上午york，下午浸幼，好唔好？

lilygang

一開始覺得可以互補，同時萬一個女係york跟唔到都有浸幼讀。但又怕個女精神分裂，兩間學校咁唔同風格。想聽聽大家意見，thanks a lot!

fishchow

就算有書也不一定合用。只能在你家附近出法，尋找各項的興趣班/活動。花式溜冰、Lego 班、切圖、應有盡有。在 Facebook 開一個專業給她，有興趣的 video 或資訊tag 佢，悶的時候一齊睇。如環境許可，養一頭貓/狗，比佢照顧下。假日四圍玩，參觀名勝古蹟，貼相、畫圖做日記。每次記低和活動有関的字，對認字會有幫助，因為體驗過，印象會深刻。例如，大嶼山、大佛、船，石頭、石級；又畫又寫。怕悶的小朋友不呆，係好事，只是辛苦了爸媽！

lilygang

fishchow 發表於 15-8-30 10:51
在多元智能的8項裡，分析一下你女兒的強項、弱項，按再加以訓練，可能更全面。幼稚園同級的内容好多時有重 ...

你的建議真的很好，請問有沒有一些書籍可以參考如果以引導形式訓練小朋友各項智能。
其實一想起以後早上這麼多時間在家裡度過就很頭痛。女兒也是最近才開始反感去公園，不然以前一有空閒時間帶她去公園就可以了。她已經差不多去盡香港所有大型好玩的公園了，連大一點的屋村公園我們都去了。

以前有老師說過她不像其他小朋友一樣享受玩的過程，她玩什麼都是有目的性，好像一個作業要完成好才"安落"。而在家裡有時她不認識自己能力範圍的限制，做不到她某些(我也不知道是什麼的)要求就會很傷心，半天都心情不好。

我也不知道怎樣引導她開心地玩。有時她會覺得我玩的很無聊。她又不肯同我傾計互動。真的不想在家看到她很悶發呆的樣子。真的很想有個什麼家長訓練班或者什麼書籍教導家長如果引導小朋友有意義地玩。

lilygang

多謝大家寶貴既意見，我最後都係放棄york，因唔太適合我小朋友。

fishchow

在多元智能的8項裡，分析一下你女兒的強項、弱項，按再加以訓練，可能更全面。幼稚園同級的内容好多時有重複，會浪費時間。或多買一些各類玩具、美勞、DVD 在家，比女兒學玩，趣味性更高。亦可開始發展 一體一藝，考小學有利。

soso3509

原帖由 Julybabe 於 15-08-11 發表
吾通上完兩間學校，小朋友都未有睡意，就捉佢上埋夜校嗎？

應該返完2間會再有興趣班...

soso3509

原帖由 lilygang 於 15-08-07 發表
回覆 dwkw333 的帖子

我之前都係咁諗，所以近排先同拒搵下午班。因為拒真係好鍾意翻學，bye bye 都唔講就 ...

大左公園玩厭哂?? 你淨係帶佢去一個公園架??

而家年紀基本上唔放下電係唔會訓晏覺, 但唔代表佢唔洗休息, 玩都係休息一種...之後一讀要讀十幾廿年書..另外我覺得你要發掘下個小朋友係邊類型..唔係讀得多就一定好...你都識講工間唔同類型...如果係咁..對小朋友有好處嗎?? 再者..你自己都要睇下自己可以配合到邊間學校既方式..例如一d 可能氹親子功課/ 多要屋企練習你係咪真係得呢???

