[慎入] --- 害人數據: 膚淺方式探討如何為學校分Banding

hkpapa852

我一向都係鍾意睇D可量化既資料(統計數據)既人, 所以選校時, 不管係小學定中學, 都會睇下佢地既"學術表現"先

點解要睇"學術表現"?好簡單, 香港教育制度, 求學就是求分數, 不論升中定入大學, 都係要睇你有幾多分.

升中要睇有幾多分? 當然, 唔係直接睇, 但升中時教育局要將學生按學術能力分為Band1, Band 2 同 Band 3, 咁你話係咪要"計分"先? 到入大學, 更加唔駛講啦, 至少要有3322, 然後再睇有幾多科4, 5......

所以你話我膚淺我都係咁講, 揀學校, 唔通真係可以唔睇佢地既學術表現咩?

要睇學術表現, 係小學嚟講, 我覺得係要睇佢地有幾多B1學生. 但因為教育局唔會公開呢D資料, 所以只能以該小學升上一線中學既比例嚟估計 (其實係靠估嫁咋!)

至於中學既"學術表現"要點睇呢?個人認為, 係睇一間中學有幾多學生升讀本地學士學位課程, 同埋各均平均達4級既比例等指標.

以下係個人用膚淺既定義定下既學校分類:

中學篇:   (2016年12月更新版本)

一般可歸類為一線/B1中學既基本指標:

1. 整體科目達4級或以上平均比例: >=40% (B1C: 40%-55%, B1B: 55%-70%, B1A: 70%+)

2. 四主科(中,英,數,通識)達4級或以上平均比例 (個別主科要達至少30%): >=40% (B1C: 40%-55%, B1B: 55%-70%, B1A: 70%+)

3. 入3大比例: >=15% (B1C: 15%-30%, B1B: 30%-45%, B1A: 45%+)

4. 升讀本地學士學位課程(包括資助和自資)比例: >=35% (B1C: 35%-50%, B1B: 50%-65%, B1A: 65%+)

5. 3322率: >=70% (參考過多間學校幾年既資料, 能恆常地有70%或以上3322率既中學, 都係B1中學, 只有少數B2中學間中可達呢個標準. 亦只有少數中學, 低過呢個標準但仍然有35%或以上既學生可以升讀local degree)

備注:

- 基本上, 符合條件(1)或(2), 就最明顯可以歸類.

- 至於條件(3), 因為發現有學校將非正式3大資助學學士學位(如SPACE既副學位), 也納入3大計算, 所以此條件要小心分析.

- 條件(4)雖可反映學校實力, 但始終不能完成反映成績. 因不少名校近年都多了成績好既學生去海外升學, 加上自資學位泛濫, 單睇呢方面既資料始絡不夠全面, 最多只能分析是否可算B1中學)

- 條件(5)和條件(4)類似, 此資料只能反映學校既部份成績. 如3322率高, 可能只是整體補底做得較好, 但不一定代表整體學生都有好成績.

解說:
個人認為, 3322率 + 整體科目4級或以上既成績, 會較全面睇在中學既表現

3322率: 可以睇到學校補底功能 (3322率高, 代表大多數學生都能符合讀degree資格, 但唔代表整體成績都好)
整體4+成績: 可以估計到B1學校大多數學生攞既成績 (當然最好有各科breakdown)
整體5+成績: 可以估計到學校既尖子比例

其餘較有參考價值既資料:
入3大率 (不過小心都會有水份)
入讀本地大學學士課程比例

單純入U率既參考價值不高, 因為入U依家變咗質. 以前入U一定係讀degree, 依家大學充斥大量副學位; 加上, 近年即使自資學士課程, 部份只需3322+2都有得讀, 如果計埋自資副學位, 9X%入U率其實好平常

反之, 入3大率較入U率有參考價值, 畢竟, 真正既3大學位, 只有UGC degree. 8大中, 只有3間大學係沒有開辦副學位 (3大+浸大+嶺大)

講番學校分類:

一線/B1中學分級定義 (我自己既定義咋!)

