比學店更無情的浸幼！

kkeefamily

小女原本K1開始在浸幼上學。第一年還不錯，四個老師很有愛心，關心小朋友。如有任何疑問，寫在手冊上，必定在最短時間內得到答案及回覆，但噩夢在K1學期尾發生。學期完結，於家長日後得知2/3英文老師離職，當時已想看看學校如何處理。但在同學家長群中，大家意見為讓學校處理。

開學後，第一天上校車時間改早於7:45am(原來7:50），問題並不大，只是到校時間要到9:20。同樣，放學由原來的5:15pm,等到6:00pm才下車！最大問題係我女兒上落校車竟要在路中心，非常危險！

在第一天晚上，我們寫手冊著學校跟校車公司溝通。第二天上校車時間改早於7:40，回校同樣遲到。我在早上致電給副園長，得到的回覆是學校有指引小朋友要在一小時下車，由於是接小朋友時間，大家匆匆掛缐。於十一時多，副園長回覆我説教處及學校並沒有甚麼一小時的指引云云。我當時反應係這不是有沒有指引問題，而是我女兒沒有足夠的休息！要一個不到4歳的小朋友每天以3小時(實際車程只需少於一小時！)來回學校去上課實在令人接受不了！副園長跟住叫我自己打比校車公司傾，但因為實在有太多家長打去校車公司嘈，我並不希望加多一腳去嘈，而且學校亦要知個情況。再後來副園更加話學校只係幫我地去安排校車而已。去到呢度，🔥都來！我知佢唔會幫我架啦！再問埋佢新來老師師資問題，我問係唔係NET, 佢答我d老師有受過專業訓練，咁我再問係唔係NET, 佢話係外國返來，又話冇guarantee一定係NET...🔥🔥🔥. 最終草草收缐！當日下午也要到5:55pm才到站。對於一個不足4歲的小女孩來說，太辛苦了。當日老師只回覆其他書的問題，對校車問題至之不理。

之後一日3/9放假，我冇辦法只好打去校車公司。經過一番功夫，先至可以改上車點，時間要求再早5分鐘上車。係4/9就係新上車點上落，可惜回程依然要到5:50。手冊當然仍然冇覆，但就貼上其他訊息。

由於太辛苦，我幫個女請左一日假，但之後4日都無返學，要到星期三class teacher先打比(話打唔到比我喎！)我老公問下阿女點，我老公叫佢打電話比我。我同佢傾傾下時，佢已經口快快話叫我寫信！😡

琴日星期一，我what's app個校車EE話幫我女帶被舖返來，佢話學校話唔比。跟住我就收到email 話電話聯絡唔到我地，要我地email confirm係咪要退被鋪。今日星期二，我地比封退學信比校車EE帶返學校。下午，我老公收到學校園長的電郵，首先又話打唔到電話比我地，跟住又講返個副園長個番官腔說話，有話可以的就希望我地可以去學校傾下。不過最後話會叫校車退我阿女的物件比我地，仲祝我女係新學校順利！(我無話過我女搵到第二間學校喎！佢地推得一乾二淨，勁！)

呢間所謂有愛心唔迫細路的學校就係咁樣對d細路！學費收$8340,車費$1650，夾埋要$9990/月的學校！比學店更無情，無愛心！離譜到暈！！我女呢個real case, 請各位要入浸幼的家長三思！！！

Wonderful-Baby

Ryuurakai_M 發表於 16-12-4 12:35
全日班最多收每級好似18人左右！
而半日班就最多好似30人！ 但都會睇個年收生情況才決定每班人數既多與少 ...

我仔k1時候15人咋。宜家k2就22人。

Ryuurakai_M

Ryuurakai_M 發表於 16-12-4 12:35
全日班最多收每級好似18人左右！
而半日班就最多好似30人！ 但都會睇個年收生情況才決定每班人數既多與少 ...

要睇每年入讀人數去分班架！ 如果九月入學時多人，咁每班會多人d（試過最多好似廿八人左右）! 如果入學時少人，每班就會少d (試過每班十幾人）

Ryuurakai_M

mmc1030 發表於 16-12-1 12:50
想問半日班，一班有幾多位學生？
am 同 pm 係唔同？我見校網無提及

全日班最多收每級好似18人左右！
而半日班就最多好似30人！ 但都會睇個年收生情況才決定每班人數既多與少！

zmw1031

mmc1030 發表於 16-12-1 12:50
想問半日班，一班有幾多位學生？
am 同 pm 係唔同？我見校網無提及

完全唔同，半日班粵語教學，全日班英粵雙語教學

zmw1031

我17/18 k1 am offer，早就考慮好無論邊間學校收都係自己揸車接送，省卻好多煩惱和時間。家到校嘅距離其實係重要擇校指標，若路程太遠的話，小朋友花太多無謂時間在交通工具上，舟車勞頓下回到學校邊有心機上堂呢？

我自己設定擇校嘅步程不超15分鐘，車程不超20分鐘。

mmc1030

siutreasure 發表於 16-4-26 01:13
呢個post我完全覺得學校無問題喔！校車真係自己同校車傾架，因路線係由校車公司安排的，學校渣唔到主意，唔 ...

