收集聖士提反堂幼稚園媽媽意見~

woleB

聖士提反堂幼稚園好唔好？
重學術？活動教學？老師有冇愛心？小朋友返學開唔開心？

多謝回覆～

dickyyeung

好學校好老師，只不過資源不夠，老師做得太辛苦，所以轉校！我個仔讀過N班，我覺得老師教得小朋友好好！

JunJunJu

winnor 發表於 16-1-16 22:26
我冇post 野好幾年， 今次login搞了好耐都一定要同準備讀的家長講，千萬千萬不要讀這間，我小朋友在這間讀 ...

可唔可以分享下發生咩事呢？
我係在讀學生媽媽，雖然亦唔覺得學校屬一流，但印象中絕非你所講咁恐怖喎
我發覺呢間學校以前啲差評都叫做有啲事情經過解釋下，而家就寥寥幾句，但句句堅鬧，講真，要鬧就講多啲啦

嘉菲熊太太

原帖由 penguin8 於 16-01-18 發表
可否分享吓關於咩咁差？
好想知

想知咩事呀，可否分享一下？

JunJunJu

嘉菲熊太太 發表於 16-1-6 00:03
起初對此校感覺麻麻, 因為負評多, 但學校近我家, 當時又沒有其他近的學校收, 那就試膽粗粗試試讀這間, 現已 ...

好中肯！我大仔讀緊K－1，有同感，學校有不足之處，但都係行政上，與家長溝通上需要改進，但仔仔係讀得幾開心嘅～

monchichi0927

原帖由 winnor 於 16-01-16 發表
我冇post 野好幾年， 今次login搞了好耐都一定要同準備讀的家長講，千萬千萬不要讀這間，我小朋友在這間讀 ...

咩事咁嚴重？幼稚園咋喎

winnor

我冇post 野好幾年， 今次login搞了好耐都一定要同準備讀的家長講，千萬千萬不要讀這間，我小朋友在這間讀時，我和我的小朋友流了冇數的眼淚十分十分痛苦經歷。

tomochinbaby

penguin8 發表於 16-1-12 11:00
THX
咁茶点，書薄，校服另計大约幾$？

唔係好記得,茶點好似百零蚊一個月,書簿約四百一個學期,校服是我朋友的兒子給我的

tomochinbaby

penguin8 發表於 16-1-12 09:18
多謝分享

想問啲雜費大约一年幾錢？

暫時上學期約一千蚊.(不包茶點,書簿,校服喎)

tomochinbaby

我兒子是現在讀N班的,返學返得都幾開心,我也借此分享一下,不喜勿插.

我最欣賞此學校的是環境,校舍大, 學生有很多活動空間,學校有好多不同的教材比小朋友訓練大小肌肉.是一間傳統及正規的學校.學校亦經常有講座教家長如何與子女閱讀,溝通等等,一個學期約有三次家長會或分享會,比家長知道自己子女在校的情況和進度.每星期都有一份親子習作,亦有專題學習和不同的學習工具,在校學完,在家都能學習多一次,小朋友容易學識. 上學期已經教A-L,雖然唔係要佢地一定識晒,但至少已經對字母有概念.亦眼見高年班的學生英文同普通話都講得幾好.

老師方面, N班的老師很有愛心和耐性, 很快就很了解學生的性格,長處及短處,每次接放學,老師都會交待小朋友當日的情況,但可能佢地要處理的事都很多, 唔會講太多,一定要主動問佢地,或者之後再打比佢地詳談,如有突發事情發生,佢地都會打來報告,但有時又會唔記得左FOLLOW UP,要自己再問番.
自理方面,如樓上的家長所言,他們做得不錯,兒子已經可以不用著片去街,自己會除鞋除襪,收玩具,自己食飯抺咀,有禮貌,最開心係佢有時會領禱食飯, 相信呢D都係老師的功勞.

另外,學校都有不少活動,但相對雜費也不少,例如親子旅行,賣物會,講座,聖誕表演置裝費等等,要參與的話,都要比D錢.當然呢D都係自由選擇的.

有幾點我就唔係好喜歡,在校幫忙的姨姨們比較冷漠,有時都幾惡的(對家長係,對小朋友就唔知). 到現在,校長有時都仲會記錯學生個名,坦白講,校長在學生心目中的印象可能麻麻,因我每次提到校長,兒子都會說:”曵曵校長會鬧架,好惡架!”不知道是不是只在做丑人角色.