一線頭/B1A: 整體/主科4+比例: >=70% (3大比例: 45%+, 升讀本地學士學位課程比例: >=65%)
一線中/B1B: 整體/主科4+比例: 55%-70% (3大比例: 30%-45%, 升讀本地學士學位課程比例: >=65%)
一線尾/B1C: 整體/主科4+比例: 40%-45% (3大比例: 15%-30%, 升讀本地學士學位課程比例: >=65%)

二線/B2中學: 升讀本地學士學位課程比例: 8%-35% (B2A: 25%-34%, B2B: 15%-24%, B2C: 8%-14%)

三線/B3中學: 去到B3中學, 入大學率已經唔重要, 校風緊要D

小學篇:

1. 沒有一線聯繫/直屬"官津"中學既官津小學: 升讀一線中學既學生比例:>=45%

2. 有一線聯繫"官津"中學既官津小學: 升讀一線中學既學生比例:>=50%

3. 有一線直屬"官津"中學既官津小學: 升讀一線中學既學生比例:>=70%

4. 沒有一線聯繫/直屬"官津"中學既私立/直資小學: 升讀一線中學既學生比例:>=60%

5. 有一線聯繫"官津"中學既私立/直資小學: 升讀一線中學既學生比例:>=65%

6. 有一線直屬"官津"中學既私立/直資小學: 升讀一線中學既學生比例:>=85%

7. 二線官津小學: 升讀一線中學既學生比例: 25%-45%

8. 二線直資/私立小學: 升讀一線中學既學生比例: 30%-60%

關於中學分類, 因為DSE成績/入U比例每年都略有不同, 所以我覺得應該要參考幾年既資料, 如學校能恒常地保持同一水平, 才能歸類為該水平既學校.

例如同一間學校係五屆DSE中, 有至少三年達到相關標準, 就可以歸類為該標準既學校

小學分類亦類似, 要以小學能恒常地達某標準既派位, 才可以歸作某類別.

但點解要強調係 聯繫/直屬"官津"中學呢? 因為如果中學係直資/私立, 收生有自主權, 一般直屬位/聯繫位既概念根本上係唔適用 (因為根本無).

當然, 一間學校好唔好, 適唔適合自己個小朋友, 唔應該淨係睇呢D

至於其它有D咩要睇, 要考慮, 你要自己諗下, 因為每個人要求唔同.

我只係整個話題俾大家討論下, 研究下.

以下係2015年時定既中學分類指標:

中學篇:

一般可歸類為一線/B1中學既基本指標:

1. 升讀本地學士學位課程(包括資助和自資)比例: >=35%

2. 3322率: >=70% (參考過多間學校幾年既資料, 能恆常地有70%或以上3322率既中學, 都係B1中學, 只有少數B2中學間中可達呢個標準. 亦只有少數中學, 低過呢個標準但仍然有35%或以上既學生可以升讀local degree)

2. 各科平均達4級或以上比例 (整體4+比例): >=40% (只有少數B1中學不達此要求, 但一般都起碼>40%)

3. 入3大比例: >=10% (因為3大只提供既學士學位, 而且全部都係政府資助既學士學位)

一線/B1中學分級定義 (我自己既定義咋!)
一線頭/B1A: 升讀本地學士學位課程比例: >=65%, 整體4+比例: >=70% (3大比例: >=45%)
一線中/B1B: 升讀本地學士學位課程比例: 50%-64%, 整體4+比例: 55%-69% (3大比例: 25% - 44%)
一線尾/B1C: 升讀本地學士學位課程比例: 35%-49%,   體4級+比例: 40%-55% (3大比例: 10% - 24%)

二線/B2中學: 升讀本地學士學位課程比例: 8%-34% (B2A: 25%-34%, B2B: 15%-24%, B2C: 8%-14%)

三線/B3中學: 去到B3中學, 入大學率已經唔重要, 校風緊要D

可能有家長會話, 名校叻學生都去晒外國讀書啦! 的確有呢個可能, 但現實係, 參考首4屆DSE各大B1名校既畢業生去向, 相關中學每年中六畢業生會去海外升學既比例, 一般都在15%以下, 只有個別中學較高 (如SPCC: ~25%, St Paul College: ~30%). 而且只要睇番學校整體達4級或以上比例, 就可以估計到是否真係叻人就海外升學了! (定係敗走DSE?)

而且, 如果真係叻學生先走, 咁佢地入到既大學, 應該不比本港既8大差, 更加唔好講個堆攪自資學位既院校了. 咁扣除海外升學既學生後, 間中學應該都有一定比例既學生係合資格入讀本地大學吧!

否則, 如果只有大比例學生海外升學(但又唔講係咩海外大學), 但郤只有很低比例學生留港升學, 好難說服我呢間學校走咗去外國個班學生一定係叻而又有能力入到本地大學囉!