siden

好明顯浸幼係最適合你女兒的幼稚園。

問題是你將來考小學會頭痕。

讀浸幼出去考小學其實冇問題，因為正常來說父母會因應情況自己再加插學術訓練去補不足。就如某女龍幼課程淺到痺，但女孩子出去考其他名校也有offer。

可是你女兒的品性，唔似課後肯俾你加料加學術supplement果種。

York 的好處，係學校日日慢慢地幫你輸入學術知識。你跟足學校做，就算唔出外加料，學術底子都唔會太差。

原則上，小孩子性情比學術能力要緊。呢點無疑問。選擇的時候，你要清楚what to give and what to take。

至於YCPS, 講真我都冇乜好感。唔知係德育做得唔夠定本身家長冇好好教，呢間學校小學生在火車站有幾次給我不守禮、妄顧他人感受的感覺。只是，YC或其他IS係不受傳統谷教育的另一個選擇，對有行為/情緒問題的孩子的包容會比傳統小學稍高。YCPS 絕不是易入的，人地收都收自己幼稚園上先。上年一位朋友考小一，交咗成千元報名費後in都冇得in。跟本依家稍為企理的IS, 都難考入，大把人爭。

MrBeast

lilygang 發表於 15-8-26 23:22
呢幾日陪個女番浸幼，真係好鍾意呢間學校啊！我覺得york比起浸幼好似補習班咁。拒emphasize既正係我個女最 ...

有fd 讀york，佢話都讀得開心，雖然性格唔同，我估可試一下先，見步行步，大不了可quit 一間。

lui

原帖由 Amymichelle 於 15-08-26 發表
點解而家d家長咁恐怖...真係可憐的小朋友

Good hope kinder 話明如發現小朋友番兩間幼稚園會即時勸退，當然亦冇可能入番小學

lilygang

其實我真係無乜研究過d小學，但如果到時候考唔到理想小學，係咪再揀耀中都唔會好難入？再唔係就衰d，同拒買debenture入。但我直覺覺得我個女番左浸幼會進步好多。拒而家最頭痛既係成日係自己世界裡面，當我地唔存在。所以我覺得有愛心同比到歸屬感既學校好重要。

lilygang

回覆 siden 的帖子

多謝你仲記得我之前的post啊。我個女之前只係讀耀中暑期班，耀中上年報過，仲waiting緊，k2可能有得讀。我老公都好鍾意耀中，但我一直都好想個女讀d注重德育，discipline，又唔會谷學術既學校。浸幼真係我dream school。我有一次去公園見到一半耀中小學生係度打機，家長由頭到腳都係名牌，去公園都著曬高爭鞋，係一邊傾計，完全唔理d小朋友係slide上面打機搞到我個女玩唔到。雖然呢個可能只係個別，但我的確覺得鍾意得耀中既，都幾大部分係有錢，覺得耀中係名牌，同埋一條龍唔洗煩比較passive既教育態度。耀中唔差，但for我既理念，浸幼好match到。

siden

樓主其實你有冇考慮俾佢耀中一路讀上去。

看到你之前的post, 以你女的行為/性格，除非有大改進，否則直覺佢唔係谷得果類小朋友。將來考小一，當然也可以揀真道、WKF之類冇咁谷的學校。可是要爭入去呢類學校，都不是容易，要學術操行有番咁上下。既然你唔介意浸幼/York 兩間加埋一個月成皮野，我假設$不是太大concern。你不如想清楚用不用$買一個輕鬆唔谷的一條龍幼稚園及小學生活。YC kinder 係一定全日，也省卻你半日煩惱。當然大前提係你也接受國際學習。

lilygang

kukarma 發表於 15-8-12 08:59
有無理解小朋友點解去monkey tree會爆喊？

我當時係去太子個間，超細，又暗，無乜窗同陽光。拒一入去就即刻捉得我好實好驚咁，跟住就爆喊。但個排有同拒去開montessori playgroup不知幾開心，拒對環境氣氛好敏感。呢幾日過去kids' gallery睇睇環境，如果ok比個女試下，拒上午有d playgroup，咁就可以唔洗讀york。

lilygang

babycherie 發表於 15-8-20 06:22
浸幼是一間非常好的學校，小朋友好presentable, 而且全部活動教學，冇功課，小朋友好enjoy, 因為每日都多姿 ...