總括來講,此校給我的印象是較著重學術,德行方面較弱,高年級的學生仍會有爭野玩的現象. 學自理方面是不錯的,最起碼會學到咩叫守規矩, 聽老師的指令.

samgor1928

嘉菲熊太太 發表於 16-1-7 16:27
我不在原校升K1了，因為有間最心儀嘅學校收咗 ☺

恭喜及感恩！希望神會帶領小朋友們能離開這間學校.

嘉菲熊太太

原帖由 samgor1928 於 16-01-06 發表
回覆 嘉菲熊太太 的帖子

嘉菲熊太太，見你報了好多間K1，你會考慮原校升上K1嗎?

我不在原校升K1了，因為有間最心儀嘅學校收咗 ☺

samgor1928

回覆 嘉菲熊太太 的帖子

嘉菲熊太太，見你報了好多間K1，你會考慮原校升上K1嗎?

嘉菲熊太太

起初對此校感覺麻麻, 因為負評多, 但學校近我家, 當時又沒有其他近的學校收, 那就試膽粗粗試試讀這間, 現已讀了一個學期, 觀察到學校的教學方式, 老師質素等, 都想分享借此處分享下我對這學校的一些感受。

學校明顯的好處是地方寬敞, 有戶外空間, 一班20人, 每班2位老師, 師生比例不錯。整體老師是有愛心的, 班主任有時會致電家長告知孩子在校的表現, 但不是經常的, 主要靠小朋友口述及手冊得知學校教了甚麼。學校以主題教學, 會用環繞小朋友生活的題材教援知識, 多唱遊, 每天都有NET教英文/玩遊戲, 有體能活動。老師會俾好多鼓勵小朋友, 令佢哋嘗試用杯飲水, 自己除褲去廁所等。學校都幾多活動, 賣物會, 親子遊戲日, 三次家長日, 旅行, 聖誕表演等, 又不時拿勞作回家, 這些我都好欣賞的。我的仔仔好有哭鬧過2星期, 但過後變得很喜愛上學, 從老師,同學身上學到不少, 懂規矩, 懂關心別人, 說話能力大有進步, 自己能力亦有改善。

當然, 我亦有觀察到學校有不足之處, 好像是校車並不是必然可以坐的, 上午班早放的日子e.g. 適應週,生日會或特別活動是沒有校車送回家的。小朋友的衣服鞋襪有時候會錯放在其他同學的書包 (有寫名都有可能會錯)。N班A,B 兩班是共用同一個課室的, 如每班有自己一個課室就好了。學校透明度不足, 太少相發佈, 有時未必太清楚小朋友在學校做些甚麼(特別是細B)。有同學仔返咗學後成日都病, 我囝囝都試過腸胃炎, 疑似是從學校染病的。

另外, 我有去學校開放日, 有高班課室展示K3學生功課, 是週記來的, 估不到K3已經寫週記, 還寫得頭頭是道, 從高班家長中得知此校語境不錯, 課程不淺, 喜歡課程深, 或想讀聖公會的小學, 其實此校也不錯。

頭盔mode: 純粹分享個人意見, 不喜勿插

samgor1928

這間是學校定商品？

http://www.ssck.edu.hk/magazine.php

名校前名校後，如果只要講不要用心去做就會變做名校?

為名利忘記一切, 那麽多負評, 要上多幾次報先得!

相反我覺得聖士提反堂中學校長比較有教育熱心去做實事的人.

Chowpycc

woleB 發表於 15-8-4 19:27
聖士提反堂幼稚園好唔好？
重學術？活動教學？老師有冇愛心？小朋友返學開唔開心？

我女兒就讀現時N班並將會升原校K1，純分享，初返學時日日喊，但因d老師好有經驗愛心和有耐性，所以好快適應咗，其實初返學只係一個未夠26m嘅大bb，都未太懂表達自己的感覺，但每日接放學時，佢第一句就同我講“我今日好開心呀”啱啱呢個聖誕假成日都話想返學，又話掛住邊個邊個老師，另外課程方面活動教學令呀囡學習得開心，短短兩三個月自理能力好好，返學時係未介片，但現在去街懂得話要去洗手間，洗手，除衫褲鞋襪，擺書包玩具圖書，都係佢自己做，最鍾意佢哋親子課程活動做得好好，連我自己都參與得好投入，所以好開心能夠喺度繼續升讀，其實最緊要都係小朋友有舒服嘅環境，學習得開心