ANChan59

原帖由 little_yolky 於 16-04-13 發表
本帖最後由 little_yolky 於 16-4-13 17:11 編輯

我都支持B2學生入到大學㗎。


但我見一些 B1學生，被老點入分數較低的學科，因為學校要入U率，而非學生最佳利益！

little_yolky

ANChan59 發表於 16-4-13 17:03
你要多角度探討，求其入到大學 ＝ 升中頭三志願，不難。

計到盡，入到熱門科目就真係考功力。

話雖如此, 但如果同學的成績本身不是很出眾, 因為老師的努力令一眾本來無緣入讀大學的女孩子可以繼續學業, 也很值得敬佩。


求其入到大學, 對B2的孩子來說並不是容易的事情啊。

ANChan59

原帖由 little_yolky 於 16-04-13 發表
可能係九真D老師夠勤力, 幫班小朋友諗埋D加權分, 所以舊年咁多人入到大學。 ...

你要多角度探討，求其入到大學 ＝ 升中頭三志願，不難。

計到盡，入到熱門科目就真係考功力。


九真是前者，還是後者？後者就不簡單！

little_yolky

ANChan59 發表於 16-4-13 16:20
回覆 ms.giggle 的帖子

http://www.admo.cityu.edu.hk/doc/jupas_scores2015.pdf

可能係九真D老師夠勤力, 幫班小朋友諗埋D加權分, 所以舊年咁多人入到大學。

ANChan59

回覆 ms.giggle 的帖子

http://www.admo.cityu.edu.hk/doc/jupas_scores2015.pdf

Some examples for CityU admission score calculation.

You can also search those key words in Google, PolyU and UST also using weighing for admission screening.

hkpapa852

little_yolky 發表於 16-4-13 14:54
俾當事人自己決定? 到時佢話：阿媽, 我要考演藝學院學粵劇課程！咁我咪大劑。 ...

不過可能要幫考試局做0的突破, 報考咗DSE科粵劇先

little_yolky

Yanamami 發表於 16-4-13 14:46
何止八大入学要求？係每个心儀学系既入学要求！唔係点填A1A2A3, B1B2B3志願~
其实呢个工序係咪应該 ...

俾當事人自己決定? 到時佢話：阿媽, 我要考演藝學院學粵劇課程！咁我咪大劑。

Yanamami

little_yolky 發表於 16-4-13 14:36
吓??? 有唔同加權分? 咁係咪即係阿女升中後, 又要收集8大各系入學要求, 又要咪書咁由頭咪過?  ...

何止八大入学要求？係每个心儀学系既入学要求！唔係点填A1A2A3, B1B2B3志願~
其实呢个工序係咪应該由當事人去研究？你应該係佢升中後退休~

MASAYA

little_yolky 發表於 16-4-13 14:36
吓??? 有唔同加權分? 咁係咪即係阿女升中後, 又要收集8大各系入學要求, 又要咪書咁由頭咪過?  ...

之前有人放左個excel出黎，有晒每間大學每個系點計分，不過我諗住到時都可能唔同晒，所以冇細睇

little_yolky

ANChan59 發表於 16-4-12 16:56
多謝代言人

不過，冇$俾

吓??? 有唔同加權分? 咁係咪即係阿女升中後, 又要收集8大各系入學要求, 又要咪書咁由頭咪過?


好辛苦, 升小, 升中, 連升大學都要.........

ANChan59

原帖由 ms.giggle 於 16-04-13 發表
什麼科會double eng & maths?

上面講咗囉，其他網上有，做功課啦！

ms.giggle

什麼科會double eng & maths?

ANChan59

原帖由 Yanamami 於 16-04-12 發表
有d学系重視英文、数学，会乘大个分1.5~2倍~

多謝代言人

不過，冇$俾

Yanamami

MASAYA 發表於 16-4-12 15:43
唔明，願聞其詳

有d学系重視英文、数学，会乘大个分1.5~2倍~

MASAYA

ANChan59 發表於 16-4-12 12:33
三年前，我試過幫朋友個仔以21分入城大會計，靠科英文及數計double。

唔明，願聞其詳

ANChan59

原帖由 hkpapa852 於 16-04-12 發表
當然, 都要呢22-24分係來自咩科, 同睇入想入邊間大學邊科....

三年前，我試過幫朋友個仔以21分入城大會計，靠科英文及數計double。

hkpapa852

ANChan59 發表於 16-4-12 10:59
22-24分入到都要考搏奕及計分方法！

當然, 都要呢22-24分係來自咩科, 同睇入想入邊間大學邊科....

ANChan59

22-24分入到都要考搏奕及計分方法！

ozoz

原帖由 hkpapa852 於 16-04-12 發表
JUPAS 升讀學士學位要求一向都只係3322=10分, 另外係要按每年情況估計要有幾多分先可穩陣取得一個資助學士 ...

明白了，謝謝。