呢幾日陪個女番浸幼，真係好鍾意呢間學校啊！我覺得york比起浸幼好似補習班咁。拒emphasize既正係我個女最缺乏既野。但我係擔心拒番浸幼咁開心，york咁學術拒會好confused，好似同時infuse緊拒兩種value兩種生活模式咁。但亦都可以話係互補既，始終都係要考小學，浸幼好似成日聽人講係太淺，上到小學會辛苦。而家我地都仲係試探緊，唔知skip nap是否可行。雖然平時星期六日得，但番學一定累好多。如果唔得既話，我一定選擇浸幼！話時話，浸幼好少小朋友喊，d小朋友本身好o力，而且小朋友著得都好樸素，好純品既感覺，我好鍾意呢d。

Amymichelle

點解而家d家長咁恐怖...真係可憐的小朋友

lilygang

呢兩個禮拜有d忙一直無乜時間上網，我上一次睇見無乜回覆以為沈左底添.. 其實我真係唔係怪獸家長，自問無咁既毅力。我d朋友成日話我太散漫。我一直都好鐘意外國個d好野玩得好high個種小朋友，所以我個女6個月大開始我同工人輪流一日帶拒去兩次公園，基本上係公園大。但拒越大，天生內向既性格就越明顯，歲幾時玩到兩個鐘，而家半個鐘都勉強，除左swing拒對其他公園設施一d興趣都無。係屋企就更差。我都好想好想拒係個種自己hae下玩得好開心個種小朋友。但拒自己玩玩具最多1個鐘，有時心情唔好一分鐘都無。我要每一刻都不停engage拒唔係拒就開始悶，一悶心情唔好就發脾氣，小小事就喊，一喊開就好難停，更加唔肯玩。搞到全家人都精神緊張。但拒自從暑假開始番耀中後，發現拒原來好enjoy番學，我覺得拒好鍾意大家一群小朋友跟住老師做活動（但係屋企拒從來唔會跟住我設計既game玩）。老師仲話拒好專心，我真係好感動。拒放學番屋企之後心情同個狀態都好好，可以玩好耐玩具仲會同我一齊玩，真係變左個人咁。拒係鍾意到一話番學玩緊乜都可以停，自動自覺去wee wee換衫著謝走，慢少少都唔得，好期待咁。我唔係吹水曬命。我個女一d都唔o力，自理，學術，社交能力我諗係york應該below average。但拒就係enjoy番學。如果拒番學辛苦唔鍾意，我諗我絕對無能力逼到拒去，我亦唔會咁做。反而係要逼拒去公園，拒會喊，我老公仲鬧我添（但拒係屋企成日發呆遲早都會喊）。所以就係因為咁既情況，我先想同拒報兩間。而且兩間學校都係5分鐘車程。有1個鐘多d係屋企玩＋食。

babycherie

浸幼是一間非常好的學校，小朋友好presentable, 而且全部活動教學，冇功課，小朋友好enjoy, 因為每日都多姿多彩，每日有運動堂和音樂堂，有玩具玩，又去playground, 學校的教程並不是一般九龍塘學校的，而且每個小朋友交的學費是over 100% 用於他們身上，小兒剛K3畢業，我們都十分感謝浸幼在這三年對他的培育，而且亦因為此，考到好多直資小學的offer，最後我們選擇了長沙灣的直資男校，如果你兩間學校中間有一個小時在家中午膳，而小朋友又不需要nap, 我覺得總比放學後去參加不同的課外活，浸幼學的得著更多。小兒當年是九龍塘另一學術幼稚園加浸幼上午班，午餐足足有一個小時在家中吃飯，小朋友也十分享受這幾年的校園生活。

cpc608

回覆 lilygang 的帖子

Definitely not a good idea

Happymama330

現今咁細個人仔就要經歷爭學位就係多得有這麼多的怪獸家長，有人冇書讀，有人又要返两間，到底是否真的站在小朋友的立場想？