想問半日班，一班有幾多位學生？
am 同 pm 係唔同？我見校網無提及

siutreasure

呢個post我完全覺得學校無問題喔！校車真係自己同校車傾架，因路線係由校車公司安排的，學校渣唔到主意，唔係想唔想幫或唔幫既問題！

我仔都讀K1, 我覺得他鐘意返學，未學寫字，懂得好多日常生活野，學術上唔夠其他學校，但要知道自己想小朋友K1時想學什麼，如果你喜歡谷既學校去應付名小，這一定不是你杯茶，因只想小朋友喜歡上學，學到自現，日常生活的知識就得！我們園長話：要令小朋友喜歡返學，如果連學都唔鐘意返，還談什麼返學呢？小朋友得幾歲，要學野，未來1x、2x年有排學，得幾歲人仔係從玩樂中學習，開開心心就夠！

muimui2012

完全贊同。其實選幼稚園最重要是認同其教會理念，只要學校與家長理念一致，小朋友才會有得着。學校是否真心對待學生，愛惜學生，從小朋友平日的言行表現便可知道。如果小朋友享受校園生活，在家也常談及學校的老師和同學、唱學校學的歌、分享上學的趣事，又熱愛上學，喜歡學習，那麼這所幼稚園的老師和職員必定是有愛心用心地教導小朋友。

Wonderful-Baby

wafong 發表於 15-9-21 15:52
回覆 Ryuurakai_M 的帖子

請問您的小朋友是否就讀浸幼?全曰班?

我仔讀梗K1，我只可以話我好鍾意呢間學校，一報名就是衝住學校的教學理念去報讀。我以前報佐11間學校，就只有呢間唔問小朋友問題，只是跟家長簡單對話，其他學校會不停問小朋友問題，答唔到就扣分，我想話如果個小朋友乜都識我仲需要去你學校學東西嗎，臨場反應唔應該用系一個3歲都沒有的小朋友身上咯，浸幼真是一個問題都沒有提問小朋友，他們在隔離玩玩具，面試過程好愉快好放鬆。

我仔之前比較慢熱性，怕醜唔多肯同人講野，但讀佐3個月已經有好大改善，善於同人打招呼，主動同人say hi，say goodbye，之前系怕醜笑笑口就算，宜家每晚翻到屋企都會將課堂上學到的東西帶回來經常唱讀跳，無太多功課，只是每星期有畫畫功課，簡單易做，宜家已經可以系人地面前自我介紹，學校用佐一套好好的教好模式，我以前在家有教吖仔，但都係唔上心，反而讀佐呢間學校我個仔好多東西都全部記住同明白。

英文老師問題：我覺得我果個英文老師是好有愛心好細心而且功課都會有好細心的評語，我好鍾意。
校車問題：不是百分百好，但我覺得如果鍾意學校的話，就算沒有校車都不是任何問題，只要自己夠堅決我要讀呢間，自己都會想辦法解決。


其實我如何說都沒有你自己去親身了解那麼清楚，好簡單一個道理：不是每樣東西都100%有人喜歡，但最緊要不要亂聽別人的說話就早早退堂，每年報名都總會有些人出來開貼說任何一間學校的不好，自己衡量。

Ryuurakai_M

wafong 發表於 15-9-30 19:05
Thank you all your advise and comments!!

I think I will apply and try my best to show my sincerety. ...

祝成功！ 加油！

wafong

Thank you all your advise and comments!!

I think I will apply and try my best to show my sincerety.

hkengineer

其實浸幼嘅校巴係外判, 同其他好多幼稚園都係一樣,所以校巴上落安排校方冇話語權, 加上學校用小班教學, 學生數量唔多, 仲要有全日班, 所以除返條數, 同一程校巴, 學生少咗, 車費貴返, 校巴公司都係做生意, 好合理。呢間係一間好好嘅幼稚園, 能夠培養小朋友主動自信,學校資源又足夠,三仟幾蚊有咁好嘅教學設施,出面好難搵到

幸福寶貝豬

原帖由 wafong 於 15-09-21 發表
回覆 Ryuurakai_M 的帖子

請問您的小朋友是否就讀浸幼?全曰班?

好明顯個佢自己有問題，非常家長

hongk

不知道家長們怎麼想的，我會選下午班，師生比例明顯好很多啊

麥兜MaMa

浸幼方案教學的討論內容都很班本, 同學都參與討論決定深入討論的內容, 較多启發性, 及建立自信.

浸幼鼓勵小朋友多接觸不同的朋友, 不要只和相熟的玩, 上K2,/K3會把不同班的同學混一混. 仔是pm, K1上K2,有些同學轉了全日, 轉am, 亦有少數轉校. 相反, 亦有新轉來的.

本來一班的pm, 學校分成2班, 只12~13人一班.  家長間有說笑, 這2班恐怕蝕本了.  見微知著, 學校是很用心去辦學.

魚與熊掌各有所慾, 相信學校亦想和有共同理念的家長一起努力.

麥兜MaMa

真心感激浸幼教好我仔, 令佢喜歡上學.

我仔較活躍及專注力較弱, K1開始真坐唔定, 又社交又不太好.
但佢係敏感的人, 如果只係係 鬧及罸便易失去動力.
浸幼老師俾左好多心機引導, 鼓勵, 又多同學接納,令佢喜歡上學, 愈來愈進步.

hongk

擔心很正常，多聽多問多觀察吧！現在香港教育系統非常混亂，就看你自己的期望了。如果合得來，學校一定不錯，合不來，一定有千錯萬錯。

看看很多兄弟姐妹都選這家的幼稚園，本身就說明了家長對學校的認可。當然，有小朋友中間轉校，原因各异，比如K1之後去了那個基督教幼稚園的也有，K2之後升讀國際學校的也有。英文老師離職原因各異，有離開香港的，有轉做全職媽媽的，等等。

這一定是一間按照幼兒發育歩伐而定的學校。現在香港很多幼稚園為了升小成績特意拔高對小朋友的要求，其實是不是對小朋友長期一種傷害呢？傷仲永？

ronniedad

咁要先問你自己，究竟自己及小朋友需要d乜，如需要一間學術性很強，學校會盡量滿足家長的要求的所謂學店學校，相信這並不是你杯茶。

Ryuurakai_M

回覆 wafong 的帖子

已pm你！