發展遲緩（一年左右）32區應選邊間小學

kokchung81

如題
發展遲緩（一年左右）32區應選邊間小學，希望搵間真心用政府資源放番落囡囡到，老師有愛心。教育局呢幾間小學都有話自己學校有支援SEN學生

因為自行分配學位只能選一間，得一次機會大家比d意見

A)油麻地天主教小學（舊校）   -20分 （父母親舊生）
B)大角咀天主教小學                 -15分
C)大角咀天主教小學（海帆道) -15分
D)黃埔宣道小學                        -15分
E)中華基督教會協和小學         -15分

大抽獎會報
塘尾道官立
葛量洪校友會黃埔學校

睇左好多post，睇都唔知點報

有冇在校父母比d意見

AHGU

原帖由 kokchung81 於 15-09-10 發表
如題
發展遲緩（一年左右）32區應選邊間小學，希望搵間真心用政府資源放番落囡囡到，老師有愛心。教育局呢 ...

如果去油天，日子會較難過。小朋友壓力會好大。

coffeeyu

回覆 methy 的帖子

thanks for reply

methy

原帖由 coffeeyu 於 16-03-16 發表
回覆 methy 的帖子

系唔系所有佛教開辦的學校做融合都比較好呢？佛教慈敬如何?

我所認識既佛教團體都好「慈愛」，我聽過有間學校既老師&家長都想間學校aggressive d,但法師覺得叻既學生自然有大把叻既學校讀，佢希望間學校維持現狀，幫助學習上需要多d幫助既學生入讀，維持住個關愛既學習環境，可係咁，佛教團體既學一般都唔大競爭性，亦因為咁，社會上先有不同選擇比小朋友。

個人經驗佛教團體幼稚園好關愛，課程上全無任何宗教原素，對於我無宗教信仰既當然無問題，連本身係基督教既同學仔家長都覺得舒服。

你提及既學校我無認識，睇下其他家長知唔知，或自己去參觀，聯絡校長了解下。

coffeeyu

回覆 methy 的帖子

系唔系所有佛教開辦的學校做融合都比較好呢？佛教慈敬如何?

methy

原帖由 kokchung81 於 16-03-13 發表
多謝咁多位意見。衣家問題已經唔同晒，變左諗緊做得好融合o學校定特殊學校 ...

香港小學係行融合教育，理論上間間小學都要收SEN的，教統局會按SEN 人頭會比一舊錢學校做支援，請人、購買非政府機關既服務開辦支援小組等等，另外仲有小學行舊制融合教育，有專責老師做SEN統籌相關支援，每間學校都有報告，報告入面會有講做左d咩去幫呢班SEN，上學校網站會搵到。

例如呢間：18頁有講對自閉，學障，言語等提供既支援服務。
http://ds.icampus.hk/bwcups/upload/article/43cd75d83dbee511fe2ae62343c50890.pdf

我參觀既小學，SEN多集中在所謂三線學校或曾經差點被殺既學校，一線既熱校較少或無SEN,現實係正常發展小朋友家長都會安排仔女入讀一線學校，而叫得做一線既，學術水平有返咁上下，功課測驗考試之多&深，SEN入讀只會有捱打，所以退以求其次搵無咁受歡迎，程度淺（但都跟教局）既學校。

你唔會搵到有主流學校話：專收SEN。只能上網Forum搵，家長間口傳，自己參觀學校了解邊間小學校長老師有心做融合教育。


分享我去一間地區非一線小學參觀&問到既資料：

校長：主流學校係比正常發展小朋友學習知識，同人相處既地方。

曾經外購治療服務，例如職業治療，但治療師都覺得咁樣係派費金錢，每個星期20分鐘，對小朋友成效唔大。如果入讀而小朋友有呢方面問題，家長要外出接受訓練。

學校係行緊融合教育係舊模式，政府比一舊錢$35萬予學校，其實唔夠，幸好有捐款可補貼，舊錢用黎請TA協助課堂教學。

調應係有，例如人地抄三次，SEN小朋友只需抄一次；小一考試測驗係以讀卷形式，小二就要自己睇題目，小手肌唔得就比調適，寫唔到中文字，例如1.口2.眼睛3.鼻，只需填上個no.就可以。

歡迎家請有經驗的影子老師，有助老師授課。

小朋友有障礙而想入讀，家長就要定個目標，一年唔得就走，定兩年、三年唔得就走？唔好期望一年唔得，第二年會自動改善....
個校長係出名有教無類，佢都好直接老實要家長面對現實的。

MrBeast

一些機構如協康或聖雅各福群會都有sen選校講座，不過應該是自行前。
如做緊治療，治療C/姑娘是 good src of info

bobbob

kokchung81 發表於 16-3-13 22:32
多謝咁多位意見。衣家問題已經唔同晒，變左諗緊做得好融合o學校定特殊學校 ...

其實你位小朋友做咗升小一評估未？如果結果係要返特殊學校就咪揀主流學校

ozoz

原帖由 kokchung81 於 15-09-10 發表
如題
發展遲緩（一年左右）32區應選邊間小學，希望搵間真心用政府資源放番落囡囡到，老師有愛心。教育局呢 ...

塘官，你可以問一問有冇校車去你度接，留意下邊度落車，要唔要過大馬路行返去學校，如果工人姐姐帶返放學，都留意下大馬路是否危險。

karen55407

原帖由 kokchung81 於 16-03-13 發表
多謝咁多位意見。衣家問題已經唔同晒，變左諗緊做得好融合o學校定特殊學校 ...

特殊學校唔係咁易入㗎！

ozoz

呢堆間間正常都唔易喎。你有冇留意下沙崙？試試打電話去，參觀下了解下。

kokchung81

多謝咁多位意見。衣家問題已經唔同晒，變左諗緊做得好融合o學校定特殊學校

kokchung81

回覆 cmchang0927 的帖子

你朋友個小朋友衣家點？最後有冇轉特殊學校？

Small_i

原帖由 Cry_s_tal 於 15-09-14 發表
都易入，塘官唔係咁多人揀，我見以往在自行階段都用唔曬50%位

謝謝

Cry_s_tal

原帖由 Small_i 於 15-09-14 發表
15分入塘官易嘛？

都易入，塘官唔係咁多人揀，我見以往在自行階段都用唔曬50%位

Small_i

15分入塘官易嘛？

qqfish

A, 你女有發展遲緩,特殊教育組會有特別小組約每2個月定期到校看你小朋友情況和與學校開會傾你小朋友在學如何;學校冇可能要你小朋友退學;因你攞住免死金牌;反之你小朋友有咩根上,佢地會與學校溝通是否學校有教快課程;其他小朋友是否一樣有同樣情況。到時間學校就閉啦…… 如果你真心為你小朋友好的,其實你應該選happy school 例如 葛亮洪,呢間學校在支援方便好充足。校長老師有經驗, 在校的小朋友會受到任何歧視。 你search 一下你心儀學校幾時有開放日,自己入去感受一下,邊間match 你小朋友。人講不如自己感受來得好。