出年升小，評估輕度?? 特殊位?

kei621

學校老師評估我個女出年升學選輕度學校，輕度糸咪即糸輕度智障學校? 另外如果糸諗住選特殊位，糸咪等统一先寄表?

kei621

其實啊女咩程度都知架啦 但都想聽埋評估醫生意見

kei621

好詳細答覆 多謝你啊

methy

原帖由 kei621 於 15-09-14 發表
我可能問得吾清楚
或者我咁問，
1.我因為收到學校比既一份小一入學申請表，我有d吾明白 如果我自己都覺得我 ...

總之係香港人就享有小學派位權利，所以學校派份表比你，你可選擇同小朋友參加或不參加小一派位。或者你可以照報小一，等待評估中心為你小朋友做小一入學前評估，如果建議入主流，咪根據所派小學入讀，如果你一心諗住小朋友入特殊既，就唔使填份小一派位表喇。

評估中心現幫出年升讀小一既小朋友做評估，嚴重個案開始先，你小朋友唔嚴重，大概出年年頭先會做，等評估中心call或自己主動聯絡社工問一下。你女是否需要入讀體障或其他類型特殊學校，都係等評估時醫生/心理學家決定。但其實你自己都大概知道入邊類？或你有咩意願？

至於參觀學校，呢樣應該係家長自己安排，我仔現在S位k3,我舊年已經參觀左1X間主流小學，體障5間，輕度2間，有一兩間特殊學校係跟學校去，其餘都係自己聯絡學校，或按學校開放日時間表（主流小學）去參觀的。


2.如果你唔參加小一派位既第一階段（講緊主流小學），可以直接參與第二階段既統一派位（大抽獎）最遲29/1/16親自上教育局學位分配組，幫小朋友辦理派位申請手續。你預大半日，交文件&填表需時。

kei621

我可能問得吾清楚
或者我咁問，
1.我因為收到學校比既一份小一入學申請表，我有d吾明白 如果我自己都覺得我小朋友糸需要讀特殊小學，咁表既入面自行分配學位糸咪吾面需要填寫?

我到現在都未收到有參觀學校既通知，所以都困惑緊邊間學校岩，我當初仲覺得我小朋友要選肢體傷殘學校，因為佢腳筋緊問題，但向學校社工查詢過，老師評估左我女都糸差d，但未去到需要肢體傷殘學校，提議我可以選輕度，
點解是學校老師評估? 其實入學時都開始有評估小朋友既情度再分配佢讀邊班，當然，評估中心都會有評估，但我仲未等到，
岩岩先學校交表上去評估中心

2.交表時間糸咪最遲16年1月29號果日先交? 糸咪即糸我小朋友等教育局統一派位通知?

methy

原帖由 kei621 於 15-09-13 發表
學校老師評估我個女出年升學選輕度學校，輕度糸咪即糸輕度智障學校? 另外如果糸諗住選特殊位，糸咪等统一先 ...

主流小學分三個階段：自行、統一派位（大抽獎）&叩門

特殊學校：評估左適合邊類就比邊類你。

唔同意入特殊學校,可選擇入讀官/津校，或自行報私/直資校，前者跟大圍參加小一派位，自行階段入到想入既學校就最好，唔得就落入第二階段，純粹運氣，我地SEN就最好唔好玩叩門了，叩門連正常發展小朋友都玩唔過。

piglet0529

原帖由 kei621 於 15-09-13 發表
學校老師評估我個女出年升學選輕度學校，輕度糸咪即糸輕度智障學校? 另外如果糸諗住選特殊位，糸咪等统一先 ...

即是你有點想小朋友讀主流嗎？

pocoyo123

點解是學校老師評估?

正常應該是評估中心的心理學家或者醫生, 在小一入學前會做一個智能評估, 如果評估結果是需入讀特殊學校(包括輕, 中, 嚴重智障), 而家長又同意入讀, 那麼, 會直接安排特殊學校, 致於能否選擇到近家的學校, 相信要同評估中心商討.

至於你講統一派位的特殊位, 我就不太明白你所講是什麼?