都會同佢做吓排卡講故事，讀幾頁中、英文書。佢係好鍾意睇書的，中、英文絕對冇問題，但依家叫佢讀，佢好唔願意咁。另外，之前面試時，我同佢講：「唔識做的話，盡量諗吓，諗唔倒都唔緊要，但唔好即刻放棄。」我覺得，我都係鼓勵佢。早兩日，同佢去咗一個模擬面試，評語有一句係「遇到困難不願意嘗試」。我之後搭車時，我冇特別提面試，係借啲二問下佢「遇到唔試的嘢時點做好？」。佢竟然好快咁話我：「唔識做，即刻放棄！」一啲處境題，平日當遊戲玩咁問佢，佢會好主動答，亦答得唔錯。但去到面試佢又唔講。

我真係好唔開心，點解佢個人明明唔係咁，但係去到面試你會咁樣做？你咁搞，平時叻到識飛都冇用啦！下星期開始至十月頭，又一輪密集的小一面試。我原本諗進正式面試前兩星期，每日同佢做15分鐘，等佢熟習多些，我依家已經乜都停晒唔做。

請問各位過來人媽媽，有冇經驗分享點樣可以幫小朋友進入狀態，應付面試？謝謝！

Jane1983

跟番小朋友的性情去鼓勵佢，好怕羞和極活躍的，做法係吾同，家長要自己琢磨。其實平心静氣同小朋友講事實，係一個好的方法，，大家加油。

superlove081

我每次面試完都會問亞仔鍾唔鍾意呢間學校，佢每次都好清楚講自己鍾唔鍾意，我會話佢知小學有好多野玩，等佢鍾意間學校自然想入讀去做好d

Babyarsene

原帖由 PhilC 於 15-09-23 發表
謝謝各位媽媽的意見。其實去面試，受好多環境影響，預咗小朋友的表現會比平時起碼打個五折，我唔期望佢做倒 ...

我諗你仔都係明白事理，清楚話佢知點解要面試，咩係讀小一，要點樣表現老師先會欣賞，有時迫係冇用，但你講你仔平時對答好好，鼓勵下佢做返自己再加禮貌就會有老師欣賞。加油呀！

sjssjssjs

原帖由 PhilC 於 15-09-23 發表
謝謝各位媽媽的意見。其實去面試，受好多環境影響，預咗小朋友的表現會比平時起碼打個五折，我唔期望佢做倒 ...

我小朋友之前面試，反而我会留意佢出來表情是否开心，再問吓佢是否喜歡老師和學校

bopui0607

小朋友其實感受到壓力, 好勝心強個d會好想做得好做得叻, 會越戰越勇, 相反信心唔夠又或者唔喜歡d野repeat又repeat既, 可能會選擇逃避或放棄,可能驚面對失敗. 要好小心處理面試過程的情緒. 不過, 讚賞應該個個小朋友都喜歡既.

努力 !

PhilC

謝謝各位媽媽的意見。其實去面試，受好多環境影響，預咗小朋友的表現會比平時起碼打個五折，我唔期望佢做倒平日的水準，只係唔想佢係衰係自己的態度上面。天外有天，我小朋友只算係中規中矩。同意licpd講的睇法，我哋一向都唔用"聰明"呢啲字眼讚小朋友。
呢幾日，唔再同佢講面試係去玩，亦解釋點解要面試？加上利誘e.g. 做得好有得食雪糕等。佢態度似乎好咗，亦有期待面完試後的獎勵。希望佢真係可以keep倒正正常常啦! 謝謝大家！

licpd

聪明的小朋友平时表现好多人赞叻仔，这些小朋友如遇到挑战如面试的测试可能会容易放弃因为觉得难而唔想输。平时反而要多赞赏他的努力，少用你真聪明这样的赞语。

little_kid

原帖由 PhilC 於 15-09-18 發表
暫時報了八間，我不知道是多定少？因為身邊有些只報一間，唔得就大抽獎算；亦有些報了近二十間。我唔係好想 ...

你報的學校有沒有那些你仔仔很想入呀？
嘗試同仔仔講下將要面試的學校吸引之處，
相信小朋友喜歡的學校，面試自然比心機！

細芝麻

我都同阿囝參加幾次面試，聽得最多家長講：「去玩喇。/頭先去玩開唔開心？」
面試班老師講過，講呢句野前要分清楚小朋友性格，有部份小朋友真係以為去玩，但原來係考試，會感覺唔開心，仲會越黎越反感！

ngkka

我之前女兒都唔肯同人講早晨，我同佢分析利害關係，都有少少丙佢，之後女兒就漸漸做到。因為我覺得呢個係基本禮貌。

我由暑假前開始預備，餐廳叫食物自己叫；報興趣班自己填名，自己報。

俾佢睇我心儀的兩間小學的相、video.
因為女兒見到有公主的裝扮，所以都很想入。

我都有d pushy. 但記著面試後要讚，總之找d 嘢去讚，就是只答唔知道都要讚。

之後有好吃的零食。

過幾日同佢做role play. 你做學生，佢做教師。

我很感恩我的女兒暫時都覺得ok,good hope玩遊戲仲好好玩

karen55407

我覺得你可以坦白告訴小朋友知，你有乜嘢憂慮，亦可同佢分析點解要去面試，將利害關係一五一十告訴佢，比佢選擇去唔去，唔去就由大抽獎決定。

Yanamami

深表同情~我細女—模一样，面試係死穴｡

mch411

叻唔代表受到壓力, 講完

PhilC

twlo 發表於 15-9-18 13:50
想請問一下，到底報了多少間小學面試呢?
如果太多，小朋友會feel 到，可能唔太開心。 ...

暫時報了八間，我不知道是多定少？因為身邊有些只報一間，唔得就大抽獎算；亦有些報了近二十間。我唔係好想等大抽獎，因為本區的一線學校，都轉了做直資，全世界都來同你爭。所以我都要報些區外學校試下。
好多媽媽會一早報音小、優才畀小朋友熱身，但我哋冇報呢兩間，因為真係唔諗住會讀。但我哋報咗針對心儀小學的模擬面試，有三次。第一次係八月，當時佢玩玩下，又坐唔定，唔認真。咁我地調節咗策略，唔再同佢講面試係去玩，佢要認真些做。第二次模擬係八月尾，表現我哋覺得好咗好多，冇再郁身郁勢，亦有禮貌咗。之後去咗三間正試面試，我唔知佢係裡面點喇。到上星期同佢做另一次模擬，評語就幾差，同埋有啲嘢，佢應該係識但係就得零分，我哋估佢應該係hea, 甚至係pair做。

我唔知佢之前三次正式面試做成點，因為未放榜。但佢有講過唔想面試，因為老師都唔係同佢玩，淨係成日問佢問題..... 所以我依家都唔知點好。我調整返佢面試其實唔係淨係玩（我當初可能做錯咗，諗住唔好畀壓力佢，所以同佢講都係去玩吓，令佢對面試有個false expectation），但係重頭學校的面試下星期就開始，我唔通唔去咩..... 所以真係希望各位媽媽可以指點吓！衷心感激！

twlo

想請問一下，到底報了多少間小學面試呢?
如果太多，小朋友會feel 到，可能唔太開心。